Juan 11:50 - Lalang Hu Dios

⁵⁰ Harì nuy ba diay agkatun-an ha maayad pa ku sabuwa dà sa matay para hu alan ha mga etaw dì ku madaetan pa haini sa nasud taw?”

Juan 11:50 Iomraidhean Croise

Mateo 5:29

Ku iyan igpakasalà nuy sa kawanan ha mata nuy lugita haena daw ilambeg, ta maayad pa ha sabuwa dà sa mata nuy dì sa daruwa ba makaagbul kaw diyà ta Impirnu.

Lucas 24:46

Minikagi haena, “Sa insulat ha lalang hu Dios tagyanaen, ‘Su Misiyas kinahanglan ha makaagi hu mga alantusen daw matay gayed ba duun hu ikatulu ha aldaw mabanhaw dà.’

Juan 11:48

Ku ipatayà taw iman haena madakel gayed sa tumuu kandin daw elegan kuy hu mga sundalu ta Roma. Kagasen dan haini sa Timplu daw daetan dan haini sa nasud taw.”

Juan 18:14

Si Caifas iyan mig-ikagi su anay duun hu mga agalen hu mga Judio ha maayad pa ha sabuwa dà sa matay para hu alan.

Juan 19:12

Sugud taena agkabayaan en ngaay hi Pilato aglibriya si Jesus. Ba sa mga Judio dayun dà tagkulahiay, “Ku libriyen nu hayana kenà kad en amigu hi Cesar sa Harì ta Roma, ta bisan sin-u sa iling tayan ha tagpaharì-harì agpakasupak ki Cesar.”

Roma 3:8

Ba henhenaa nuy ha ku laus pa haena sa tag-ikagiyen dan saini tagpasabut ha buhaten taw ngaay sa madaet ta daw madayag sa maayad. Ba saena harì gayed mabaluy. Iman amin tag-ikagi ha iyan haena tigtudlù ku. Saena silutan gayed sumalà hu angayan kandan.