Juan 10:3 - Lalang Hu Dios

³ Saena igpaseled hu bantay hu pultahan daw agpalilimanan hu mga karniru sa lageng din. Umawen din sa mga ngaran taena ha mga karniru daw igpaguwà din sidan.

Juan 10:3 Iomraidhean Croise

Juan 10:14

“Iyan a gayed maayad ha magbalantay hu mga karniru. Nakilala ku sa kanak ha mga karniru daw nakilala a daan kandan

Juan 10:16

Amin ku pa mga karniru ha hurà pa makaseled duun hu alad. Kinahanglan ha igpaseled ku pa daan sidan. Magpaliliman daan sidan kanak dayun makag-amulà dà sidan daw sabuwa a dà sa magbalantay dan.

Juan 10:4

Ku humipanaw en sidan diyà ta guwà iyan tag-una sa magbalantay daw sa mga karniru aglupug kandin ta agkakilala dan en sa lageng taena.

Juan 10:9

Iyan a gayed pultahan daw bisan sin-u sa umagi dini ta kanak maluwas gayed. Sumeled daw gumuwà sidan hu pagpanabtab.

Juan 6:37

Sa alan ha mga etaw ha in-ila kanak hu Dios ha Amay ku agdini ta kanak, daw saena ha agdini ta kanak harì ku gayed agbugawen.

Juan 6:45

Amin insulat hu mga prupita ha tagyanaen, ‘Tudluan hu Dios sa alan ha kaet-etawan.’ Aman bisan sin-u sa magpaliliman hu Amay ku ha tinudluan din dumini gayed ta kanak.

Roma 8:30

Saena ha daan din en pinilì ha mabuhat ha mga batà din hinimu din sidan ha tumutuu daw binuhat din daan ha matareng gayed ta daw madayè daan sidan ku malugay.

1 Corinto 16:9

ta madakel pa sa agkabayà agpaliliman hu lalang hu Dios dini bisan ku madakel daan sa agkuntra kanak.

Filipos 4:3

Daw sikaw sa matinumanen ha bulig ku, aghangyuen ku daan ikaw ha buligan nu haini sa mga bahi ta naniguru sidan pagbulig kanak pagsangyaw hu Maayad ha Tultulanen duma ki Clemente daw hu alan ha mga duma ku duun hu buluhaten hu Dios ha sa ngaran dan nakasulat en duun hu libru hu kinabuhì.

Colosas 4:3

Iampù kay daan inyu ha himuwen hu Dios sa paagi ha makapadayag day sa inlilung su anay mahitenged ki Cristo ta iyan haena hinengdan ha naprisu a iman.

2 Timoteo 2:19

Ba henhenaa ha sa kamatuuran harì gayed tagkahalin-halin ta saena nakasulat en duun hu lalang hu Dios ha tagyanaen, “Sa Ginuu natun-an din sa alan ha mga sakup din” daw inikagi daan, “Sa tag-ikagi ha tumutuu hu Ginuu kinahanglan ha umendà pagbuhat hu madaet.”

1 Pedro 1:12

Impadayag hu Dios diyà ta kandan ha kenà pa haini para kandan ba para iman kanuy, ta sa intultul dan su anay iyan sa Maayad ha Tultulanen ha tigsangyaw daan iman inyu hu mga etaw ha ginaheman hu Balaan ha Ispiritu ha sinugù hu Dios. Saini ha kaluwasan agkabayaan ngaay hu mga balinsuguen hu Dios ha matun-an dan.

1 Juan 4:6

Ba sikay sa manunudlù ha sinugù hu Dios agpalilimanan kay hu mga etaw ha pakakilala en hu Dios, ba sa kenà mga etaw hu Dios harì gayed tagpaliliman kanay. Iyan haena timaan ha matun-an taw ku hindu duun sa kamatuuran daw sa mga bidù.

3 Juan 1:14

ta taghinam a ha madani ad en makadiyan daw makaglalang ki dà.

Impadayag 20:15

Bisan sin-u haena sa hurà makasulat sa ngaran din duun ku libru hu kinabuhì iglambeg duun hu linaw ha tagkalegdeg.

Impadayag 3:20

Taini ad en ta pultahan sa tagpangumaw. Ku amin makapaliman kanak daw puwaan din sa pultahan sumeled a duun daw salu kandin.

Impadayag 7:17

ta sa Nati ha Karniru duun hu taliwarà ku trunu iyan magbalantay daw iyan daan panulù dan duun ku mga tuburan ha tag-ila hu kinabuhì ha hurà din katapusan. Daw pahiran hu Dios sa alan ha mga pakapaguul kandan.”