Juan 1:29 - Lalang Hu Dios

²⁹ Su maisab ha aldaw naahà hi Juan si Jesus ha tagdiyà ta kandin. Dayun uminikagi si Juan, “Taini en sa Nati ha Karniru ha sinugù hu Dios ta daw makapalas hu salà hu kaet-etawan.

Juan 1:29 Iomraidhean Croise

Mateo 1:21

Saena ku ibatà asem maama gayed daw sa ingaran nu duun iyan si Jesus ta sa mga etaw ha agsunud kandin aglibriyen din duun hu mga salà dan.”

Mateo 20:28

Bisan siak sa Batà hu Etaw kenà ku iyan indini ta kalibutan ta daw mabuligan a hu mga etaw, ba sa pagdini ku iyan sa pagbulig daw sa pagpakamatay ta daw malibri sa kaet-etawan ha naulipen hu salà.”

Juan 1:35

Su maisab ha aldaw diyà en paman si Juan duma hu daruwa ha mga sumusunud din.

Juan 1:36

Su maahà din si Jesus sa aglabay diyà ta kandan inikagiyan din su daruwa, “Taini en su Nati ha Karniru ha sinugù hu Dios.”

Juan 1:43

Su maisab ha aldaw nahenhenaan hi Jesus ha dumiyà ta prubinsya ta Galilea. Inelegan din si Felipe daw ikagiyi, “Dumuma ka kanak.”

Juan 2:1

Su maiwas en sa daruwa ha aldaw amin kaamulan diyà ta Cana ha sakup ta Galilea. Tuminampu sa inay hi Jesus

Juan 3:16

“Palanggà gayed hu Dios sa alan ha kaet-etawan aman in-ila din sa bugtung ha Batà din ta daw sa alan ha tumuu taena harì en masilutan ba mailahan hu kinabuhì ha hurà din katapusan.

Juan 4:42

Inikagiyan dan haena sa bahi, “Sa igpakatuu day kenà iyan dà sa intultul nu kanay ba napaliman day gayed sa lalang din daw natun-an day ha iyan en gayed Manluluwas hu kaet-etawan.”

Juan 6:51

Iyan a kalan-enen ha diyà napuun ta langit ha makaila hu kinabuhì. Sa kumaen taena amin din gayed kinabuhì ha hurà din katapusan. Sa kalan-enen ha ig-ila ku iyan en sa lawa ku ta daw sa kaet-etawan mahimu ha amin dan kinabuhì ha hurà din katapusan.”

Mga Buhat 13:39

Kenà pinaagi hu pagtuman hu Kasuguan hi Moises ha malibri kuy hu mga salà taw ba pinaagi dà hu pagtuu ki Jesus.

Mga Buhat 8:32

Sa lalang hu Dios ha tagbasahen ku upisyal iyan haini, “Iling haena hu karniru ha harì ag-iyagak ku ag-iyawen daw iling daan hu nati hu karniru ha mahagteng ku agtabulugen.

1 Corinto 15:3

Sa intudlù ku inyu ha mahinengdanen gayed iyan sa intudlù daan kanak hu Dios ha si Cristo migpakamatay tumenged hu mga salà taw sumalà hu insulat ha lalang hu Dios

2 Corinto 5:21

Si Cristo sa hurà din salà iyan sinilutan hu Dios tumenged hu mga salà taw ta daw pinaagi hu pagpakigsabuwa taw kandin mabuhat kuy iman hu Dios ha matareng iling kandin.

Galacia 1:4

Inhalad hi Cristo Jesus sa kaugalingen din tumenged hu mga salà taw ta daw maluwas kuy duun hu madaet dini ta kalibutan iman sumalà hu agkabayaan hu Dios ha Amay taw.

Galacia 3:13

Ba natun-an taw en ha hurà gayed makatuman hu alan ha Kasuguan. Ba bisan ku masupak taw sa Kasuguan linibri kuy hi Cristo ta iyan en haena sinilutan para kanuy pinaagi hu kamatayen din duun hu krus, ta sa insulat ha lalang hu Dios tagyanaen, “Sa etaw ha aghimatayan daw igbitay duun hu kayu sinilutan hu Dios.”

1 Timoteo 2:6

daw migpakamatay ta daw mabawì kuy kandin. Pinaagi taena su mauma sa natugun ha panahun nakapadayag din ha sa tuyù hu Dios iyan sa pagluwas hu kaet-etawan.

Tito 2:14

ha migpakamatay para kanuy ta daw malibri kuy duun hu pagkaulipen taw hu salà, daw aghimpiten kuy kandin ta daw mabuhat kuy ha mga etaw din ha madasigen pagbuhat hu maayad.

Hebreo 1:3

Sa pagpangaluanlag hu Dios impadayag pinaagi hu Batà din ta iling dà gayed sidan, daw iyan sa Batà din tagbayà hu alan ha tinanghagà pinaagi hu gahem hu pag-ikagi din. Su mapalas din en sa mga salà hu kaet-etawan pinaagi hu kamatayen din, luminikù diyà ta langit daw duun mininuu hu kawanan hu Dios ha gamhanan.

Hebreo 2:17

Aman si Jesus migpakaetaw gayed ta kinahanglan ha makaagi hu bisan inu ha alantusen ta daw, mabuhat ha maluluy-en daw matinumanen, tungkay labaw ha sinaligan hu mga etaw duun hu Dios, daw mapalas din sa mga salà hu kaet-etawan.

Hebreo 9:28

Iling daan taena si Cristo kasabuwa dà magpakamatay hu pagpamalas hu salà hu kaet-etawan. Ku lumikù asem haena sa tuyù din kenà en iyan sa pag-uwit duun hu krus hu salà hu kaet-etawan ba iyan en sa katumanan hu kaluwasan taena ha tagsalap kandin.

1 Pedro 1:19

ba iyan sa tungkay gayed mahal. Saena iyan si Cristo sa migpaagas hu langesa din ha inhalad iling hu nati hu karniru ha hurà gayed madaet duun.

1 Pedro 2:24

Inuwit en hi Cristo sa mga salà taw duun hu krus ta daw harì kuy en magbuhat hu salà daw sa pamatasan taw matareng gayed. Pinaagi hu pag-antus din nalibri kaw.

1 Pedro 3:18

Si Cristo kasabuwa dà magpakamatay daw iyan haena matareng ha migpakamatay para hu kenà matareng ta daw mabuhat kuy ha mga etaw hu Dios. Migpakamatay haena ba bubuhay pinaagi hu Balaan ha Ispiritu

1 Juan 2:2

daw inhalad sa kaugalingen din ta daw mapalas sa mga salà taw daw hu alan ha kaet-etawan.

1 Juan 3:5

Ba natun-an nuy en ha migdini si Jesus ta kalibutan pagpalas hu mga salà taw ta hurà din gayed bul-ug salà.

1 Juan 4:10

Sa laus ha pagpalanggà kenà iyan sa kanuy ha pagpalanggà hu Dios ba iyan sa pagpalanggà din kanuy, ta impadini din ta kalibutan sa Batà din ta daw pinaagi hu paghalad din hu kaugalingen din mapalas din sa mga salà taw.

Impadayag 12:11

Saena ha mga suled taw ha tumutuu nadaeg dan en si Satanas pinaagi hu langesa hu Nati ha Karniru daw pinaagi hu pagpanunultul dan hu lalang hu Dios ta hurà dan kanuguni sa kinabuhì dan bisan duun hu kamatayen.

Impadayag 13:8

Simbahen haena hu alan ha mga etaw ha hurà makasulat sa mga ngaran dan duun taena ha libru hu kinabuhì ha kandin ku hinimatayan ha Nati ha Karniru. Saena ha libru daan en nasulatan hu mga ngaran su hurà pa tanghagaa sa kalibutan.

Impadayag 14:1

Naahà ku sa Buntud ta Zion ha duun tagtiyadeg su Nati ha Karniru duma hu 144 ha libu ha mga etaw ha sinulatan sa tangad dan hu ngaran taena ha Nati daw ngaran hu Dios ha Amay din.

Impadayag 14:10

ipainum gayed hu mapait ha binu ha iyan sa kapauk hu Dios. Saena ha mga etaw ipaantus gayed hu kasakitan duun hu tagkalegdeg ha asupri daw tag-ahaen sidan taena ha Nati ha Karniru daw ku mga balinsuguen hu Dios.

Impadayag 14:4

Saena mga maama ha himpit ta hurà gayed makasalà duun hu bahi. Sigi dà sidan taglupug taena ha Nati ha Karniru bisan hindu duun agpayanaen. Duun hu alan ha kaet-etawan iyan sidan linuwas iling hu lagunen ha inhalad duun hu Dios daw duun hu Nati ha Karniru.

Impadayag 15:3

daw tagkanta sidan hu mga kalantahen taena ha suluguen hu Dios ha si Moises daw hu Nati ha Karniru ha tagyanaen, “Sikaw sa Dios ha gamhanan daw Magbabayà hu alan, gamhanan gayed daw belenganen sa alan ha mga buhat nu. Iyan ka Harì hu alan ha kaet-etawan daw matareng daw kamatuuran sa alan ha mga buhat nu.

Impadayag 17:14

Dayun sabaen dan su Nati ha Karniru, ba madaeg din sidan ta saena ha Nati iyan Magbabayà hu alan ha mga magbabayà daw Harì hu alan ha mga harì. Sa duma din iyan sa mga hinimu hu Dios ha tumutuu ha pinilì din daw matinumanen daan kandin.”

Impadayag 19:7

Magmalipayen kuy daw dayeen taw sa pagkagamhanan din ta nakauma en sa panahun hu kaamulan hu Nati ha Karniru daw sa ag-asawahen din naandam en

Impadayag 19:9

Dayun inikagiyan a ku balinsuguen hu Dios, “Isulat nu haini, ‘Malipayen gayed su inimbita duun hu kaamulan hu Nati ha Karniru.’” Daw sinumpayan din, “Iyan haini lalang hu Dios daw kamatuuran gayed.”

Impadayag 21:14

daw saena ha kutà duun nakaluntud hu sampulù daw daruwa ha batu. Saena ha mga batu sinulatan daan hu mga ngaran ku sampulù daw daruwa ha apustulis taena ha Nati ha Karniru.

Impadayag 21:27

Ba hurà en gayed duun igpaseled ha mahugaw daw sa taghimu hu pinakagalugayhà daw sa limbungan ta iyan dà makaseled duun sa mga etaw ha nakasulat sa ngaran dan duun hu libru hu kinabuhì ha kandin ku Nati ha Karniru.

Impadayag 21:9

Dayun sa sabuwa duun ku pitu ha balinsuguen hu Dios ha tagbalabad hu yahung ha tinaguan hu mga alantusen inikagiyan a kandin, “Dini ka ta igpaahà ku ikaw sa tag-asawahen taena ha Nati ha Karniru.”

Impadayag 5:6

Dayun naahà ku sa Nati ha Karniru ha duun tagtiyadeg hu taliwarà taena ha trunu daw linibutan ku haepat ha tinanghagà daw ku mga magulang. Saini ha Karniru amin din mga palì ha bà su hinimatayan su anay. Sa sungay din pitu ha buuk daw pitu daan sa mata din ha iyan sa pitu ha paagi ha makapadayag sa pagkagamhanan hu Balaan ha Ispiritu ha sinugù hu Dios dini ta tibuuk ha kalibutan.

Impadayag 5:8

Su timuen din haena namanluhud daan su haepat ha tinanghagà su kaluwaan daw haepat ha mga magulang, duun hu atubangan taena ha Nati ha Karniru. Kada sabuwa kandan tagbalabad hu arpa daw yahung ha bulawan ha napunù hu insinsu ha tagsunugen ta iyan haini pag-ampù hu mga etaw hu Dios.

Impadayag 6:1

Tag-ahaen ku su awaen hu Nati ha Karniru sa una ha timaan ku balasahen. Dayun napaliman ku sa sabuwa duun ku haepat ha tinanghagà ha sa lageng din bà su dagsang ha tagyanaen, “Guwà ka duun tayan.”

Impadayag 6:16

Inumaw dan haena sa mga bubungan daw su mga batu ha kagi dan, “Kalunawi kay en ta daw harì kay maahà taena ha tagpinuu duun hu trunu diyà ta langit daw harì daan makauma dini ta kanay sa kapauk hu Nati ha Karniru,

Impadayag 7:14

Saena tinubag ku, “Ikagiya nu kanak ta harì ku agkatun-an.” Dayun inikagiyan a kandin, “Sayana ha mga etaw iyan su nakaagi hu pinakahaluhaldek ha kasamukan diyà ta kalibutan. Maputì sa bisti dan ta hinenawan en hu langesa taena ha Nati ha Karniru.

Impadayag 7:17

ta sa Nati ha Karniru duun hu taliwarà ku trunu iyan magbalantay daw iyan daan panulù dan duun ku mga tuburan ha tag-ila hu kinabuhì ha hurà din katapusan. Daw pahiran hu Dios sa alan ha mga pakapaguul kandan.”