Impadayag 8:3 - Lalang Hu Dios

^3-4 Amin pa nakahiwal ha balinsuguen hu Dios ha tuminiyadeg abay ku halaran. Saena tagbalabad hu yahung ha bulawan daw inilahan hu madakel ha insinsu ta agsunugen haena duun ku bulawan ha halaran duun hu atubangan hu trunu ku tag-ampù sa alan ha mga etaw hu Dios. Sa ebel ku insinsu ha sinunug nakadiyà ta sampaw duma hu mga pag-ampù taena ha mga etaw hu Dios.

Impadayag 8:3 Iomraidhean Croise

Lucas 1:10

Su panahun hu pagsunug taena ha insinsu madakel daan sa mga etaw diyà ta guwà ha tag-ampù.

Roma 8:34

Sin-u man sa makahukum pa kanuy hu silut? Hurà gayed ta si Cristo Jesus migpakamatay para kanuy ba nabanhaw dà daw duun en iman tagpinuu hu kawanan hu Dios ta iyan agpangatubang diyà ta kandin hu pag-ampù para kanuy.

Hebreo 7:25

Aman pinaagi taena mabaluy ha maluwas din sa bisan sin-u ku umubay duun hu Dios pinaagi kandin, ta hurà katapusan hu kinabuhì din daw iyan daan sinaligan hu mga etaw ha mangatubang duun hu Dios hu pag-ampù para kandan.

Hebreo 9:4

ta duun sa bulawan ha halaran, duun tagsunuga hu insinsu daw amin duun kahun ha tinaguan hu mga timaan taena ha daan ha kasabutan hu Dios daw mga etaw. Su kahun hinal-epan hu bulawan daw duun intagù sa bulawan ha bahandi ha tinaguan hu kalan-enen ha mana, daw intagù daan duun su nanalingsing en ha sugkud hi Aaron daw su daruwa ha batu ha sinulatan hu Kasuguan.

Impadayag 10:1

Naahà ku sa lain en paman ha gamhanan ha balinsuguen hu Dios ha tagpakabulus ha napuun diyà ta langit, saena nabungkusan hu gabun daw napayungan hu balugtu. Sa weleng din iling hu aldaw daw sa mga paa din bà su tukud ha tagkalegdeg.

Impadayag 14:18

Dayun guminuwà pa gayed sa lain ha balinsuguen duun taena ha halaran diyà ta Timplu ha iyan tagbayà taena ha hapuy duun. Inikagiyan din hu madaging haena sa balinsuguen ha tagbalabad hu magalang ha sangget, “Diyà kad en ta kalibutan daw panimua sa paras ta nahinug en haena.”

Impadayag 5:8

Su timuen din haena namanluhud daan su haepat ha tinanghagà su kaluwaan daw haepat ha mga magulang, duun hu atubangan taena ha Nati ha Karniru. Kada sabuwa kandan tagbalabad hu arpa daw yahung ha bulawan ha napunù hu insinsu ha tagsunugen ta iyan haini pag-ampù hu mga etaw hu Dios.

Impadayag 6:9

Su maawà en hu Nati ha Karniru su ikalima ha timaan taena ha balasahen naahà ku duun hu sileb taena ha halaran sa mga gimukud hu mga etaw ha pinanhimatayan tumenged ta matinumanen sidan hu pagpanunultul hu lalang hu Dios.

Impadayag 7:2

Dayun naahà ku sa sabuwa ha balinsuguen hu Dios ha diyà napuun ta sinibwalan ha tagbalabad hu timaan hu Dios ha bubuhay. Duun hu madaging ha lageng inikagiyan din su haepat ha balinsuguen ha inilahan hu kagahem hu pagdaet ta bugtà daw ta dagat

Impadayag 8:5

Dayun su balinsuguen pinunù din haena sa yahung hu mga baga ha napuun duun ku halaran daw ilambeg diyà ta kalibutan. Sagunà duminaheneg sa lugung daw dagsang, nasalasab sa kilat daw miglinug daan hu makeseg.

Impadayag 9:13

Su ikaenem ha balinsuguen hu Dios hiniyup din sa kandin ha trumpita. Dayun napaliman ku sa lageng ha napuun duun hu haepat ha suyuk ku bulawan ha halaran duun hu atubangan hu Dios.