Impadayag 7:2 - Lalang Hu Dios

² Dayun naahà ku sa sabuwa ha balinsuguen hu Dios ha diyà napuun ta sinibwalan ha tagbalabad hu timaan hu Dios ha bubuhay. Duun hu madaging ha lageng inikagiyan din su haepat ha balinsuguen ha inilahan hu kagahem hu pagdaet ta bugtà daw ta dagat

Impadayag 7:2 Iomraidhean Croise

Mateo 16:16

Tuminubag si Simon Pedro, “Iyan ka su Misiyas sa Batà hu bubuhay ha Dios.”

Mateo 26:63

Ba si Jesus hurà en magtubag. Minikagi dà paman su tungkay labaw ha sinaligan hu paghalad, “Duun hu atubangan hu Dios ha bubuhay ipanumpà nu daw ikagiyi kay ku iyan kad ba su Misiyas ha Batà hu Dios.”

Juan 6:27

Harì nuy agsiguruwi sa kalan-enen ha sagunà dà agkadaet ba maniguru kaw ta daw matimù nuy sa kalan-enen ha makaila hu kinabuhì ha hurà din katapusan. Siak sa Batà hu Etaw iyan a inilahan hu Dios ha Amay ku hu gahem ha makaila taena inyu.”

2 Corinto 1:22

daw migpaulin kanuy hu Balaan ha Ispiritu ha iyan daan timaan ha mga etaw kuy kandin daw maangken taw daan sa insaad din kanuy.

Efeso 1:13

Daw sinyu daan su mapaliman nuy sa kamatuuran ha iyan sa Maayad ha Tultulanen mahitenged hu kaluwasa inyu tuminuu kaw daan kandin daw pinaulinan kaw hu Dios hu Balaan ha Ispiritu ha iyan insaad din su anay. Timaan haena ha mga etaw kaw gayed kandin

Efeso 4:30

Harì nuy agsakita sa Balaan ha Ispiritu ha sinugù hu Dios ta saena iyan timaan ha etaw kaw hu Dios daw libriyen kaw gayed asem kandin.

1 Tesalonica 1:9

ta saena ha mga etaw iyan en nakatultul ha dinawat kay gayed inyu. Intultul dan daan ha inendaan nuy en sa mga diyus-diyus na sa tagsimbahen nuy iman iyan en sa laus daw bubuhay ha Dios

2 Timoteo 2:19

Ba henhenaa ha sa kamatuuran harì gayed tagkahalin-halin ta saena nakasulat en duun hu lalang hu Dios ha tagyanaen, “Sa Ginuu natun-an din sa alan ha mga sakup din” daw inikagi daan, “Sa tag-ikagi ha tumutuu hu Ginuu kinahanglan ha umendà pagbuhat hu madaet.”

Hebreo 12:22

Ba sinyu makaubay kaw duun hu Bubungan ta Zion daw duun hu banuwa hu Dios ha bubuhay ha iyan sa Bag-u ha Jerusalem diyà ta langit ha duun naamul-amul sa harì maiyap ha balinsuguen hu Dios ha malipayen gayed.

Impadayag 1:3

Malipayen gayed sa etaw ha magbasa taini ha libru daw malipayen daan haena sa magpaliliman daw tumuu, ta madani en sa panahun ha matuman haini.

Impadayag 10:1

Naahà ku sa lain en paman ha gamhanan ha balinsuguen hu Dios ha tagpakabulus ha napuun diyà ta langit, saena nabungkusan hu gabun daw napayungan hu balugtu. Sa weleng din iling hu aldaw daw sa mga paa din bà su tukud ha tagkalegdeg.

Impadayag 10:4

Igsulat ku ngaay su napaliman ku ba amin lageng ha diyà napuun ta langit ha tagyanaen, “Harì nu pa igsulat sa kahulugan taena ha pitu ha dagsang.”

Impadayag 16:12

Su ikaenem ha balinsuguen hu Dios hinudhud din su kandin ha yahung duun hu adagi ha Wahig ta Eufrates. Saena sagunà namadahan ta daw makalayun sa mga harì ha agkapuun diyà ta sinibwalan.

Impadayag 5:2

Amin daan gamhanan ha balinsuguen hu Dios ha minikagi hu madaging, “Sin-u sa angayan hu pag-awà taini ha timaan daw sin-u sa magbekal taini ha balasahen?”

Impadayag 8:3

Amin pa nakahiwal ha balinsuguen hu Dios ha tuminiyadeg abay ku halaran. Saena tagbalabad hu yahung ha bulawan daw inilahan hu madakel ha insinsu ta agsunugen haena duun ku bulawan ha halaran duun hu atubangan hu trunu ku tag-ampù sa alan ha mga etaw hu Dios. Sa ebel ku insinsu ha sinunug nakadiyà ta sampaw duma hu mga pag-ampù taena ha mga etaw hu Dios.

Impadayag 9:14

Saena inikagiyan din su ikaenem ha balinsuguen, “Ipaawà en su haepat ha balinsuguen ha binakus duun hu adagi ha Wahig ta Eufrates.”

Impadayag 9:4

Inikagiyan sidan ha harì dan daetan sa mga sagbet daw sa mga kayu daw bisan inu ha mga pamulahen ta iyan dà pasipalahan sa mga etaw ha hurà timaan hu Dios duun hu tangad dan.