Impadayag 4:1 - Lalang Hu Dios

¹ Su maiwas haena naahà ku ha napuwaan sa pultahan ta langit. Daw napaliman ku dà su lageng ha agkailing hu trumpita ha tagyanaen, “Latun ka dini ta igpaahà ku ikaw sa maul-ulahan asem ku malugay.”

Impadayag 4:1 Iomraidhean Croise

Mateo 3:16

Su mabautismuwan en si Jesus guminaun haena. Dayun sagunà napuwaan sa langit daw naahà din sa Balaan ha Ispiritu ha sinugù hu Dios ha agkailing hu salapati ha migbulus diyà ta kandin.

Marcos 1:10

Su taggaun pa si Jesus duun ku wahig naahà din ha napuwaan sa langit daw migbulus diyà ta kandin sa Balaan ha Ispiritu ha agkailing hu salapati.

Lucas 3:21

Su tagbautismuwan hi Juan sa mga etaw binautismuwan din daan si Jesus. Su tag-ampù pa si Jesus napuwaan sa langit

Juan 16:13

Ba ku makauma en sa Balaan ha Ispiritu ha iyan magpadayag hu kamatuuran, itudlù din haen inyu. Sa ag-ikagiyen din kenà kandin dà ha henà-henà ba iyan dà sa napaliman din duun hu Dios, daw ag-ikagiyen din daan inyu sa maul-ulahan ku malugay.

Mga Buhat 10:11

ha iyan sa napuwaan sa langit daw tagpakabulus sa agkailing hu maluag ha habel ha pinanhiketan sa mga suyuk din.

Mga Buhat 7:56

Dayun minikagi si Esteban, “Ahaa nuy. Agkaahà ku ha napuwaan sa langit daw sa Batà hu Etaw tagtiyadeg duun hu kawanan hu Dios.”

Impadayag 1:10

Amin sabuwa ha Duminggu ha ginaheman a hu Balaan ha Ispiritu dayun napaliman ku sa lageng ha agkailing hu trumpita duun hu agkatalikudan ku

Impadayag 1:12

Dayun luminingì a ta ag-ahaen ku ku sin-u sa tag-ikagi ba iyan ku naahà sa pitu ha sulù ha pulus bulawan.

Impadayag 1:19

“Aman isulat sa naahà nu iman daw sa igpaahà ku ikaw ha maul-ulahan asem ku malugay.

Impadayag 11:12

Dayun napaliman ku daruwa sa madaging ha lageng diyà ta langit ha tagyanaen, “Latun kaw en dini.” Su tag-ahà pa kandan sa mga kuntra dan nabatun sidan diyà ta langit ha nabungkusan hu gabun.

Impadayag 11:19

Dayun napuwaan haena sa Timplu hu Dios diyà ta langit daw naahà diyà ta seled sa kahun ha tinaguan hu mga timaan taena ha daan ha kasabutan hu Dios daw hu mga etaw. Nasalasab sa kilat, migdaheneg sa lugung daw mga dagsang, miglinug hu mabis-ay daw uminudan hu mga giyaw.

Impadayag 16:17

Su ikapitu ha balinsuguen hu Dios hinudhud din daan su kandin ha yahung duun hu kalamag. Dayun napaliman ku sa madaging ha lageng ha napuun duun ku trunu diyà ta Timplu ha tagyanaen, “Napengahan en.”

Impadayag 19:11

Naahà ku sa langit ha napuwaan daw amin duun maputì ha kabayu ha sa taglulan duun tagngaranan hu Matinumanen daw Kasaligan. Matareng gayed sa paghukum din daw sa pagpakigsabà din.

Impadayag 22:6

Inikagiyan a ku balinsuguen, “Su lalang ha napaliman nu kamatuuran daw agkasaligan. Sa Dios daw Magbabayà hu alan ha mig-ila hu Balaan ha Ispiritu duun hu mga prupita din sinugù din daan sa balinsuguen din hu pagpaahà taena ha mga etaw din ku inu sa madani en ha maula-ula.”