Impadayag 17:1 - Lalang Hu Dios

¹ Inikagiyan a hu sabuwa duun ku pitu ha balinsuguen hu Dios ha mig-uwit hu pitu ha yahung ha tagyanaen, “Dumini ka ta igpaahà ku ikaw sa kasiluti ku bantugan ha madaet ha bahi ha tagpinuu duun hu madakel ha mga wahig.

Impadayag 17:1 Iomraidhean Croise

Lucas 24:32

Migpainsaay sidan, “Iyan gid diay gan tungkay ta igkabayà-bayà su tagtudluan ki kandin hu insulat ha lalang hu Dios su diyà kuy pa ta dalan.”

Lucas 9:30

Tigkan daan nakahiwal sa daruwa ha etaw ha iyan si Moises daw si Elias

Impadayag 1:1

Iyan haini impadayag hi Cristo Jesus ha insalig kandin hu Dios ta daw matun-an hu mga etaw din ku inu sa madani en ha maula-ula. Impadayag haini hi Cristo Jesus duun hu suluguen din ha si Juan pinaagi hu balinsuguen hu Dios.

Impadayag 15:1

Naahà ku diyà ta langit sa lain en paman ha belenganen ha timaan. Amin pitu ha balinsuguen hu Dios, sa kada sabuwa kandan tag-uwit hu pinakahaluhaldek ha mga alantusen hu etaw. Ku matapus haena mapengahan human sa pagsilut hu Dios hu kaet-etawan dini ta kalibutan.

Impadayag 16:19

Aman su bantugan ha banuwa napanday gayed nagebà daw nabahin hu tatulu daw nangadaet daan sa mga banuwa duun hu alan ha mga nasud. Nahenhenaan hu Dios sa mga etaw ha tagtimà diyà ta Babilonia aman impainum din kandan sa tasa ha napunù-punù hu kapauk din.

Impadayag 18:1

Su maiwas en haena naahà ku sa lain en paman ha balinsuguen hu Dios ha tagpakabulus ha napuun diyà ta langit. Saena adagi tungkay sa kagahem din daw tagpangaluanlag daan aman nailawan sa tibuuk ha kalibutan.

Impadayag 19:2

Matareng daw kasaligan sa paghukum din ta sinilutan din haena sa nabantug ha madaet ha bahi tumenged ta hinugawan din sa kalibutan pinaagi hu malaw-ay ha mga buhat. Sinilutan daan haena ta hinimatayan din sa mga suluguen hu Dios.”

Impadayag 19:9

Dayun inikagiyan a ku balinsuguen hu Dios, “Isulat nu haini, ‘Malipayen gayed su inimbita duun hu kaamulan hu Nati ha Karniru.’” Daw sinumpayan din, “Iyan haini lalang hu Dios daw kamatuuran gayed.”

Impadayag 21:15

Su balinsuguen hu Dios ha tag-ikagi dini ta kanak tagbalabad daan hu sukud ha bulawan ta agsukuden din haena sa banuwa daw sa kutà din daw sa mga pultahan taena.

Impadayag 21:9

Dayun sa sabuwa duun ku pitu ha balinsuguen hu Dios ha tagbalabad hu yahung ha tinaguan hu mga alantusen inikagiyan a kandin, “Dini ka ta igpaahà ku ikaw sa tag-asawahen taena ha Nati ha Karniru.”

Impadayag 4:1

Su maiwas haena naahà ku ha napuwaan sa pultahan ta langit. Daw napaliman ku dà su lageng ha agkailing hu trumpita ha tagyanaen, “Latun ka dini ta igpaahà ku ikaw sa maul-ulahan asem ku malugay.”