Impadayag 1:11 - Lalang Hu Dios

¹¹ ha tagyanaen, “Isulat sa agkaahà nu daw ipauwit duun hu pitu ha iglisia hu tagkaamul-amul ha mga tumutuu ha diyà ta Efeso, daw ta Esmirna, ta Pergamo, Tiatira, ta Sardis, daw ta Filadelfia, daw diyà daan ta Laodicea.”

Impadayag 1:11 Iomraidhean Croise

Mga Buhat 16:14

Sa sabuwa kandan iyan si Lidia ha diyà tagtimà ta Tiatira ha tagpamaligyà hu mahalen ha manggad. Saena masinimbahen hu Dios daw hinimu hu Dios ha dumawat hu tag-ikagiyen hi Pablo.

Mga Buhat 18:24

Duun daan taena ha panahun amin Judio ha taga-Alejandria ha tagngaranan ki Apollo sa nakauma diyà ta Efeso. Matatau haena daw natun-an din gayed sa insulat ha lalang hu Dios

Mga Buhat 20:17

Su diyà en si Pablo ta Mileto pinaelegan din sa mga agalen hu tumutuu diyà ta Efeso.

1 Corinto 15:32

Inu man sa pulus hu pag-antus ku taena ha pagpasipala kanak hu mga etaw dini ta Efeso ku sa mga minatay en harì man diay agkabanhaw? Ku harì agkabanhaw sa minatay buhaten taw sa tag-ikagiyen hu mga etaw ha tagyanaen, “Magkaenà daw mag-inumà kuy ta asem na matay kuy en.”

1 Corinto 16:8

Ba iman dini a pa ta Efeso taman ha maiwas sa pagsaulug hu Aldaw hu Pentecostes

Efeso 1:1

Iyan a si Pablo sa pinilì hu Dios ha apustul hi Cristo Jesus sa migsulat taini. Sinulatan ku inyu sa mga etaw hu Dios diyan ta Efeso ha mga matinumanen ki Cristo Jesus.

Colosas 2:1

Agkabayaan ku ha matun-an nuy sa pagpaniguru ku hu pagtrabahu para inyu daw hu mga tumutuu diyà ta Laodicea daw hu alan ha hurà pa makakilala kanak.

1 Timoteo 1:3

Iman ag-isaben ku dà ag-ikagiyen ikaw sa inikagi kud en su dumayun a diyà ta prubinsya ta Macedonia ha magtimà ka gayed diyan ta Efeso daw mabaldeng nu sa mga etaw ha tagtudlù hu mga bidù ha tinuuwan

Impadayag 1:17

Su maahà ku haena bà a su minatay en ha naligid duun hu atubangan din. Ba inibitan a kandin ta kawanan din daw migyanaen, “Harì ka agkahaldek ta iyan a su puunaan daw sa katapusan hu alan.

Impadayag 1:19

“Aman isulat sa naahà nu iman daw sa igpaahà ku ikaw ha maul-ulahan asem ku malugay.

Impadayag 1:2

Aman insulat hi Juan sa alan ha naahà din, saini lalang gayed hu Dios daw kamatuuran ha intudlù hi Cristo Jesus.

Impadayag 1:20

Ikagiyen ku iman ikaw sa kahulugan taena ha pitu ha bituen ha naahà nu ha tigbalabad ku dini ta kawanan ku daw ku pitu ha sulù ha pulus bulawan. Sa pitu ha bituen iyan haena sa mga balinsuguen hu Dios ha tagbantay ku pitu daan ha punduk hu tagkaamul-amul ha mga tumutuu. Su pitu ha sulù iyan sa pitu ha punduk hu tagkaamul-amul ha mga tumutuu.

Impadayag 1:4

Iyan a si Juan sa migsulat taini. Sinulatan ku inyu sa pitu ha iglisia hu tagkaamul-amul ha mga tumutuu diyan ta prubinsya ta Asia. Sa Dios daw sa Balaan ha Ispiritu daw si Cristo Jesus mag-ila inyu hu grasya daw kalinaw. Sa Dios duduun en su hurà pa tanghagaa sa bisan inu daw duduun pa iman hangtud hu hurà din katapusan. Daw duun hu atubangan taena ha trunu hu Dios sa Balaan ha Ispiritu tagpadayag hu pagkagamhanan din duun hu pitu ha paagi. Si Cristo Jesus agkasaligan gayed sa mga lalang din daw iyan nauna ha nabanhaw ha hurà en isab patay daw tagharian din daan sa mga harì dini ta kalibutan. Pinalanggà kuy kandin daw pinaagi hu langesa din pinamalas din sa mga salà taw

Impadayag 1:8

Sa Dios ha gamhanan daw Magbabayà hu alan ha duduun en su hurà pa tanghagaa sa bisan inu daw duduun pa iman daw hangtud hu hurà din katapusan tagyanaen, “Iyan a puunaan daw iyan a daan katapusan hu alan.”

Impadayag 10:4

Igsulat ku ngaay su napaliman ku ba amin lageng ha diyà napuun ta langit ha tagyanaen, “Harì nu pa igsulat sa kahulugan taena ha pitu ha dagsang.”

Impadayag 14:13

Dayun napaliman ku sa lageng ha napuun diyà ta langit ha tagyanaen, “Isulat nu haini, ‘Malipayen gayed sa mga minatay ha mga tumutuu hu Ginuu.’” Tuminubag sa Balaan ha Ispiritu hu kagi din, “Laus gayed ha malipayen sidan ta makahimlay en sidan hu mga buluhaten dan daw agbalesan en sidan hu maayad ha binuhat dan.”

Impadayag 19:9

Dayun inikagiyan a ku balinsuguen hu Dios, “Isulat nu haini, ‘Malipayen gayed su inimbita duun hu kaamulan hu Nati ha Karniru.’” Daw sinumpayan din, “Iyan haini lalang hu Dios daw kamatuuran gayed.”

Impadayag 2:1

“Isulat nu haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Efeso, ‘Iyan a su tagbalabad dini ta kawanan ku hu pitu ha bituen daw iyan a daan duun ku pitu ha sulù ha pulus bulawan. Taini sa mga lalang ku inyu.

Impadayag 2:12

“Isulat nu haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Pergamo, ‘Iyan a sa amin din magalang ha ispada. Taini sa mga lalang ku inyu.

Impadayag 2:18

“Isulat nu daan haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Tiatira, ‘Iyan a su Batà hu Dios ha sa mata ku bà su hapuy ha tagkalegdeg daw sa paa ku iling hu galang ha tagsinlang. Taini sa mga lalang ku inyu.

Impadayag 2:24

Ba sinyu sa duma ha mga tumutuu diyan ta Tiatira ha hurà makasunud hu madaet ha katudluanan daw hurà daan makatuen hu madalem kun ha katudluanan hi Satanas, hurà ku gayed igsugù inyu.

Impadayag 2:8

“Isulat nu haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Esmirna, ‘Iyan a su puunaan daw sa katapusan hu alan. Minatay ad en ba nabanhaw a dà. Taini sa mga lalang ku inyu.

Impadayag 21:5

Dayun minikagi haena sa tagpinuu duun ku trunu, “Iman bag-uwen kud en sa alan.” Daw inikagiyan a daan kandin, “Isulat nu haini sa agkapaliman nu ta saini kamatuuran daw kasaligan gayed.

Impadayag 22:10

Daw inikagiyan a kandin, “Harì nu gayed iglilung haini sa mga intagnà ha insulat taini ha libru ta madani en sa panahun ha matuman haini.

Impadayag 22:16

“Iyan a si Jesus sa migsugù taena ha balinsuguen ku hu pagpanunultul taini diyan ta inyu sinyu sa mga punduk hu tagkaamul-amul ha mga tumutuu. Iyan a su Kaliwat hi David daw bituen ha makabugwas.”

Impadayag 3:1

“Isulat haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Sardis, ‘Iyan a su tagbayà hu Balaan ha Ispiritu ha tagpadayag hu pagkagamhanan din duun hu pitu ha paagi daw iyan a daan tagbalabad hu pitu ha bituen. Taini sa mga lalang ku inyu. Natun-an ku sa tagbuhaten nuy. Abi hu mga etaw ha amin nuy en kinabuhì ba sa mga buhat nuy iyan timaan ha mga patay kaw pa.

Impadayag 3:14

“Isulat nu haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Laodicea, ‘Iyan a su matinumanen daw agkasaligan gayed ta kamatuuran sa mga lalang ku daw pinaagi kanak tinanghagà hu Dios sa alan. Taini sa mga lalang ku inyu.

Impadayag 3:4

Amin daan inyu diyan ta Sardis ha hurà kahugawi sa bisti dan. Iyan sidan angayan ha dumuma kanak sa mga maputì sa bisti dan.

Impadayag 3:7

“Isulat haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Filadelfia, ‘Iyan a sa kasaligan ha pinilì hu Dios. In-ila kanak sa kagahem hu pagharì iling hu kagahem hi David su anay. Ku amin etaw ha ipaseled ku duun hu tagharian ku hurà bisan sin-u ha makabaldeng taena, daw sa sirahan ku harì daan mapuwaan hu bisan sin-u. Taini sa mga lalang ku inyu.