Filemon 1:2 - Lalang Hu Dios

² daw si Apia ha suled taw ha bahi duun hu pagtuu, si Arquipo duma day daan ha sundalu hi Cristo Jesus daw sa mga tumutuu ha tag-amul-amul hu pagsimba diyan ta balay nu.

Filemon 1:2 Iomraidhean Croise

Roma 16:1

Igpakilala ku iman inyu si Phoebe sa suled taw ha bahi duun hu pagtuu daw sabuwa ha bulig duun hu tagkaamul-amul ha mga tumutuu diyà ta Cencrea.

Roma 16:5

Ipangamusta a daan hu mga tumutuu ha duun tagkaamul-amul hu balay dan. Ipangamusta a ki Epanato sa pinalanggà ku ha iyan una ha nakatuu ki Cristo diyà ta prubinsya ta Asia.

1 Corinto 16:19

Agpangamusta inyu sa mga punduk hu tagkaamul-amul ha mga tumutuu dini ta prubinsya ta Asia. Agpangamusta daan inyu si Aquila daw si Priscila duma hu alan ha mga tumutuu ha tag-amul-amul duun hu balay dan.

Filipos 2:25

Nahenà-henà ku daan ha kinahanglan ipaulì ku diyan ta inyu sa suled taw ha si Epafrodito sa iling ku ha tagtrabahu duun hu buluhaten hu Dios isip sundalu din ha sinugù nuy dini pag-alima kanak.

Colosas 4:15

Ipangamusta kay daan inyu hu mga suled taw diyà ta Laodicea ki Ninfa daw hu mga tumutuu ha tagkaamul-amul duun hu balay din.

Colosas 4:17

Ikagiyi nuy si Arquipo ha pengahen din gayed sa buluhaten ha insalig kandin hu Ginuu.