Filemon 1:19 - Lalang Hu Dios

¹⁹ ta iyan a si Pablo sa migsulat taini ha magbayad hu mga utang din diyan ta ikaw. Ba henhenaa nu daan ha nakautang ka dini ta kanak ta pinaagi kanak amin nu kinabuhì ha hurà din katapusan.

Filemon 1:19 Iomraidhean Croise

Roma 16:22

Iyan a si Tercio sa migbulig ki Pablo hu pagsulat taini. Agpangamusta a daan inyu tumenged hu pagkasabuwa taw hu pagtuu hu Ginuu.

1 Corinto 4:15

Bisan ku madakel sa migtudlù inyu mahitenged ki Cristo ba sabuwa a daan ha agkailing hu amay nuy duun hu pagtuu ki Cristo Jesus tumenged ta migsangyaw a hu Maayad ha Tultulanen diyan ta inyu.

2 Corinto 10:1

Pinaagi hu pagkamaluluy-en hi Cristo amin ku ag-ikagiyen inyu ta amin tag-ikagi ha mabalaw a ku madiyù a ba gayhaan a ku diyan a ta inyu.

2 Corinto 3:2

Harì en agkinahanglanen sa sulat ha tagpamatuud mahitenged kanay ta natun-an day ha iyan kaw makapaahà duun hu mga etaw ha maayad gayed sa pagtudlù day ha pigsunud nuy. Sa maayad ha pamatasan nuy iyan en iman sulat ha agkabasa hu kaet-etawan.

2 Corinto 9:4

Ta kan ku amin dumuma kanak ha taga-Macedonia daw maahà dan ha hurà kaw man diay kaandam, aman magayhaan kay gayed daw bisan daan sinyu tumenged hu pagsalig day inyu ha impagalbu day en.

Galacia 5:2

Magpaliliman kaw kanak. Ku iyan dà agsaligan nuy ha igkaluwas nuy sa pagpasirkunsida binuhat nuy ha hurà pulus hi Cristo.

Galacia 6:11

Ahaa nuy haini ta adagi sa kasulata ku duun, ta iyan ad en gayed si Pablo sa migsulat taini.

1 Timoteo 1:2

Sinulatan ku ikaw, Timoteo sa batà ku duun hu pagtuu. Sa Dios ha Amay taw daw si Cristo Jesus ha Ginuu mahid-u daw mag-ila ikaw hu grasya daw kalinaw.

Tito 1:4

Sinulatan ku ikaw, Tito sa batà ku duun hu pagtuu. Sa Dios ha Amay taw daw si Cristo Jesus ha Manluluwas taw mag-ila ikaw hu grasya daw kalinaw.

Filemon 1:18

Ku amin din salà daw ku utang ba diyan ta ikaw isipen nu ha kanak en haena ha utang