Efeso 3:2 - Lalang Hu Dios

² Siguru gayed ha natun-an nuy en ha pinaagi hu grasya hu Dios insalig kanak sa katenged hu pagsangyaw inyu

Efeso 3:2 Iomraidhean Croise

Mga Buhat 13:2

Amin aldaw ha suminalang sidan hu pagkaen ta daw harì maelangan sa pagsimba dan hu Dios. Inikagiyan sidan hu Balaan ha Ispiritu, “Pilia nuy si Bernabe daw si Saulo ta amin buluhaten ha intagana ku kandan.”

Mga Buhat 13:46

Ba si Pablo daw si Bernabe hurà gayed kahaldek aman minikagi sidan, “Kinahanglan gayed ha sinyu sa mga Judio iyan kaw unahan tultulan hu lalang hu Dios. Ba tumenged ta hurà nuy dawata inisip nuy ha kenà kaw angayan hu kinabuhì ha hurà din katapusan. Aman agduun kay iman hu mga etaw ha kenà Judio

Mga Buhat 22:21

“Ba minikagi sa Ginuu dini ta kanak, ‘Hipanaw ka ta agsuguen ku ikaw duun hu kenà mga Judio duun hu mga madiyù ha lugar.’”

Mga Buhat 9:15

Ba inikagiyan hu Ginuu si Ananias, “Dumiyà ka ta pinilì ku haena hu pagpanunultul mahitenged kanak duun hu mga etaw ha kenà Judio daw hu mga harì daw hu mga kaliwatan hi Israel.

Roma 1:5

Pinaagi kandin in-ila kanay hu Dios sa katenged hu pagkaapustul ta daw madayè si Cristo Jesus. Binuhat din haena ta daw matudluan day sa kenà mga Judio duun hu bisan hindu dayun tumuu daw magmatinumanen sidan kandin.

Roma 11:13

Sinyu sa kenà mga Judio, amin ku ag-ikagiyen inyu. Tumenged ta apustul a ha sinugù hu Dios diyan ta inyu hu pagsangyaw hu lalang din naniguru a gayed taini

Roma 12:3

Tumenged hu in-ila kanak ha katenged ag-ikagiyan ku inyu alan ha harì kaw maghenà-henà ha labaw kaw dì hu laus ha kahimtang nuy iman, ba kinahanglan ha mahustu sa henà-henà nuy mahitenged hu kaugalingen nuy sumalà hu katatau ha in-ila hu Dios duun hu kada sabuwa inyu.

1 Corinto 4:1

Sikay sa mga apustulis ha sinaligan hu pagtudlù taena ha inlilung hu Dios su anay, isipen kay inyu ha bà kay dà mga suluguen hi Cristo.

Galacia 1:13

Napaliman nuy en sa pamatasan ku su anay su duun a pa hu tinuuwan hu mga Judio. Natun-an nuy ku pig-inu-inu ku pagpasipala sa mga tumutuu ki Cristo daw inu daan sa kabuhata ku hu pagdaet kandan.

Efeso 1:10

Saena ha nahenà-henà din ha agtumanen duun hu natugun ha panahun iyan si Cristo sa ipagharì duun hu alan diyà ta langit daw dini daan ta kalibutan.

Efeso 3:7

Tumenged hu grasya hu Dios kanak daw pinaagi hu gahem din nabuhat a ha suluguen ta daw makasangyaw ku sa Maayad ha Tultulanen.

Efeso 3:8

Bisan pa ku pinakaminus ad en duun hu mga etaw hu Dios ba pinilì a kandin hu pagsangyaw duun hu kenà mga Judio hu Maayad ha Tultulanen mahitenged hu harì mategkad ha panalangin ha ig-ila hi Cristo.

Efeso 3:9

Pinilì a daan kandin hu pagpasabut duun hu kaet-etawan mahitenged hu katumanan taena ha henà-henà hu Dios. Sa Dios ha iyan migtanghagà hu alan miglilung taena sugud dà su anay

Efeso 4:21

Ta hurà nuy pa ba diay kapaliman daw hurà day ba daan inyu tudlui en hu mahitenged ki Jesus sumalà hu kamatuuran ha intudlù din?

Efeso 4:7

Sa kada sabuwa kanuy inilahan hu katatau sumalà hu pagbayà hi Cristo,

Colosas 1:4

ta napaliman day sa mabis-ay ha pagtuu nuy ki Cristo Jesus daw sa pagpalanggà nuy hu alan ha mga tumutuu.

1 Timoteo 1:11

sumalà hu Maayad ha Tultulanen ha iyan angayan tahuran daw insalig kanak ha napuun duun hu gamhanan ha Dios.

1 Timoteo 1:4

daw paendai nu daan kandan sa mga bidù ha tultulanen daw sa harì tag-iling ha malugayad ha pamatbat hu gin-apuan dan. Sa agkapayanan-an taena iyan dà sa pagsawalà daw harì daan haena pakatudlù hu paagi hu Dios ta iyan dà sa pagtuu ki Cristo Jesus.

1 Timoteo 2:7

Iyan haini hinengdan ha pinilì a kandin ha apustul duun hu kenà mga Judio ta daw makatuu sidan pinaagi hu pagsangyaw daw pagpanudlù ku hu kamatuuran. Laus gayed haini sa inikagi ku.

2 Timoteo 1:11

Pinilì a hu Dios ha apustul ta daw magsangyaw daw manudlù a taini ha Maayad ha Tultulanen