3 Juan 1:11 - Lalang Hu Dios

¹¹ Pinalanggà ku ha suled, harì nu gayed ag-ilingi sa madaet ba iyan nu sa maayad. Sa etaw ha tagbuhat hu maayad iyan batà hu Dios, ba saena ha tagbuhat hu madaet harì din agkakilala sa Dios.

3 Juan 1:11 Iomraidhean Croise

Juan 10:27

Sa kanak ha karniru tagpaliliman hu lageng ku. Agkakilala ku sidan daw aglupug sidan kanak.

Juan 12:26

Bisan sin-u sa agkabayà ha mahimu ha suluguen ku kinahanglan ha lumupug kanak daw bisan ku hindu a, duun en daan haena. Sa magtuman hu mga sugù ku madayè gayed hu Dios ha Amay ku.

Juan 3:20

Bisan sin-u sa tagbuhat hu madaet agtambag hu mapawà daw tagpadiyù duun ta agkahaldek ha matun-an sa mga buhat din ha madaet.

1 Corinto 11:1

Aman ilingan a inyu iling ha inilingan ku daan si Cristo.

1 Corinto 4:16

Aman aghangyuen ku iman inyu ha mangiling-iling kaw kanak.

Efeso 5:1

Tumenged ta mga batà kaw hu Dios ha pinalanggà din ilingan nuy

Filipos 3:17

Mga suled, dayunen nuy sa pagpangiling-iling kanak daw timan-i haena sa mga etaw ha sa pamatasan dan iling kanay.

1 Tesalonica 1:6

Aman inilingan kay inyu daw sa Ginuu ta bisan pa ku malegen sa mga alantusen ba dinawat nuy gayed ha malipayen sa Maayad ha Tultulanen pinaagi hu Balaan ha Ispiritu.

1 Tesalonica 2:14

Mga suled, su naul-ulahan hu mga tumutuu ki Cristo Jesus diyà ta Judea iyan daan naula-ula nuy ta inantus nuy gayed sa pasipala hu mga kadumahan nuy iling hu mga tumutuu daan diyà ta prubinsya ta Judea ha pigpasipalahan hu duma dan ha mga Judio.

2 Timoteo 3:10

Sikaw Timoteo, natun-an nud en sa mga katudluanan daw sa pamatasan ku, sa katuyuan daw sa pagsalig ku ki Cristo Jesus, sa pagpailub daw sa pagpalanggà ku hu bisan sin-u daw sa pagkamainantusen ku.

Hebreo 6:12

Harì kaw magpapugul ba ilingan nuy haena sa mga etaw ha tagpailub hu pagtuu aman tumenged taena madawat dan sa insaad kandan hu Dios.

1 Pedro 3:11

Kinahanglan ha igsalikway din sa madaet daw buhaten din sa matareng daw siguruwan din daan gayed sa malinawen ha pakigdapità duun hu mga etaw.

1 Pedro 3:13

Sin-u man sa magpasipala inyu ku madasigen kaw gayed hu pagbuhat hu matareng?

1 Juan 2:29

Tumenged ta natun-an nuy en ha si Jesus matareng gayed natun-an nuy en daan ha sa alan ha tagbuhat hu matareng iyan mga batà din.

1 Juan 3:10

Iyan haini timaan ku sin-u sa batà hu Dios daw ku sin-u daan sa sakup hi Satanas ta bisan sin-u sa tagbuhat hu matareng daw tagpalanggà hu mga duma din iyan gayed haena batà hu Dios.

1 Juan 4:1

Pinalanggà ku ha mga suled, harì kaw sagunà dà agtuu hu bisan inu ha igtudlù inyu hu mga etaw ha tag-ikagi ha inulinan sidan hu Balaan ha Ispiritu, ba unahen nuy susiyen haena ku duun ba napuun hu Dios ta nakalekep en iman dini ta kalibutan sa mga biduen ha manunudlù.