1 Juan 4:8 - Lalang Hu Dios

⁸ Ba saena ha harì tagpalanggà hu mga duma din harì pakakilala hu Dios ta sa kinaiya hu Dios iyan gayed sa pagpalanggà.

1 Juan 4:8 Iomraidhean Croise

2 Corinto 13:11

Mga suled ku, iyan dà haini. Paniguru kaw ha mahimpit kaw gayed daw tumanen nuy sa salambagan ku inyu. Magsabuwa kaw hu henà-henà nuy ta daw magmalinawen sa pagdapità nuy. Ku buhaten nuy haini sa Dios ha iyan puunaan hu pagpalanggà daw kalinaw magduma inyu.

Efeso 2:4

Ba tumenged hu adagi ha kahid-u daw pagpalanggà kanuy hu Dios,

Hebreo 12:29

ta sa kapauk hu Dios iling hu tagkalayab-layab ha legdeg.

1 Juan 1:5

Iyan haini napaliman day diyà ki Cristo Jesus aman igtultul day diyan ta inyu ha sa Dios iyan sulù ha tag-ila hu kapawà daw hurà en gayed bul-ug masukilem duun.

1 Juan 2:4

Ku amin tag-ikagi ha agpakakilala hu Dios ba harì tagtuman hu mga sugù din saena biduen gayed.

1 Juan 2:9

Bisan sin-u sa tag-ikagi ha duun en tagtimà hu mapawà ba tagkuntrahen din pa sa mga duma din saena duun pa tagtimà hu kasukileman.

1 Juan 3:10

Iyan haini timaan ku sin-u sa batà hu Dios daw ku sin-u daan sa sakup hi Satanas ta bisan sin-u sa tagbuhat hu matareng daw tagpalanggà hu mga duma din iyan gayed haena batà hu Dios.

1 Juan 3:6

Aman sa etaw ha nakigsabuwa kandin harì en tagpadayun duun hu salà. Saena ha tagpadayun duun hu salà hurà din pa gayed kakilala si Jesus.

1 Juan 4:16

Aman natun-an taw en gayed ha adagi sa pagpalanggà kanuy hu Dios. Sa kinaiya hu Dios iyan gayed sa pagpalanggà. Bisan sin-u sa mapinalanggaen saena nakigsabuwa gayed hu Dios.

1 Juan 4:7

Pinalanggà ku ha mga suled, magpinalanggaay kuy gayed ta sa pagpalanggà duun agkapuun hu Dios. Saena ha tagpalanggà hu mga duma din iyan gayed sa nahimu en ha batà hu Dios daw nakakilala en kandin.