1 Juan 4:21 - Lalang Hu Dios

²¹ Iyan haini sugù kanuy hu Dios ha bisan sin-u ha tagpalanggà hu Dios kinahanglan daan ha magpalanggà hu mga duma din.

1 Juan 4:21 Iomraidhean Croise

Mateo 5:43

“Natun-an nuy en daan sa kasuguan su anay ha tagyanaen, ‘Palanggaa gayed sa duma nuy ba magdumut kaw hu kuntra nuy.’

Lucas 10:37

Tuminubag haena, “Iyan su nahid-u kandin.” Aman minikagi si Jesus, “Laus hayan aman buhata nu haini.”

Juan 15:12

Iyan haini sugù ku inyu sa kinahanglan ha magpinalanggaay kaw iling hu pagpalanggà ku inyu.

Galacia 5:14

Sa alan ha Kasuguan matuman gayed pinaagi hu sabuwa ha sugù ha tagyanaen, “Palanggaa sa mga duma nuy iling hu pagpalanggà nuy hu kaugalingen nuy.”

Galacia 5:6

Ta ku makigsabuwa kuy en ki Cristo Jesus sa pigsirkunsidahan daw sa hurà, mig-iling dà duun hu Dios. Iyan dà mahinengdanen sa pagtuu taw ki Cristo daw sa pagpinalanggaay taw ha iyan timaan taena.

1 Tesalonica 4:9

Mahitenged hu pagpinalanggaay nuy hurà en kinahanglan ha sulatan day pa inyu ta tinudluan kaw en hu Dios ha magpinalanggaay kaw gayed

1 Pedro 3:8

Iman magsabuwa kaw duun hu henà-henà nuy. Magmaluluy-en daw magpinalanggaay kaw isip ha migsusuled, magmahid-uwen daw magpaubus kaw daan.

1 Pedro 4:8

Labaw hu alan siguruwan nuy gayed sa pagpinalanggaay nuy, ta sa laus ha pagpalanggà pakatambun hu salà.

1 Juan 2:7

Pinalanggà ku ha mga suled, saini ha insulat ku diyan ta inyu kenà bag-u ha sugù ta napaliman nuy en haini su anay kaw makatuu ki Jesus ha magpinalanggaay kuy gayed.

1 Juan 3:11

Iyan haini napaliman nuy su anay kaw makatuu sa kinahanglan ha magpinalanggaay kuy gayed.

1 Juan 3:14

Su anay iling kuy hu minatay ba iman amin taw en kinabuhì ha hurà din katapusan na sa timaan taena iyan sa amin taw pagpalanggà hu mga duma taw. Saena ha harì tagpalanggà hu mga duma din iling da hu minatay en.

1 Juan 3:18

Pinalanggà ku ha mga batà, kinahanglan ha sa pagpinalanggaay taw kenà duun dà hu lalang ba maahà gayed pinaagi hu buhat.

1 Juan 3:23

Iyan haini sugù kanuy hu Dios sa tuuwan taw si Cristo Jesus ha Batà din daw magpinalanggaay kuy ta iyan daan haini sugù kanuy su anay hi Jesus.

1 Juan 4:11

Pinalanggà ku ha mga suled, tumenged ta iyan haini pagpalanggà kanuy hu Dios kinahanglan daan ha magpinalanggaay kuy gayed.