1 Juan 2:3 - Lalang Hu Dios

³ Sa timaan ha agkakilala taw sa Dios iyan sa pagtuman taw hu mga sugù din.

1 Juan 2:3 Iomraidhean Croise

Lucas 6:46

“Imbà a inyu tagngarani ha Ginuu nuy ba harì kaw agtuu hu igsugù ku inyu?

Juan 14:15

“Ku pinalanggà a inyu tumanen nuy sa mga sugù ku inyu.

Juan 15:10

Ku tumanen nuy sa mga sugù ku inyu harì kaw maawà duun hu pagpalanggà ku inyu. Iling hu pagtuman ku hu insugù kanak hu Dios ha Amay ku ha hurà a daan kaawà duun hu pagpalanggà din kanak.

Juan 15:14

Ku buhaten nuy sa mga insugù ku inyu iyan kaw gayed mga amigu ku.

Juan 17:3

Iyan haini paagi ha madawat dan sa kinabuhì ha hurà din katapusan, sa pagkilala dan ikaw sa laus daw sabubuwa dà ha Dios daw sa pagkilala dan daan kanak ha iyan a si Cristo Jesus sa sinugù nu.

2 Corinto 4:6

Su tanghagaen hu Dios sa alan minikagi haena, “Humiwal sa kapawà duun hu kasukileman.” Iyan haena nakailaw hu henà-henà taw ta daw matun-an taw sa pagkagamhanan din ha impadayag din pinaagi ki Cristo.

Hebreo 5:9

Su madayag en sa pagkahimpit din nahimu haena ha Manluluwas ha iyan tag-ila hu kinabuhì ha hurà din katapusan duun hu alan ha matinumanen kandin,

1 Juan 2:13

Sinyu sa mga Amay, sinulatan ku inyu ta nakilala nuy en haena sa duduun en su hurà pa tanghagaa sa kalibutan. Sinyu sa mga batan-en pa ha mga etaw, sinulatan ku inyu ta nadaeg nuy en si Satanas. Sinyu sa pinalanggà ha mga batà ku, sinulatan ku inyu ta nakilala nuy en sa Dios ha Amay taw.

1 Juan 3:14

Su anay iling kuy hu minatay ba iman amin taw en kinabuhì ha hurà din katapusan na sa timaan taena iyan sa amin taw pagpalanggà hu mga duma taw. Saena ha harì tagpalanggà hu mga duma din iling da hu minatay en.

1 Juan 3:19

Ku buhaten taw haena iyan timaan ha duun kuy hu kamatuuran daw harì kuy magayhaan duun hu atubangan hu Dios

1 Juan 3:6

Aman sa etaw ha nakigsabuwa kandin harì en tagpadayun duun hu salà. Saena ha tagpadayun duun hu salà hurà din pa gayed kakilala si Jesus.

1 Juan 4:13

Natun-an taw gayed ha nakigsabuwa kuy en hu Dios ta in-ila din kanuy sa Balaan ha Ispiritu.

1 Juan 4:7

Pinalanggà ku ha mga suled, magpinalanggaay kuy gayed ta sa pagpalanggà duun agkapuun hu Dios. Saena ha tagpalanggà hu mga duma din iyan gayed sa nahimu en ha batà hu Dios daw nakakilala en kandin.

1 Juan 5:19

Natun-an taw en ha mga batà kuy hu Dios bisan ku tagharian pa hi Satanas sa kalibutan.

1 Juan 5:2

Sa timaan ha palanggà taw sa mga batà din iyan sa pagpalanggà taw hu Dios daw sa pagtuman taw hu mga sugù din,

1 Juan 5:3

ta sa laus ha pagpalanggà hu Dios iyan sa pagtuman hu mga sugù din. Daw saini kenà malegen kanuy

Impadayag 12:17

Saena ha dragun tungkay gayed agkapauk ku bahi aman iyan din en paman inelegan sa nasamà ha kaliwatan taena ta daw masabà din. Saena ha mga kaliwatan ku bahi, iyan su mga etaw ha matinumanen hu mga sugù hu Dios daw tagpangeseg duun hu kamatuuran ha intudlù hi Jesus.

Impadayag 14:12

Kinahanglan ha sa mga etaw hu Dios ha tagtuman hu mga sugù din magpailub duun hu mga alantusen daw magmatinumanen daan ki Jesus.

Impadayag 22:14

Malipayen gayed sa mga etaw ha nahenawan en sa salà dan ta tumenged taena amin dan katenged ha makakaen hu bunga ku kayu ha pakaila hu kinabuhì daw makaseled daan sidan duun hu pultahan taena ha banuwa.