1 Juan 2:13 - Lalang Hu Dios

¹³ Sinyu sa mga Amay, sinulatan ku inyu ta nakilala nuy en haena sa duduun en su hurà pa tanghagaa sa kalibutan. Sinyu sa mga batan-en pa ha mga etaw, sinulatan ku inyu ta nadaeg nuy en si Satanas. Sinyu sa pinalanggà ha mga batà ku, sinulatan ku inyu ta nakilala nuy en sa Dios ha Amay taw.

1 Juan 2:13 Iomraidhean Croise

Mateo 11:27

Dayun minikagi si Jesus duun hu mga etaw, “Insalig en kanak hu Dios ha Amay ku sa alan. Iyan dà haena nakakilala kanak daw iyan a dà daan nakakilala kandin daw iyan dà daan sa mga etaw ha agkabayaan ku ha makakilala kandin.

Mateo 13:19

Ku amin mga etaw ha nakapaliman mahitenged hu pagharì hu Dios ba hurà makasabut taena, agkailing sidan hu binhì ha diyà dà nakatanà ta dalan ta sagunà pakauma si Satanas daw agawen din sa napaliman dan.

Mateo 13:38

Saena ha uma iyan sa kalibutan daw su maayad ha binhì iyan sa mga tagharian hu Dios. Saena ha mga hilamunen iyan sa mga sakup hi Satanas

Mateo 5:37

Ku mag-ikagi kaw sa ‘Hee’ na ‘Hee’ gayed daw sa ‘Harì’ na ‘Harì’ gayed daan, ta ku isaban nuy pa haena hu duma ha mga lalang diyà en haena agkapuun ki Satanas.

Lucas 10:22

Minikagi si Jesus duun hu mga etaw, “Insalig en kanak hu Dios ha Amay ku sa alan. Iyan dà haena nakakilala kanak daw iyan a dà daan nakakilala kandin daw iyan dà daan sa mga etaw ha pilien ku ha makakilala kandin.”

Juan 14:7

Ku nakilala a pa inyu nakilala nuy ngaay daan sa Amay ku. Ba iman nakilala daw naahà nuy en.”

Juan 14:9

Tuminubag si Jesus, “Nalugay en sa pagduma-dumahà ku inyu na hurà nuy pa ba diay kakilala ku sin-u a? Bisan sin-u sa nakaahà kanak nakaahà en daan hu Amay ku, aman imbà nu kaikagi pa ha ag-ahaen nu sa Amay ku?

Juan 16:3

Agbuhaten dan haena ta siak daw sa Amay ku hurà dan kakilala.

Juan 16:33

“Inikagi ku haena inyu ta daw malinawen sa henà-henà nuy pinaagi hu pagkasabuwa taw. Dini ta kalibutan madakel gayed sa kasamukan nuy ba pandayai sa gahinawa nuy ta nadaeg kud en sa alan ha amin din gahem dini ta kalibutan.”

Juan 17:21

Amay ku, tig-ampù ku haena ta daw masabuwa dà sidan iling ha nasabuwa ki daan. Masabuwa sidan dini ta kanit ta daw makatuu sa kaet-etawan ha sinugù a gayed ikaw.

Juan 17:3

Iyan haini paagi ha madawat dan sa kinabuhì ha hurà din katapusan, sa pagkilala dan ikaw sa laus daw sabubuwa dà ha Dios daw sa pagkilala dan daan kanak ha iyan a si Cristo Jesus sa sinugù nu.

Juan 8:19

Dayun nanginginsà kandin sa mga Parisiyu, “Hindu diay duun sa amay nu?” Tuminubag si Jesus, “Harì nuy agkakilala ku sin-u a daw ku sin-u sa Amay ku, ta ku agkatun-an nuy pa ngaay ku sin-u a matun-an nuy en daan ku sin-u sa Amay ku.”

2 Corinto 4:6

Su tanghagaen hu Dios sa alan minikagi haena, “Humiwal sa kapawà duun hu kasukileman.” Iyan haena nakailaw hu henà-henà taw ta daw matun-an taw sa pagkagamhanan din ha impadayag din pinaagi ki Cristo.

1 Timoteo 5:1

Harì nu tagdasang-dasangi sa mga maama ha magulang en ba sambagi sidan duun hu manayù-nayù ha paagi isip amay nu. Sambagi nu daan sa mga batan-en pa ha maama di sikaw isip ha mga suled nu.

Tito 2:6

Tudlui daan sa mga batan-en pa ha maama ha magpugung sidan hu kaugalingen dan.

1 Juan 1:1

Sa tigtultul day duun taini ha sulat iyan sa mahitenged ki Cristo Jesus ha tagngaranan hu Lalang ha pakaila hu kinabuhì. Saena duduun en su hurà pa tanghagaa sa kalibutan, daw su dini pa ta kalibutan naahà daw napaliman day en ta nakigduma-duma kanay.

1 Juan 2:1

Pinalanggà ku ha mga batà, insulat ku haini diyan ta inyu ta daw harì kaw en makasalà. Ba ku amin inyu makasalà amin taghusay taena duun hu Dios ha Amay taw. Saena iyan si Cristo Jesus sa matareng gayed

1 Juan 2:12

Sinyu sa pinalanggà ha mga batà ku, sinulatan ku inyu ta napasaylu en sa salà nuy pinaagi ki Jesus.

1 Juan 2:14

Sinyu sa mga Amay, sinulatan ku inyu ta nakilala nuy en haena sa duduun en su hurà pa tanghagaa sa kalibutan. Sinyu sa mga batan-en pa ha mga etaw, sinulatan ku inyu ta mabis-ay kaw hu pagtuu tumenged ta sa lalang hu Dios didiyan en ta inyu daw nadaeg nuy en daan si Satanas.

1 Juan 3:12

Harì nuy ag-ilingi si Cain sa sakup hi Satanas ta hinimatayan din su manghud din. Sa inhimatayi din ku manghud din iyan sa migbuhat haena hu matareng na sa ki Cain madaet gayed.

1 Juan 4:4

Ba sinyu sa pinalanggà ku ha mga batà, iyan kaw iman etaw hu Dios daw nadaeg nuy en sa mga biduen ha manunudlù, ta sa Balaan ha Ispiritu ha uminulin diyan ta inyu mabis-ay gayed dì ki Satanas sa ag-tagu daan duun hu kenà mga tumutuu.

1 Juan 5:18

Natun-an taw en ha bisan sin-u ha nahimu en ha batà hu Dios harì gayed tagpadayun duun hu salà ta si Jesus sa Batà hu Dios iyan tagbantay kandan ta daw harì madaetan hi Satanas.

1 Juan 5:20

Natun-an taw daan ha sa Batà hu Dios duminini ta kalibutan daw nailawan din sa henà-henà taw ta daw makilala taw ku sin-u sa laus ha Dios. Iman sabuwa kuy dà hu Dios daw ki Cristo Jesus sa Batà din ha Dios daan daw puunaan hu kinabuhì ha hurà din katapusan.

Impadayag 12:11

Saena ha mga suled taw ha tumutuu nadaeg dan en si Satanas pinaagi hu langesa hu Nati ha Karniru daw pinaagi hu pagpanunultul dan hu lalang hu Dios ta hurà dan kanuguni sa kinabuhì dan bisan duun hu kamatayen.

Impadayag 2:7

Henhenaa gayed sa napaliman nuy ha inikagi hu Balaan ha Ispiritu duun hu alan ha mga tumutuu. Saena ha madaeg din sa madaet ilahan ku hu katenged hu pagkaen taena ha bunga hu kayu ha pakaila hu kinabuhì duun hu madagway ha banuwa hu Dios.’