1 Juan 1:6 - Lalang Hu Dios

⁶ Ku tag-ikagi kuy ha amin taw pakigdapità hu Dios ba sa tagbuhaten taw iyan pa sa mga buhat hu kasukileman bà kuy dà tagbiduay ta sa pamatasan taw kenà sumalà hu kamatuuran.

1 Juan 1:6 Iomraidhean Croise

Mateo 7:22

Duun asem hu Aldaw hu Paghukum madakel sa mag-ikagi, ‘Ginuu, pinaagi hu ngaran nu insaysay day sa impaikagi nu daw pigbugaw day sa mga busaw daw madakel pa gayed ha mga belenganen sa nabuhat day.’

Juan 11:10

ba saena ha taghipanaw ku daleman pakasipà gayed ta masukilem man.”

Juan 12:35

Dayun tuminubag si Jesus, “Iyan ad sulù ha makailaw hu henà-henà nuy ba laus kud en inyu ag-awaan. Aman hipanaw kaw ta aldaw pa daw harì kaw madalemanan ta saena ha agkadalemanan agkalaag.

Juan 12:46

Iyan a sulù ha nakadini ta kalibutan ta daw sa alan ha tumuu kanak harì en maghipanaw duun hu masukilem.

Juan 8:12

Su magtudlù en paman si Jesus duun taena ha mga etaw minikagi haena, “Iyan a sulù ha pakailaw hu henà-henà hu kaet-etawan. Bisan sin-u sa agsunud kanak harì gayed duun taghipanaw hu kasukileman ta amin din sulù ha tag-ila hu kinabuhì ha hurà din katapusan.”

Juan 8:55

Harì nuy agkakilala ba siak agkakilala ku gayed. Ku naikagi ku pa ngaay ha harì ku haena agkakilala iling a dà inyu ha biduen. Ba saena nakilala ku gayed aman tagtuman a hu mga lalang din.

1 Timoteo 4:2

Saena biduen ha mga manunudlù bà dà tagpasibù-sibù daw harì dan igkasamuk sa pagpakasalà dan.

Santiago 2:14

Mga suled, hurà gayed pulus ku mag-ikagi sa etaw ha amin din pagtuu ba hurà dumahi hu maayad ha mga buhat. Sa pagtuu ha iling taena harì makaluwas kandin.

Santiago 2:16

daw bà nuy dà ikagiyi, “Bà kad ulì en daw ka agkaenà” ba hurà nuy en ilahi hu kinahanglanen din, saena ha pag-ikagi nuy hurà din gayed pulus.

Santiago 2:18

Ba amin gid umikagi, “Amin nu pagtuu ba siak maayad sa mga buhat ku.” Ipaahà nu kanak ku agkainu-inu sa pagtuu ha hurà duun maayad ha mga buhat, ta igpaahà ku daan ikaw sa mga buhat ha maayad ha iyan timaan hu pagtuu ku.

1 Juan 1:10

Ku tag-ikagi kuy ha hurà taw gayed bul-ug salà hurà taw tuuwi sa lalang din daw binuhat taw sa Dios ha biduen.

1 Juan 1:3

Aman sa naahà taw sa napaliman day diyà ta kandin iyan daan tigtultul day iman diyan ta inyu ta daw amin taw pakigdapità daw amin daw daan pakigdapità hu Dios ha Amay taw daw diyà ki Cristo Jesus sa Batà din.

1 Juan 1:8

Ku tag-ikagi kuy ha hurà taw gayed salà bà taw dà binidui sa henà-henà taw daw sa kamatuuran hurà pa gayed dini ta kanuy.

1 Juan 2:4

Ku amin tag-ikagi ha agpakakilala hu Dios ba harì tagtuman hu mga sugù din saena biduen gayed.

1 Juan 4:20

Ku amin tag-ikagi ha tagpalanggaen din sa Dios ba tagkuntrahen din sa mga duma din saena biduen gayed. Ta ku harì din ganì agkapalanggà sa duma din ha tag-ahaen din dà iyan pa kan sa Dios sa harì din agkaahà.