Yohana 1:7 - Bibiliya mu Kirundi coroshe

⁷ aza gushingira intahe uwo muco kugira ngo bose bizere kubera intahe yiwe.

Bibliya Yera 1951 1967 (Burundi)

⁷ uwo yazanywe no kuba igishingantahe, ngw ashingire intahe umuco, kugira ngo bose bizere kubgiwe.

Yohana 1:7 Iomraidhean Croise

Yohana 1:12

Ariko abamwakiriye bose, bakizera izina ryiwe, yabaye uburenganzira bwo guhinduka abana b’Imana.

Yohana 1:15

(Yohana yamushingiye intahe aho yasemerera ati: “Uwu ni we navugako igihe navuga nti: ‘Uwuje inyuma yanje aranduta cane kuko yariho jewe ntarabaho.’ ”)

Yohana 1:19

Iyi ni yo ntahe Yohana yashinze igihe abakuru b’Abayuda b’i Yerusalemu bamutumako abaherezi n’Abalewi ngo bamubaze uwo ari we.

Yohana 1:36

Abonye Yesu arengana, aravuga ati: “Ng’uwu Umwagazi w’intama w’Imana!”

Yohana 1:9

Umuco w’ukuri wakira umuntu wese wariko uraza mw’isi.

Ivyakozwe 19:4

Pawulo arababwira ati: “Umubatizo wa Yohana wari uwo kwihana. Yahamagarira abantu kwizera uwagira aze inyuma yiwe, uwo na we ni Yesu.”

Galatiya 3:26

Mwese muri abana b’Imana kubera kwizera Kristo Yesu,

Abanyefeso 3:9

Natoranijwe kugira ngo nsigurire umuntu wese ivy’iryo banga ryari ryarahishijwe n’Imana, Umuremyi wa vyose, kuva mu bihe vya kera.

1 Timoteyo 2:4

yo ishaka ko abantu bose bakizwa bagashika ku kumenya ukuri.

Tito 2:11

Ubuntu bw’Imana buzana agakiza bwarahishuwe ku bantu bose.

2 Petero 3:9

Imana ntitebeje gushitsa isezerano ryayo, nk’uko bamwe biyumvira ko iritebeje. Yihanganira mwebwe, kuko idashaka ko hari n’umwe aranduka, ariko ishaka ko bose bashika ku kwihana.