Ivyakozwe 21:5 - Bibiliya mu Kirundi coroshe

⁵ Ariko iyo ndwi iheze, duca turabandanya urugendo. Bene Data bose, bari kumwe n’abagore n’abana, baraduherekeza kuva mu gisagara gushika ku nkengera y’ikiyaga. Tuhashitse, turapfukama turasenga.

Bibliya Yera 1951 1967 (Burundi)

⁵ Turangije iyo misi, tuvayo turagenda, bose baduherekezanya n’abagore n’abana, baturenza igisagara, dupfukama ku musenyi, turasenga.

Ivyakozwe 21:5 Iomraidhean Croise

Matayo 14:21

Abariye bari abagabo ibihumbi bitanu, udashizemwo abagore n’abana.

Mariko 1:40

Umuntu arwaye imibembe araza apfukama imbere yiwe, aramwinginga ati: “Ubishatse, woshobora kunkiza ngahumanuka.”

Luka 22:41

Aca yigira kure gato nk’aho umuntu yotera ibuye, arapfukama arasenga ati:

Ivyakozwe 15:3

Nuko ishengero rimaze kubarungika, baca i Foyinike n’i Samariya, biganira abandi bizera ingene Abanyamahanga na bo bizeye Imana, ivyo bitera umunezero mwinshi bene Data bose.

Ivyakozwe 17:10

Bugorovye, bene Data barungika Pawulo na Silasi i Beroya. Bashitseyo, binjira mw’isinagogi y’Abayuda.

Ivyakozwe 20:36

Ahejeje kuvuga ivyo, aca apfukama hamwe na bo barasenga.

Ivyakozwe 20:38

Icabababaje kurusha ibindi, ni uko yari yababwiye ko batazosubira kumubona ukundi. Nuko baca baramuherekeza gushika ku bwato.

Ivyakozwe 9:40

Maze Petero arabataramura bose, aca arapfukama arasenga. Hanyuma ahindukirira ikiziga, avuga ati: “Tabita, vyuka!” Nuko tabita arakanura. Abonye Petero, aca aravyuka aricara.