Filipi 4:9 - Bibiliya mu Kirundi coroshe

⁹ Ivyo mwigishijwe canke mwanyumvanye, canke ivyo mwambonyeko, mubishire mu ngiro. Imana y’amahoro izobana namwe.

Bibliya Yera 1951 1967 (Burundi)

⁹ Ivyo mwize, ivyo mwākiriye, ivyo mwumvise, ivyo mwambonanye, abe ari vyo mukora: ni ho Imana Nyen’ amahoro izobana namwe.

Filipi 4:9 Iomraidhean Croise

Matayo 1:23

“Ehe, inkumi itarigera iryamana n’umugabo izosama inda ivyare umwana w’umuhungu hanyuma bamwite Emanuweli” (bisobanurwa ngo “Imana iri kumwe natwe”).

Matayo 28:20

mubigishe gushira mu ngiro ivyo nabategetse vyose. Kandi mumenye ko ndi kumwe namwe imisi yose gushika ku muhero w’isi.”

Matayo 7:21

Abampamagara bose ngo: Mwami, Mwami, si bo bazokwinjira mu Bwami bw’ijuru, ariko ni abakora ivyo Data wo mw’ijuru agomba.

Luka 6:46

Ni kuki mumpamagara ngo: ‘Mwami, Mwami,’ ariko ntimukore ivyo ndababwira?

Luka 8:21

Yesu amwishura ati: “Mama na bene mama ni abo bumva ijambo ry’Imana bakaryumvira.”

Yohana 13:17

Ivyo murabimenye, ariko muzohezagirwa ni mwabishira mu ngiro.

Yohana 15:14

Muzoba muri abakunzi banje nimwakora ivyo mbategeka.

Yohana 2:5

Ariko Mariya abwira abakozi ati: “Ico ababwira cose mugikore.”

Ivyakozwe 9:6

Ariko haguruka ushike mu gisagara, ni ho uzobwirirwa ivyo ukwiye gukora.”

Abaroma 15:33

Imana, yo itanga amahoro, ibane namwe mwese. Amen.

Abaroma 16:20

Kandi Imana, itanga amahoro izofyonyorera vuba Satani musi y’ibirenge vyanyu. Ubuntu bw’Umwami wacu Yesu bubane namwe.

1 Korinto 10:31

Nuko rero iyo murya canke munywa, canke mukora ikindi kintu cose, mubikore muhesha Imana icubahiro.

1 Korinto 14:33

kuko Imana yacu atari Imana y’akajagari, ariko ari Imana y’amahoro, nk’uko bigenda mu mashengero yose y’abera.

1 Korinto 4:16

Ndabinginga rero ngo munyigane.

2 Korinto 13:11

Bene Data, ndangije ndabasezera. Murondere ugutunganywa, muterane intege, muhuze umutima n’inama, mubane amahoro, maze Imana y’amahoro n’urukundo izobana namwe.

Filipi 3:17

Bene Data, mumfatireko akarorero, kandi mwigire kuri abo bose bakurikiza akarorero kacu.

Filipi 4:7

Maze amahoro y’Imana arengeye ugutahura kw’abantu azoca aza, azigamire imitima yanyu n’ubwenge bwanyu muri Kristo Yesu.

1 Tesalonike 1:6

Mwaratwiganye mwongera mwigana Umwami, kuko mwakiriye Ubutumwa n’umunezero uva kuri Mpwemu Yera, naho mwari mu mibabaro myinshi.

1 Tesalonike 2:14

Bene Data, namwe mwabaye nk’amashengero y’Imana muri Kristo Yesu ari i Yudaya: mwahamwe n’ab’iwanyu nk’uko ayo mashengero na yo yahamwe n’Abayuda,

1 Tesalonike 5:23

Imana yo nyene, yo Mana y’amahoro, ibandanye ibeza; kandi impwemu, imishaha n’imibiri vyanyu bizosangwe bitagira agasembwa ku musi w’ukuza kw’Umwami wacu Yesu Kristo.

2 Tesalonike 3:4

Dufise ukwizera mu Mwami ko mukora kandi ko muzoshishikara mukora ivyo tubahanura.

2 Timoteyo 4:22

Umwami Imana abane n’impwemu yawe. Ubuntu bubane namwe mwese.

Yakobo 1:22

Kandi iryo Jambo ntimupfe kuryumviriza gusa, mwihenda. Ahubwo mukore ico ribabwira.

2 Petero 1:10

Nuko rero bene Data, murushirizeho kugira ishaka ryo gukomeza ihamagarwa ryanyu no gutoranywa kwanyu. Kuko nimwakora ivyo, ntimuzokwigera mutsitara,

1 Yohana 3:22

Kandi ico tuyisavye cose irakiduha, kuko twitondera amabwirizwa yayo, tugakora ibiyihimbara.