Filemoni 1:11 - Bibiliya mu Kirundi coroshe

¹¹ Yahora ari imburakimazi kuri wewe, ariko ubu ni uw’ikimazi kuri wewe no kuri jewe.

Bibliya Yera 1951 1967 (Burundi)

¹¹ atākugirira ikimazi kera, ariko noneh’ atugirira ikimazi twempi.

Filemoni 1:11 Iomraidhean Croise

Matayo 25:30

Uwo mukozi w’imburakimazi na we nimumute hanze mu mwijima ahazoba amarira no guhekenya amenyo kubera umubabaro.’

Luka 15:24

kuko umwana wanje yari yarapfuye none arazutse, yari yarazimiye none arazimurutse.’ Nuko baca batangura kugira umusi mukuru.

Luka 15:32

Vyari bikwiye ko tugira umusi mukuru tukanezerwa kuko umuvukanyi wawe yari yarapfuye none arazutse, yari yarazimiye none arazimurutse.’ ”

Luka 17:10

Nuko rero namwe nimwaheza gukora ivyo mwategetswe vyose, muze muvuge muti: ‘Turi abakozi b’imburakimazi, twakoze ivyo dutegerezwa gukora.’ ”

Abaroma 3:12

Bose barazimiye, maze bacika imburakimazi; nta n’umwe akora iciza, nta n’umwe.”

2 Timoteyo 4:11

Luka wenyene ni we turi kumwe. Uzohitane Mariko muzanane, kuko yambereye uw’ikimazi kinini mu gikorwa canje.

Filemoni 1:10

ningingira umwana wanje Onesimo, uwo navyaye ndi mw’ibohero.

Filemoni 1:12

Ndamukurungikiye kandi umenye ko afise umutima nk’uwanje.

1 Petero 2:10

Kera ntimwari ubwoko, ariko ubu muri ubwoko bw’Imana, kera ntimwari bwagirirwe imbabazi, ariko ubu mwarazigiriwe.