Yoohanee 9:8 - Anutuna Ufa

⁸ Mi fasiqana aqoonausa mina qafamasee moomoosa mina qafeemarusa mina qafamasee qiqau. Maa fasiqafa maaqoo maridanoo narana munnimmara ireemari fasiqa fee mifee.

Yoohanee 9:8 Iomraidhean Croise

Mareekoo 10:46

Yeerikoo maqusa Yooradanna nammari dinni afainni afaasasaa maridanoo. Yisufa Yeerusaree maqusai ooru fidanoo fiquakufanoo Yeerikoo maqusai aniranau. Miqooqari findifi narí faiqi namufaqa faiqí anaasee moomoosa faqa ooru fida maqusa atinni aanasaa ooru qafoofanoo aanai faiqí moo afu qimbarana mina auqu Baratimaeeusafa Timaeeusana amaaku fannoo nári oosana marasee miqimarusa aanasaa maridanoo faiqí anaasee fiqaree aiqaree imarusara narana maree maria munnimmara innaaru qimarufa marinau.

Ruka 1:58

Maqasoofanoo mina maqusanaasa faqa mina ainaina faqa iriseeqa oo Anutufa maa asooqana amiqi amiqi inoo fee qimasee mina faqa asasiqau.

Ruka 18:35

Yisufa faiqí anaasee moomoosa faqa Yeerikoo maqusaki firaree qimaseenoo aanasaa fimarufanoo naambeeqai aana afainni faiqí moo afu qimbarafa ooqufaaqee maridanoo faiqí anaasee fiqaree aiqaree imarufanoo narana mara nee maru munnimmanara innaaru qimarufa marinau.

Yoohanee 9:9

Akaqausa doo mifa kai fee qiqau, akaqausa moo fannoo mina fooqaa fee qiqau. Mi fasiqafa narí irisee qinau. Qinee qifu dimbarausa maaqoo marunausa maridaqa.