Yoohanee 9:31 - Anutuna Ufa

³¹ Anutufa sia manda oosana maree mariasa dadaaqidanoo. Faiqí anaasee minara rimariasa mina ufa irimariasa misa kai Anutufa dadaaqidanoo.

Yoohanee 9:31 Iomraidhean Croise

Oosana 19:29

Anutufa mi afaasanasaa maru maqusausa faqa maqa maaqa faqa kurididanoo Abaraqaammanara iriseenoo Rootafa mariu maqusausa naridanoo Rootana kai mareeqee kaqinni quqanau.

Oosana 20:7

Doo findi finana mi fasiqana anaaqa kaifaa narí afaaqinnai aiqainanoo fuani. Abaraqaammafa qini tamummaqara fasiqa maridanoo. Mifa aniara innaaru qinaqa iriseeqa siamma ani aruanauranoo. Anee sia mi anaaseena aiqainaqa ani faqa ani maqannaasa faqa aiqama naruanauranoo.

Idi Ufa 106:23

Yaaweefa misa manda oosana nindafamaseenoo qinau. Qinee misa aiqama kuridi taikasaanauree qinau. Mooseefa Anutufa qutaaqamaqoofa maridanoo Yaaweefa arana qoofanoo nariraree qunasaa ititasoofanoo sia narinau.

Idi Ufa 143:10

Anee qini Anutufa mariannanara aneenna aidira ainaina qima qiminaqa auqaa. Qini amiqimma qisaseenana amiqira aanasaa ititaqimaqainaqa fua.

Idi Ufa 145:19

Mifa nariara naaquqee marifaqa mina ufa qaindusi mariasa dadaaqira ainainauqa nimidanoo. Mifa misa qiki raqarana iriseenoo misa ummaarakinaana mara kaqinni quqannisaidanoo.

Idi Ufa 18:41

Misa akaqausara dadaaqiaqeera faaqaruafaqa sia dadaaqirausa maridaqa sia dadaaqia. Misa Yaaweenara faqa dadaaqianifeera aaraafanoo sia misa innaaru qirana irinoo.

Idi Ufa 40:8

Oo qini Anutu, ani aidirana mau firara firaaqoo dididanoo. Ani sanda ufa qini qimuqusaki maridanoo.

Idi Ufa 99:6

Mooseesa Aaroonasa mina aanaiqikira fasiqaqara mariqau. Samueerafa faqa Anutunara innaaru qimarufa marinau. Minamusa Yaaweena innaaru kiqari aaroofanoo iriseenoo nári qimanniminau.

Aaquqira Ufa 15:29

Andeeqee mariasa innaaru qirana Yaaweefa iridanoo. Manda oosana maree mariasara Yaaweefa akooqaifanoo nianasaa maridanoo misa innaaru qirana sia iridanoo.

Aaquqira Ufa 21:13

Kudi fasiqa fannoo dadaaqiaqeera nammeera qinana anee sia irinana kasooaqee anee faqa nammeera qinaqa sia moo fannoo iriannoo.

Aaquqira Ufa 28:9

Faiqí moo fannoo Yaaweena sandufa ameesuqinafa Yaaweenara inaaru qinanoo Yaaweefa mina innaaru irinoo fidiaqaammiannoo.

Yoohanee 11:22

Miqinoo marifaqa maridaqa, aneenna kai maqee nana ainainaree Anutufinnai nana ainainaree innaaru qinanoo ani amiannoo.

Yoohanee 15:16

Sia innee qini rusandeesamumandee qini qumaraafanoo. Qinee naaree inniara rusandeesamumandee inni qumareeqa. Inni marirafa nirafa qini daanna ramasee mariaqeera qinindikiaqeera qimasee inni mareeqa. Mi marira oosanafa sia putaa iannoo afeeka kai mariannoo. Innee minara irisee nana sarauimari ainainaree qini qikoofinnai innaaru qimasee qini duqusaa innaaru qimasaifanoo nimiannoo.

Yoohanee 7:17

Qini ufa Anutunaindi fee qinee qeeqa fee qidee. Faiqí moo fannoo Anutuna iriranamau firarimarifa qini ufara Anutufa fee qiannoo.

Yoohanee 9:30

Afu dimbarafa mina iriseenoo niqinoo qinau. Innee moo irirana maree mariafanoo mifa qini qifu maqaqisaifaqa innee nanaree mi fasiqanara yaindari fee anidanoo fee qidee.

Yoohanee 9:32

Ooqai oosana aroo aukuannasaaqari sia faiqí moo fannoo afu dimbarana nifu maqannisanau, maqee kai.

Heeburu 10:7

Minara Yisufa maaqi qimasee kaifaa Anutuna qimaminau. Oo Anutu doo qinee maaqoo maridaqa. Aneenna iriranannai kai qiniara ia. Mooseena sandufaki qiniara akara rinau. Doo mi mau kai qiniara ia. Yisufa miqi qinoo.