Yoohanee 9:3 - Anutuna Ufa

³ Yisufa iriseenoo qimanniminoo qinau. Sia narí anoona akoonasaa qaraanau, sia narindisaafau afu dimbanoo maridanoofau. Anutuna afeeka kasirana qinikiqari kooroo ianifeera mina afu dimbanoo maridanoo.

Yoohanee 9:3 Iomraidhean Croise

Mataioo 11:5

Nifu dimbarausa maqannisaidaqa, niku eendirausa amiqimmannisaunaqa nidaqa. Karoora narimariasa rukannisaidaqa. Naaqoo aunirausa ufa iridaqa. Kuqimariasa findifumannisaidaqa. Kudi fasiqauqa qinee amiqira fuka ufa innaarunai ququsa ufa misa qimannimidaqa. Mi ufana oonuree Yoohaneena qimamifanoo mifa qiniara iriannoo.

Yoohanee 11:4

Yisufa mi ufana iriseenoo narí faiqi namu qimanniminau. Rasarusafa aurida maridanoo. Sia kuqiranaki firarau Rasarusafa mi aurirana maraidanoofau mina auriranannai Anutufa narí amaaku qini duqu uqeeraanifeera mi aurirana maraidanoo.

Yoohanee 11:40

Yisufa iriseenoo qimaminau. Qinee faasai qimamunnana anee qini saqarikinana anee Anutuna afeeka eeraarirana qafeennaranoo.

1 Yoohanee 4:16

Anutufa maasara amuqusirana maasa qeeqa minara iridaqa kuqaa fee qimasee minasaa mundidaqa. Anutufa nimuqusirana anoona marinara yafa yafee nariara nariara andeeqara amuqusiranaki marifa mifa Anutunaki faqa marifa maridanoo, kaifaa Anutufa minaki maridanoo.

1 Yoohanee 4:9

Anutufa narí amuqusira oosana maasa uqaqifiqeenoo. Mifa narí amaaku moodaa faiqi maa maqa maaqanaki aqiqamasoofanoo maasara kaqi marirana mina Yisunannai maraaqee qimasee aqiqoofanoo quminau.