Yoohanee 9:25 - Anutuna Ufa

²⁵ Afu dimbarafa mina iriseenoo qimanniminau. Mi fasiqafa mandainaina maree mari fee sia qinee mina oosana iridaqa. Moodaa ainainara kai qinee iridaqa qinee qifu dimbarausa mariafanausa maqee qini qifu maqee marifaqa maridaqa minara kai qinee amiqimasee iridaqa.

Yoohanee 9:25 Iomraidhean Croise

Yoohanee 5:11

Mi fasiqafa qinau, qini andeeqaqisaifa aneenna qaari raqandaamamaree fuannee qifaqa qeeqa qaari daakai maqa maree fidaqa.

Yoohanee 9:24

Yuda maqannaa uriqararausa mina iriseeqa afu dimbarana kafaa aaramasee qiqau. Anee Anutuna afusaa kuqaa anoona ufa kai maasa qimannimia. Ani afu maqaifa mifa mandainaina maree marifa maridanoo.

Yoohanee 9:26

Misa mina iriseeqa kaifaa irammiriqa qiqau. Mi fasiqafa nana ainainee auqu amifanoo ani afu maqeenoo fee.

Yoohanee 9:30

Afu dimbarafa mina iriseenoo niqinoo qinau. Innee moo irirana maree mariafanoo mifa qini qifu maqaqisaifaqa innee nanaree mi fasiqanara yaindari fee anidanoo fee qidee.

1 Yoohanee 5:10

Yafa yafee Yisunara Anutuna amaaku fee qinafa narí aundurakinaafa faqa dadaaqinanoo kuqaa anoonee qiannoo. Yafa yafee Yisunara sia Anutuna faiqi fee qinafa mifa Anutunara unna qimari fasiqafee qidanoo Anutufa narí amaakuara qu ufanara unna fee qidanoo miqi qidanoo.