Yoohanee 8:6 - Anutuna Ufa

⁶ Misa mi ufanannai puteera foora fufidaqa qiqau. Yisufa aruanifeera qimasaida miqi marufanoo Yisufa narí iriseenoo fifau kummaramafufanoo asaukunnoo maqa akara rinau.

Yoohanee 8:6 Iomraidhean Croise

Oosana 49:9

Yuda anee kaasau aandaura foora faiqí nárí marianafa mariananoo. Anee firaa kaasau ainaina mariana, anee aandau arusee namasee faiqaqee inanoo moo fannoo sia ani afauriannoo, rufiaannoo.

Idi Ufa 39:1

Qinee Dafidisa qeeqara maaqi qiqa, qinee qeeqa nirana mariranasaa rakisianaura. Qini qifauru fannoo sia aaqara ufa qiannoo. Manda oosana maree mariasa qini daaqa marifaqa sia qinee moo manda ufa qianaura.

Aaquqira Ufa 26:17

Sia tinooriranaki aqufua. Anee miqinana faini aaqoora foora qumarainanoo ukaqa amiannoo.

Mataioo 10:16

Iriaqa, qinee inni niqiqaanaqa innee sipsipara foora kaasau faini qambaana inni niqiqaidaqa. Faiqí oodaa mariafanoo faiqí moomoosa inni narusee naaqaammidammia. Minara innee sakani maaso̱o aanna reeqa reendeenamasee nuaqa. Nakipurunara foora kaqi muquriqa marida, reendeenammida mariaqa.

Mataioo 15:23

Yisufa iriseenoo sia irinoora foora kaqi finau. Mina faiqi namu anireeqa Yisuna fukifaaki qiqau. Anee mina aqiqaa maqee maqee mifa maasara faaqari marifanoo qikooqaidanoo.

Mataioo 16:1

Farisai amaana ufa qimarusa faqa Sadikai amaana ufa irimarusa faqa misa Yisunara kuqaa Anutuna amaaku fee maridanoo fee qianeera uneemaana qimasee amanammasee qafaaneera qiqau. Firaa ainaina mookira ainaina innaarunaindaraa ainaina uqaqifiqasainaqa qafamasee kuqaa aniara Anutuna faiqi fee qianauranoo.

Mataioo 19:3

Farisai amaana ufa qimarusa misa miqoo anireeqa Yisuna ueeqasee amanammasee qafararee qimasee qimamiqa qiqau. Amanee faiqí fannoo oosana oosana ainainara qimaseenoo narí anaaqa minnisaannoo fee, Mooseena sandufa rukiaseenoo fee miqiannoo fee.

Mataioo 22:18

Misa Yisuna ufa iriseeqa mina rumbaaneera qufanoo Yisufa narí faasai misa mandoosana iriseenoo maaqi qimasee niqinoo qinau. Innee qaara ufa qimariasa mariafanoo mandaiki mariasa mariafanoo. Faiqí anaasee innee naamua qimasee quandafi mandoosana maree mariasa mariafanoo. Innee nanaree fifau qini qifusaa ititaidee qinee inni nindafaida.

Mataioo 22:35

Misakiqari sandufa oosana irimaru fasiqafa anireenoo Yisuna amanammasee qafaanee qimasee ufa quqanau.

Mataioo 26:63

Miqi qimasoofanoo Yisufa kaqi kasooinoo marinau. Amaana maqasaa aanaiqikirausa misa uriqararafa Yisuna qafamaseenoo narí afusaa qimaminoo qinau. Kuqaa maaqanda Anutuna afusaa marunausa marida. Anee anoona ufa kai qini qimaqimia. Kuqaa fee anee Anutuna asauku mundirafa uqannee maridanee, Anutuna amaaku uqannee maridanee.

Mareekoo 10:2

Farisai amaana ufa qimarusa akaqausa Yisufa maruqoo aniree ufaanara foora fufusee Yisunara minaki aruanifeera maaqi qimasee narikai narí qimami narí qimami qiqau, Maasa faiqí narí anaaqa minnisarana irammirifanoo Yisufa minara aaqara ufa qinaqa mina ummarasee aruanaura. Miqi qimasee akooqoo Yisuna qimamiqau, Oo Yisu maasa Mooseena sandufa faiqí moo fannoo narí anaaqa minnisaranara eedoo qidanoo fee sia fee eedoo qidanoo.

Mareekoo 12:15

Innee nanaree qini fusee irara idee siruaa munnimma moo marasaifaqa qafaa qufaqa misa siruaa munnimma moo maree mini uqafiqaqau. Mifa qafamaseenoo qinau, yana oori amana faqa yana auqu amana faqee maa munnimmanasaa akara rinoo maridanoo fee qufaqa misa qiqau. Roomma maqannaa uriqararanaindi maridanoo fee qufanoo Yisufa qinau, doo amana qiafanoo mina auqu faqa mina oori faqa maa munnimmanasaa maridanoo sia moo naindi maridanoo naríndi uqanna akoorooidanoo minara doo naríndi maridanoo doo mifa qimiaqee qinaqa mina amiaqa Anutunaindi faqa doo narí Anutuna faqa amiaqa qufaqa misa mina iriseeqa kuqaa qimaseeqa firaaqoo Yisunara naaquqee marinau.

Mareekoo 3:2

Akaqa fasiqa anaasee Yisunara ufa qianee qimasee amaarusidaqa asauku sufirana faqa Yisuna faqa amiqimasee ninda fee mariqau. Yisufa Saririqasaa fee faiqí asauku sufirana andeeqaannoo fee Mooseena sandufa rukiaannoo fee qidaqa qafee mariqau.

Mareekoo 8:11

Miqoo Farisai amaana ufa qimarusa Yisuna faqa raiqara ufa oosana araqau. Misa Yisuna ufaanara foora fufusee aruanifeera qimasee Yisunara faiqí sia auqaaqaa ira ainaina auqamasainaqa maasa aniara kuqaa Anutuna faiqifee qianaura.

Ruka 10:25

Yisufa miqi qimarufanoo Mooseena sandufa akoofasa fannoo anireenoo Yisuna akari maqararee qimasee qimaminoo qinau. Ufasaa rakisirafa qinee nana saika fee marasee naaru naaru mariranaki fuanauree qufanoo Yisufa qimaminau, ooqai tamummaqara fasiqauqa akarakinaa ufa anee asaana rumasee nana ufa fee irinanee.

Ruka 11:16

Akaqausa mina ueeqararee qimasee qiqau Yisunara faiqí sia amanaikimari ainaina auqusainaqa maasa aniara kuqaa Anutufinaindari qumu fee qianaura.

1 Koorinti 10:9

Maasa sia misa naanna reeqa karaambaiqa amanamandee qafaanauranoo. Misa akaqausa miqimarunara sakani fannoo narimarufaqa kuqimariqau.