Yoohanee 8:48 - Anutuna Ufa

⁴⁸ Yuda maqannaa uriqararausa Yisuna ufa iriseeqa aqiqa qiqau. Anee manda Samaria maqannaa mariananoo afaanna moo ani aunduraki marifa mariananoo. Maasa kuqaa fee qidee, sia fee.

Yoohanee 8:48 Iomraidhean Croise

Mataioo 10:25

Faiqí qinee uriqararausa ufa qimannimi marunausa daruseeqa miqi kaimmiqa qini faiqi namu qini ureeqarausa inni narifaranoo. Faiqí misa rakisirana arusee mina faiqi namufaqa miqi kai iqa narifara. Misa nikoonara afaannee qimasee faiqi namuara faqa miqi kai iqa afaannee qifaranoo. Misa mi manda ainainna oosana oosana qini qimifara, miqi kai iqa inni faqa nimifaranoo.

Mataioo 10:5

Maa namusa qisaukuqara taikasee qikunni ooqu qaaraqanda marasee Yisufa Isaraee maqa maaqaki minakina niqiqeenoo qimanniminau. Anaamuru maqusai sia fuaqa. Samaria maqusai faqa sia fuaqa.

Mataioo 11:18

Misa miqi qimasee miqi qiafaqa qinee Yisusa minara maaqi qidaqa. Maa maqee marunausaki miqimminoo maridanoo. Yoohaneefa anireenoo uainna nammari faqa narana uqanna faqa sia nanau, dapi narana kai noofaqa innee minara afaanna keeqafifanoo miqidanoommifoo qiqau.

Mataioo 12:24

Farisai amaana ufa qimarusa mi ufana iriseeqa qiqau. Maafa afaanna rakisirana Beeraseebura minannai afaanna faiqí naunduraki marina aqiqaidanoo.

Mataioo 12:31

Misa Yisunara Sadannanannai afaanna niqiqeefoo qunara, Yisufa minara iriseenoo qimannimidanoo qinau. Oosana oosana manda marirana faqa manda ufa faqa Anutufa amana mina numoo faiqí mininnisaannoo narí maraqunara aqirana minara kai sia mininnisaanoo.

Mataioo 15:7

Innee kaaqa ufa qimannimisaida maqandanai manda oosana maraqanuasa. Anutuna tamummaqara fasiqa Eesaia, kuqaa uqanna inniara qimasee akara rinau. Mifa maaqi qinau.

Yoohanee 1:19

Yoohaneefa Yisunara kooroo qu ufafa maaqimasee animarinau. Yuda maqannaasa amaana maqa aanaiqikirausa faqa amaana maqaki dapi saika maree marusa misara Reefina aiku asauku fee qimarusa misa faqa Yeerusareenni suqufufaqa ufa qimaseeqa faiqí akaqausa nifeeqasee niqiqoofaqa Yoohaneenara irarara ooqufiqau. Yoohaneefa nammari nimimarufunnai Yooradanna nammarinni ooqureeqa maaqi qimasee iraqau. Oo Yoohanee, Anutuna tamummaqara fasiqauqa kambiqaaninna tamummaqara fasiqanara akara rumaqoofa anee maana mifee yafee.

Yoohanee 13:13

Doo maqee mina nammari uqunnana oosana kooroo ianaura. Innee qiniara ufasaa rakisira fee karaambaiqee qimariafanoo. Doo mina kuqaa qimariafanoo qinee miqirausa maridaqa.

Yoohanee 7:20

Yisufa miqi qimasoofaqa misa aiqama maaqi qimasee narí qimamiqau. Ani aunduraki afaanna marifana anee miqi qimariananoo. Yafee moo fannoo ani kuqaruannoo fee sia moo fannoo.

Yoohanee 8:22

Yuda maqannaasa uriqararausa mi ufana iriseeqa narí qimami narí qimami qiqau. Mifa maasara sia narí innai fuaqeera qidaqinoo. Maasa sia mina ufa iridaqa. Mifa narí fee narí aruannoo fee miqi qidanoo fee.

Yoohanee 8:52

Yuda maqannaa uriqararausa mi ufana iriseeqa qiqau. Doo maasa ani oosana iriseeqa anee kuqaa afaanna faqaafa mariananoo, Abarahaamafa maasa qikoofa doo ooqai kuqinau. Anutuna tamummaqara fasiqauqa doo kuqiqau. Anee naqi fee masee maa ufana qidanee qini ufa irimariasa sia kuqifaree qidanee.

Roomma 15:3

Asauku mundirafa ririmma, sia narí aidiramau finoo, narí akoona Anutuna aidiramau finoo tamummaqara fasiqa minara maaqi qimasee akara rinau. Faiqí anaasee Anutuna aqira ufa mandufa qimarifa qinisaa aqufinoo. Tamummaqara fasiqa mi ufana qimasee akara rinau.

Heeburu 13:13

Maasa faqa Yisuna dadaaqiqa ooqeenaa maaqa naambeeqaira foora Yisufa mariqoo mina asaurirana dadaaqi maraanauranoo.

Yameesa 2:19

Anee fee aneennaraa kai fee Anutufa moodaa mari fee qimasee mi iriranannai kai anee amiqiranaki maridee qidanee. Oo amana innee afaannauqa ufa moodaamau aamasee qimariasa mariafanoo. Afaannauqa faqa Anutunara moodaa mari fee qidaqa nariqa mandainaina akiaqara narifandinnanara iriafanoo naaquqaidanoo naindiri raidanoo.