Yoohanee 8:42 - Anutuna Ufa

⁴² Yisufa misa ufa iriseenoo maaqi qimasee qimanniminau. Anutufa inni nikoofa marinaqau kuqaa innee qiniara rini. Qinee Anutufinaindari maaqoo qumumaridaqa. Qinee sia qeeqafau qumiqau mifa diqiqoofaqa qumiqiafana.

Yoohanee 8:42 Iomraidhean Croise

Yoohanee 1:14

Mi ufafa Anutuna anoona ufa Yisufa faiqí faiqi kamambinoo maasaki qumu marinau. Qumumarufaqa mina afeeka eeraarirana maasa mina faiqi namu kuqaa qafaqau. Mifa narí akoona amaaku moodaa marunara narí akoonasaaqaraa afeeka eeraarirana faqa kaqi afaarirana faqa kuqaa anoona ufa qirana faqa maraseenoo qumbiqanoo maruna qafaqau.

Yoohanee 12:49

Qinee sia qeeqa iriranannai ufa qimannimidaqa qini diqiqamaqoona qini qikoona uqaqifiqoo ainaina kai qimannimidaqa uqannifiqaidaqa.

Yoohanee 13:3

Anutufa aiqama afeeka innaaruna faqa maqa faqa Yisuna aramandunnai quqaqoofanoo marufanoo Yisufa mina irida marinau. Narí Anutufinaindari qumufa iridanoo marinau. Narí kaifaa Anutufinnai ooru firafa adeedi ranoo marufanoo minara faqa irida marinau.

Yoohanee 14:10

Firipi anee sia fee qini ufara anoonee qidanee. Qinee qipaqeenaki faqa maridaqa mifa qiniki faqa maridanoo sia fee anee mi ufana iridanee. Yisufa kafaa narí faiqi namu aiqama qimanniminoo qinau. Qinee inni ufa qimannimimarunafa sia qeeqa daundurakinaana qimannimidaqa. Qini qikoofa qiniki marifa narí irirana iriseenoo qifaqa narí qimau kai fidaqa qimannimidaqa.

Yoohanee 16:30

Doo maqee maasa aniara aiqama ainaina irimariana fee qidaqa. Anee ufa qiananoo moo fannoo sia ani dadaaqimarifana aneennaraa kai qimannimimarianaqa maasa minara irisee kuqaa aniara Anutufinaindari qumi fee qidaqa.

Yoohanee 17:25

Oo andeeqara qikoofa maa maqanasaaqaraasa ani ufa sia irimariasa sia aniara iridaqa. Qinee kai aniara iridaqa maa qini faiqi namu anee qini diqiqamaqoonnanara misa iridaqa.

Yoohanee 17:8

Anee qimunna ufana qimannimunaqa irisee doo mareea. Qinee anikiqari qumuafannanara faqa misa kuqaa fee qidaqa. Anee qini diqiqoonnanara faqa anoonee qidaqa.

Yoohanee 3:17

Anutufa sia maa maqanasaaqaraa fasiqa anaasee narí ufa firaanaki mara aquanifeerau narí amaaku maa maqanasaa quqannisanau. Mifa faiqí anaasee nariranakinaana qumbaqeeqee naaru asumu mariranaki quqannisaanifeera Yisuna quqanau.

Yoohanee 5:23

Aiqamausa qini qikoona Anutunara naaquqaanifeera miqinau. Qiniara naaquqaindee kai iqa qini qikoonara naaquqaanifeera miqinau. Faiqí moo fannoo moona amaaku sia mina aqoondikinafa mina akoona faqa miqikai inana miqanda qisakoosa sia niqoondikinnaranoo.

Yoohanee 5:43

Qini qikoofa Anutufa qini diqiqoofaqa qumu marunaqa sia innee qiniara irisee asasamasee qifiqee animariafanoo. Moo fannoo kasooqaqee narí manda aidiranafaqaafa anirainaqa innee mina asasamasee oonu afiqee anifaranoo.

Yoohanee 8:14

Yisufa mina iriseenoo qinau. Kuqaa qinee qeeqaraa ufa qidaqa. Qinee miqi qidaqa anoona ufa kai qidaqa. Qinee qeeqa kambiqafi aniafannanara iridaqa qeeqa fuannanara iridaqa. Innee sia qinee kambiqaafannanara irimariafanoo.

1 Koorinti 16:22

Karaambaiqara sia amuqusimarinafa aqurarara ufa minasaa mariannoo. Nári ufakiqari maranata, maasa ufakiqari maasa karaambaiqa qumuannee qidaqa.

1 Yoohanee 4:14

Maasa maa ainainna qafeeqa aiqama qimannimidaqa maasa qikoofa narí amaaku aqiqeenoo maa maqa maaqanasaaqaraasa mandainainaki mariasa qumareeqee uqeeraani fee qimasee aqiqanau.

1 Yoohanee 5:20

Maasa maanara iridaqa asauku mundirafa Anutuna amaaku uqanna maasa Anutunara iriaqeera mina irirana qiminau. Doo maqee maasa Anutuna amaaku asauku mundirana Yisunaki marianara moodaanaki kuqaa anoona Anutunaki maridee qidaqa. Miqiqa maasa anoona Anutunaki faqa anoona asumu mariranaki faqa maridaqee qidaqa.

Uqafiqoo Ufafa 22:1

Mi qangiroofa fuka Yeerusaree maqusa uqaqifiqaseenoo nammari miqoo maruna uqaqifiqanau. Mi nammarifa Anutuna faqa sipsipa aanaaqi Yisuna faqa maru qaarinakiqari qumuree fuka maqusa qambaana ooqu fimarinau. Mi nammarina auqu kaqi marira nammari fee qiqau. Amiqira nammari sia dumuna maqa maru nammarifa mi nammarifa mookoofa amanee kai randaida qumidanoo.