Yoohanee 8:31 - Anutuna Ufa

³¹ Yisufa minara iriseenoo qimanniminau. Innee qini ufa qimannimunnana irisee mi mau maqee maqee fifaqa kuqaa qini faiqi namu marifaranoo.

Yoohanee 8:31 Iomraidhean Croise

Mataioo 24:13

Yafa uqannee narí akoona faiqi uqanna mi manda aukuanna aiqama ainaina kambiqainanaki finnaaqara maseenoo fifi inanoo taikara kooqi uqanna raquramisainafa mina akoofa Anutufa qumareeqeenoo asumu mariranaki quqaannoo.

Yoohanee 1:47

Firipifa mina afiqeenoo oonu roofanoo Yisufa Natanaeerana qafamaseenoo qimaminoo qinau. Oo maafa Isaraee maqannaa faiqí uqanna anidanoo. Sia qunna ufa minaki marifa andeeqarafa kai marifa maridanoo.

Yoohanee 6:55

Qini qimaqi narana uqanna maridanoo qini fidika nammari uqanna maridanoo.

Yoohanee 8:36

Qinee Anutuna amaaku maridaqa. Qinee inniqa manda oosanakiqari idukusaanaqa innee kuqaa idukiqa marifaranoo.

Roomma 11:22

Maanara amiqimasee iria sia aunuaqa Anutufa narí qaara oosana maaqimminoo maridanoo mina dinni kaaqa faiqí anaaseera amuqusirafa maridanoo kafaa mina dinni manda ainainara aanoo irafa maridanoo. Mifa mandainainaki saamurimariasara aanoo irafa kai maridanoo, innee kaqi mina afaariranaki maqee maqee fimarifanoo mifa inni nifauamaseenoo amiqi amiqiannoo, minnisaifanoo inni faqa Yuda maqannaara foora aadana asaanara foora inni rauda aqusaannoo.

Roomma 2:7

Akaqa fasiqa anaasee amiqira oosana kai maraqa nidaqa innaarunai areenarana faqa innaarunai nuqu uqeerarana faqa naaru naaru mariranara faqa randaidaqa. Miqi mariasa Anutufa naaru marirana nimiannoo. Akaqausa nári nifaaqara kai ridaqa andeeqarana futeeqaidaqa aaqaranaki kai fidaqa. Misasaa Anutufa narí aanoo qirana faqa narí aranaqarana faqa nammariara foora adiannimaqaannoo.

Kooroosee 1:23

Ooqai indaaru Yisuna amiqira fasaasa ufa iriseeqa naaquqarana taikaseeqa innaarunai firara asasida maridaqa. Miqida mi nimuqusa idaaqirana sia kaifaa rufiarana maraaqa. Inni irirafa maqee maqee Yisuna mapukusee mina faakanara maqi masee mundiqa mari iaqa. Mi amiqira fasaasa ufana aiqama maqa maaqai qimannimisoofaqa qinee Pauroosa mina rumbara faiqi maridaqa mina saika faiqi maridaqa.

1 Timooti 2:15

Doo maqee Anutufa sia aiqama aanaaseeuqa mina akiaqara naru taikaannoo faiqi maqaranasaa marifaranoo. Misa nári nifaaqa amiqimmandee aanaamususee maridaqa Yisunasaa irirana rusiseeqa mariaqa faiqí aanaaseera amuqusamasee mariaqa qikairi siaisa anukarausa mariaqa. Miqidaqa noori kandamasee maridaqa kaqi marifaranoo.

1 Timooti 4:16

Aneenna nirana mariranasaa faqa aneenna faiqí anaasee ufa qimannimiranasaa faqa rakisia. Qinee qimamunna ufamau andeeqasee finana ani nirafa marirafa andeeqasee marinana anee aneenna faqa ani ufa irimariasa faqa asumu mareennaranoo.

2 Timooti 3:14

Oo Timooti anee sia misa naanna reemariananoo. Qinee Anutuna anoona ufa ani aamuaqiafannana amiqimmandee qumaroonnana mi mau kai amiqimasee fua. Anee yanasaaqari fee Anutunaindaraa ufa irira oosana mareenanee. Doo miqikaimmasee mi fasiqafa indee kai inana naaru naaru miqi kai ia.

Heeburu 3:14

Maasa indaaru paasoosamandee Yisuna qumareeqa. Maqeendari maqeesaa paasoosamasee Yisuna qumareeqa mina kai afaqaqa fifi inaqa taikainna aukuana qumarainaqa maasa mina faqa moodaanaki ainaini marunausara maqi mafiqa mina qumaraanaura.

Heeburu 8:9

Ooqai misa nikeeku nikaaku faqa moodaanaki kira ufa quqaafannana. Sia miqifau ianaurau, moo kammianaura. Mi aukuannai misa Isaraee maqanna nisauku qumaree Isipa maqasaaqari nifiqee fimariafanaqa misa qini moodaanaki kira ufara nikooqoofaqa qini minni qisaqau. Minara misa qini qimaqimufaqa qinee minniseeqa sia iriqiafana.

Yameesa 1:25

Anutuna idaaqira aaquqira ufa faiqí nifaaqa idukirafa maridanoo. Faiqí anaasee moo fannoo maqee maqee amiqimmandee minaki qafee marifa sia kaqi fifau irisee aunimarifa irisee qumaree marifa mi fasiqafa nana ainainee auqainanoo Anutufa dadaaqinoo amiqi amiqimmiannoo.

1 Yoohanee 2:19

Mi namuqaasa maasaki mariusa rakeemaki namuqaakiqau. Misa maasaki maridaqa sia maasa irirana amiqimasee maroosa marusa. Misa kuqaa maasaindi maridau maasaki kaqi marini. Anutufa maasa dadaaqianee qimasee misa qumeenni niqiqoofaqa maasakiqari rakeemakufaqa fufanoo Anutufa minannoo misa mandoosana kooroo inau.

1 Yoohanee 2:24

Ooqai indaaru Yisuna ufa iriusa mifa inni naunduraki marinara amiqimasee rakisiaqa. Yisuna ufa irufa inni naunduraki marinaqa doo innee minannai amaaku faqa narí akoona faqa atukarasee miqandaki marifaranoo.

2 Yoohanee 1:9

Faiqí moo fannoo asauku mundirana ufamau sia fimarifa fiaikatee fimarifa mifa sia Anutuna faiqi mariannoo. Asauku mundirana ufamau kai fimarianafa sia asauku mundirafa kai minaki maridanoo, mina akoofa faqa minaki maridanoo.