Yoohanee 8:28 - Anutuna Ufa

²⁸ Kasooqaqee innee qini faiqí nimaaku uqeereeqee aunirira saqarisaa quqaqisaseeqa mikamuqoo qinee mariaafannanara irifaranoo. Qini qikoofa qimaqimiqoo ufana kai inni qimannimidaqa. Mikari innee minara faqa amiqimasee irifaranoo.

Yoohanee 8:28 Iomraidhean Croise

Rafudoo Akarafa 3:14

Qufanoo,Anutufa iriseenoo Mosena qimaminoo qinau. Qinee qeeqa kai marunna Anutusa qidaqa. Anee maaqi qimasee misa qimannimia. Nariara mifa qinee kaqi marunna Anutusee qimarifa mifa qini diqiqaifaqa innee iannai anidaqa.

Mareekoo 13:6

Moomoosa aniree náriara unnaqimasee moo fannoo qinee asauku mundirausee qifanoo moo fannoo anireenoo qinee asauku mundirausee qimasee moomoosa misa nikaruqifaranoo.

Yoohanee 11:42

Anee maqee maqee qini innaaru qirana irimarianafa marianaqa. Maaqoo mariasa iriaqeera innaaru qidaqa. Maaqoo mariasa anee qini diqiqamaqoonnanara iriaqeera innaaru qidaqa.

Yoohanee 13:19

Qinee maqeesaa qimannimidaqa sia kambiqai kamuqoo qimannimidaqa. Kambiqainaqa innee qiniara irifaranoo. Qinee qeeqaraa ufa qunausa doo misaki maridaqa.

Yoohanee 16:10

Qinee qeeqa qikoofinai ooru firaridaqa maqasaaqaraasa sia kaifaa qini qiqafeefaranoo, minara fuka dadaaqirafa maqasaaqaraasa andeeqara oosanara aaqee mariafanoo fee qiannoo.

Yoohanee 18:32

Indaaru Yisufa narí kuqiranara narí faiqi namu qimannimuna mina anoona maqee kambiqeenoo.

Yoohanee 19:18

Fifiufanoo Eeburu ufakiqari faiqí nikiaqa amudaani fee qimaru amuaqunamusaa Koorookata amuaqunamusaa ooruree aunirira saqari maqai rumasee minasaa Yisuna mara airisee firimmannai Yisuna narí aunirira saqarisaa aruqapiriqau. Aruseeqa faiqí qaaraqanda mandainaina maraqanuqanda miqanda faqa nári aunirira saqarisaa dinni dinni naruaqapiriqau. Naruseeqa uqeereeqeeqa maqa aamara auquqoonaki rakiqaqau. Qaaraqanda dinni dinni Yisuna qambaanai rakiqaqau.

Yoohanee 3:11

Qinee kaifaa anoona ufa ani qimamidaqa. Maasa irunna ufana kai ani qimamidaqa. Maasa qafee marunna ainainara kai inni qimannimiafaqa innikina moo fannoo sia maasa ufa irimariafanoo. Sia moo fannoo innaarunai ooru fimariasa maridaqa. Qinee faiqí nimaaku kai innaarunaindari qumuafanausa mindaraa ainainara irida maridaqa. Qinee maa maqanasaaqaraa ainainara ani qimamianana sia irinana naqimasee innaarunai ainainara qimamianana irinnaree.

Yoohanee 3:14

Yisufa kafaa Nikoodeemusana qimamidanoo qinau. Ooqai aadana maqa maaqaki sakaniuqaindi Isaraee maqannaasa moomoo ukaqannimisoofaqa kuqimariqau. Mooseefa mina qafamasee koopaa saunu naaree auquseenoo mina aanaaqianna minannai kai sakani auquseenoo mi saununasaa kukukukuqamaseenoo doo uqeerasoofaqa kuqirarimarusa mina qafamaseeqa sia kuqiqau findifiqau. Qini faiqí nimaaku miqi kai masee qini darusee aunirira saqarisaa uqeera quqeefaranoo. Qinee miqoo airiqa marianaqa aiqamausa qini qiqafamasee irirana qinisaa rusirausa Anutufa narí naaru marirana nimiannoo.

Yoohanee 4:26

Miqi qufanoo Yisufa qinau. Qinee misa maridaqa. Qinee ani faqa ufa qimarunausa misa maridaqa.

Yoohanee 5:19

Yisufa kafaa qimanniminau. Qinee kuqaa anoona ufa inni qimannimidaqa. Qinee sia moo ainaina qeeqaraa auqaidaqa qeeqa qikoona qafamasee mifa indeekai idaqa. Akoofa moo ainaina auqaifanoo amaaku miqikaimmidanoo.

Yoohanee 5:30

Yisufa kaqi qimannimidanoo qinau. Sia qeeqaraa moo ainainianaura. Anutufa dadaaqinaqa faiqí anaasee ufa irisee andeeqannisaanaura. Sia qeeqa iriranamau afeekaikamandee fidaqa. Qini qikoofa qini diqiqamaqaimau kai fidaqa.

Yoohanee 6:38

Qinee qeeqa qikoona iriranamau innaarunaindari sia qinee qeeqa qumiqa, qipaqeena ufara mina ainainirara qumiqa minara qinee sia moona aqiqaananoo fuannoo.

Yoohanee 8:24

Qinee minara qunnana innee inneeqa mandainainaki kuqifaranoo. Innee sia qinee marunnanara anoonee qimariafanoo minara kuqaa innee inneeqa mandainainaki kuridifaranoo.

Yoohanee 8:27

Yisufa narí akoona aufakiana qimannimimarufaqa siamma irimariqau. Minara Yisufa kaifaa maaqi qimasee qimanniminau.

Yoohanee 8:58

Yisufa minara maaqi qimasee qimanniminoo qinau. Abarahaamafa sia kambiqoo aukuanna qinee maa marunausa mikamuqoo mariqiafana.