Yoohanee 8:12 - Anutuna Ufa

¹² Moo kari Yisufa Yeerusaree amaana maqaki faiqí anaasee maaqi qimasee qimanniminau. Qinee maqasaaqaraasa qooma maridaqa. Yafasiqa aanaaseesa qini faqa finausa misa kaqi marira qooma mareefaranoo sia uqanna asukunaki fifaranoo.

Yoohanee 8:12 Iomraidhean Croise

Idi Ufa 18:28

Oo Yaawee anee kaaqa qarana qimiananoo asukuna rakeemma qisaidanoo.

Idi Ufa 49:19

Ainaina faqaafa kuqinoo mifa faqa narí akeeku akaaku kuqiqa oonu mariaqoo fuannoo. Mifa miqoo oonu maridanoo sia kaifaa kaaqa qarana qafaannoo.

Idi Ufa 97:11

Kaaqa qarafa andeeqarausasaa kaaqa qaidanoo. Andeeqara marirana faqaasaki asasirafa maridanoo.

Mataioo 5:14

Innee qini ufa irimariasa maa maqa maaqanasaa qoomara foora mariafanoo. Maqusa moo fannoo aaqanasaa maridanoo faiqí anaasee aiqamausa arumundari qafaaqa sia kukeeqanoo maridanoo, akooqoo maridanoo. Innee qoomara foora miqikai iqa, kaaqa qaidaqa akooqoo mariafanoo, qaidaqa arumuki faqa kaaqa qeemariafanoo.

Ruka 2:32

Mifa ani maqannaa Isaraee maqannaasa ani areenarana nimianinafa maridanoo, qoomara foora qeenoo aanaamuru ani aana uqannifiqaaninafa marifaqa qeeqa qifunnai qafeeqa.

Yoohanee 12:35

Miqi qimasoofanoo Yisufa mina iriseenoo qinau. Kaaqa qarafa inniki qusasaa mariannoo. Kaaqa qarafa mariqoo mi kaaqa qaranasaa kai mariaqa. Miqimmasee marifanoo asukuna fannoo sia rafaaqafuannoo. Asukunaki nimarifa sia aana qafaidanoo kaqimbidanoo.

Yoohanee 12:36

Kaaqa qarafa mariqoo innee minara riqa anoonee qimasee mi mau fuaqa miqiqa innee kaaqa qaranafaqaasa mariaqa. Miqi qinoo qimannimiseenoo naríara moosaa finau. Miqoo oonu kukeeqanau.

Yoohanee 12:46

Qinee kaaqa qarausa maa maqa maaqanaki animaridaqa. Qiniki mariasa sia asukunaki mariaqeera animaridaqa.

Yoohanee 14:6

Yisufa iriseenoo maaqi qimaseenoo qimaminoo qinau, qinee mi aanausa maridaqa. Qinee kuqaa anoona ufa maridaqa. Naaru naaru marirafa qiniki maridanoo qinee misa maridaqa. Sia moo fannoo kaqi qini qikoofinnai fidanoo qinimau kai fifaranoo.

Yoohanee 3:19

Anutuna narira oosana maaqimminoo maridanoo. Anutuna kaaqa qara qoomara foora Yisufa maa maqanasaa doo ani maridanoo. Faiqí nári oosana mandainaina maree marifanoo minara irinoo kaaqa qara qoomara Yisunara akooqaifanoo asukunara ridanoo.

Yoohanee 7:17

Qini ufa Anutunaindi fee qinee qeeqa fee qidee. Faiqí moo fannoo Anutuna iriranamau firarimarifa qini ufara Anutufa fee qiannoo.

Yoohanee 9:5

Qinee maa maqa maaqanaki maridaqa misa qooma maridaqa, kaaqa qamannimaqaanaura.

2 Peetooroo 2:17

Unna qira amaanufa uqannifiqee mariasa aadaturu nammari miqirausa maridaqa asuru miqirana ufai fannoo kaqinni sufafaa quqaidanoo. Anutufa firaa asukuna misa afeedama nimaqaidanoo.

2 Peetooroo 2:4

Ooqai innaarunaindaraa qangiroouqa akaqausa mandoosana marasoofanoo Anutufa sia nifauanau mareeqee idaki aquseenoo sainandannai rumbaqoosa ufa aukuanara afeesida kaqi maridaqa.

Yudeesa 1:13

Mi fasiqausa mandainaina fannoo nammari qaqaarara foora nári mandainaina akooqoo mandinoo marifaqa sia nisauridaqa eekara arinoo akooqoo maridanoo. Misa mee sandee mari fasauna aanna raidaqa, sandamammaree asukunaki munu qimbaidaqa. Anutufa mi fasiqausa maqa maaqa miqi kai masee firaa asukunaki meemai afeedama nimaqaifanoo maridanoo.

Yudeesa 1:6

Innee Anutuna qangiroouqara faqa sia fee iridee. Ooqai misa firaa uriqaranaki marufaqa mina minnisee nári qimaqoomau akaqausa fufanoo Anutufa sia nifauanau kaqi qumaraseenoo sainandannai ruumbeeqeenoo naaru rumbaranaki maqa ameemaanai asukunaki quqaqaifaqa maridaqa muanni Anutuna ufa irira faasaanara afeesida maridaqa. Mi faasaannasaa narira ufa qimannimiannoo minara afeesidaqa.

Uqafiqoo Ufafa 21:24

Aiqama maa maqa maaqanasaaqaraasa mi maqusana kaaqa qaranasaa nifaranoo. Misa karaambaiqauqa nári amiqira ainainauqa mi maqusanaki munu quqeefaranoo.