Yoohanee 7:8 - Anutuna Ufa

⁸ Yisufa narí akaqaafasaa kaqi qimanniminau. Innee kai Yeerusareenni ooru fuaqa. Qinee sia mi qoomaqanara inni naanna ree akooqoo ooru fuanauara qini anoona aukuana sia qusa raidanoo.

Yoohanee 7:8 Iomraidhean Croise

Mataioo 26:18

Yisufa iriseenoo qimanniminau. Innee Yeerusaree maqusai oorureeqa muqutinai moo fasiqa oonu paqurimasee maaqi qimasee qimamiaqa. Ufasaa rakisira fasiqa ani maaqaki ainnaaqarara qoomaqa suqasee naannoo. Narí aukuana adeediraifanoo ani maaqaki narí faiqinamu faqa narana naanee qinoo. Miqi qimasee qimamifanoo narí maaqa inni nimiani.

Yoohanee 2:4

Yisufa mi ufana iriseenoo narí afeeka kooroomma nimaqaaninnanara iriseenoo qimaminoo qinau. Oo qinnaqeefoo nanaree anee qini iraidanee. Kasooqaqee qinee firaa ainaina oosana oosana faiqí sia auqee mariana auquanaura anee maqee kasaaqai qimariananoo.

Yoohanee 7:30

Yuda maqannaa uriqararausa mi ufana irisee qumarararee qimasoosa minnisaqau. Yisuna kuqira aukuana sia adeedi roofanoo Anutufa qumee misa ititannisoonara minnisaqau.

Yoohanee 7:6

Yisufa iriseenoo qimanniminoo qinau. Qini anoona aukuana sia adeedi ranoo maridanoo. Innee faiqí faiqi aiqama faasaanara maasa aukuanee qimariasa mariafanoo. Maa maqa maaqanasaaqaraasa sia inniara fidiaqaaidanoo. Qiniara kai fidiaqaaidanoo. Qinee maqee maqee misa manda ainainara kooroomannimaqaunaqa minara kai qiniara fidiaqaamaqimaqee mariafanoo.

Yoohanee 7:9

Yisufa miqi qimaseenoo miqoo Kariree maqa maaqaki kaqi marinau.

Yoohanee 8:20

Yisufa maa ufausa Yeerusaree firaa amaana maqaki qimannimimarinau. Mi amaana maqanaki oosirafa moo marinau. Amaana maqaki quqee maru munnimma difaanifa minaki marufanoo mi oosiranaki Yisufa maridanoo mi ufausa qimanniminau. Misa Yisuna qumaraanee qimasee sia qumaraqau. Sia mina kuqira aukuana adeedi ranoo marunara Anutufa qumee rafaaqafusoofaqa sia qumaraqau.

Yoohanee 8:30

Faiqí anaasee moomoosa mi ufana iriseeqa Oo kuqaa mifa Anutuna asauku mundira fee qimasee minasaa mundiqau.