Yoohanee 7:42 - Anutuna Ufa

⁴² Tamummaqara fasiqa akara minara Anutuna asauku mundirafa Dafidina ati mariannoo. Dafidina ooqeenaa maqusaki Beetareeqeemma miqoo kambiqaannoo fee qiqau.

Yoohanee 7:42 Iomraidhean Croise

Idi Ufa 132:11

Anee oori kandamasee Dafidinara qima afeekaikinau. Sia kaifaa mi qima afeekaikirana rukaanauranoo fee qimasee qima afeekaikamasee maaqi qinau. Qinee ani faiqi namukinaana moo karaambaiqaika masaananoo anee kuqu finanoo mifa Isaraee maqannaasasaa rakisiannoo.

Idi Ufa 89:4

Mifa maaqi qinau. Qinee anisaaqari rakisira saika oosana arasaanaqa naaru naaru ani aiku asauku kambiqainausa miqikai iqa fifaranoo. Naaru naaru ani aiku asauku kai rakisirausaikamma nimaqaanaura.

Mataioo 1:1

Maa akarafa Anutuna asauku mundirana Abarahaamana ati Yisunara qidanoo. Karaambaiqa Dafidina ati maridanoo. Mina akeeku akaaku mina oosana maaqimminoo maridanoo.

Mataioo 2:5

Yuda maqa maaqa Beetareeqeemma maqusaki kambiqaannoo. Anutuna tamummaqara fasiqa ooqai maaqi qimasee qimaqoofa Beetareeqeema maqusara akara rumaqoofa maridanoo.

Mataioo 2:6

Inni Yuda maqannaaki kaqikaa maqusa auqu Beetareeqeemma maridanoo kasooqaqee auqu firaa maqusa uriqarara maqusa mariannoo. Mi kaqikaa maqusanakiqari karaambaiqa firaafa kambiqafinoo mariannoo. Mifa qini Anutuna faiqí anaasee Isaraee maqannaasa rakisinnimaqaannoo. Mi ufana Anutuna tamummaqara fasiqa qimaseenoo akara rinau.

Ruka 2:11

Maqee eendaki, inni innaarunai mareefandinnana asumu maraaninafa Anutuna asauku mundirafa karaambaiqa fannoo Dafidina maqusaki kambiqeenoo.

Ruka 2:4

Yooseefaafa ooqeenaa Isaraee maqannaa karaambaiqa Dafidina ati marufa Kariree maqa maaqakiqari kaqikaa maqusa Nasareetee marufa miqooqari Yudeeaa maqa maaqaki kaqikaa maqusa Beetareeqeemma maqusai Dafidifa mariu maqusanaki auqu maraanifeera ooqu finau.

Yoohanee 7:27

Anutuna asauku mundirana oosana maasa siamma irianaura. Kaqi tautumannimaqaannoo. Maasa maa fasiqana oosana iridaqa, Nasareeteendaraafa maridanoo.