Yoohanee 7:39 - Anutuna Ufa

³⁹ Yisufa nammariara quna Anutuna maraqunara nammari kikiqa usinau. Kasooqaqee Yisunara kuqaa Anutuna faiqi fee qifandinausa misa mi maraqunna mareefaranoo. Mi aukuanna Yisufa kaqi maru aukuanna sia maraquna nimirafa marinau. Yisufa kuqiranakiqari findifinanoo afaaqa areenainanoo miqoo narí afeeka maraquna nimiannoo fee qinau.

Yoohanee 7:39 Iomraidhean Croise

Idi Ufa 68:18

Anutufa Sioona aaqanasaa ooru fidanoo rumbarausa aana muqunufaqa ooru fiqau. Mifa miqoo ooru marufaqa faiqí anaasee akaqa ainaina Yaaweena mini amiqau. Yaaweena ufa ooqai rukieeusa misa faqa akaqa ainaina amiqau. Mifa miqoo mariannoo.

Aaquqira Ufa 1:23

Innee qini aaquqira ufa amiqimmasee iriaqa. Qinee qeeqa amiqira naakapara ufa faqa qeeqa irirana faqa inni nimianaura.

Mataioo 16:14

Misa iriseeqa qimamiqau. Moo fannoo aniara Yoohaneefa nammari nimimarufa kuqiranakiqari findifinoo marifa maridanoommifoo qidaqa. Moo fannoo tamummaqara fasiqa Eeriaa fee qidaqa. Moo fannoo tamummaqara fasiqa Yeerimaiaa fee qidaqa. Moo fannoo Anutuna tamummaqara fasiqauqakiqari moo fannoo fee qidaqa.

Ruka 24:49

Qini qikoofa Anutufa narí maraquna afeeka nimimari maraquna inni nimiraree qimasoona qeeqa kai oorureeqa niqiqaanaqa qumuree inni afeekaikamma nimaqaannoo. Innee sia Yeerusaree maqusa minnisaaqa maaqoo kai marifanoo naakufinaqa fifainiaqa.

Ruka 3:16

Yoohaneefa minara iriseenoo qimanniminoo qinau, qinee fifau nammarinnai inni rumannimaqaidaqa, moo fannoo firaaqoo qini uriqararafa aniannoo, naqimasee fee qinee mina dadaaqianauree. Qinee fifau ainainara foora marianaura, mifa kaaqa uridaqaaqaramasee uriqararafa mariannoo. Mifa Anutuna maraqunannai faqa idannai faqa rumannimaqaannoo.

Yoohanee 1:21

Misa minara iriseeqa kafaa iraqau. Anee Eeriaafee maridanee. Maasa qimaqimia. Miqi qufanoo Yoohaneefa qinau sia qinee misau. Miqi qufaqa misa iraqau. Anee mi tamummaqara fasiqanara akara rumaqoo fee maridanee. Miqi qufanoo Yoohaneefa sia fee qinau.

Yoohanee 1:25

Oo Yoohanee, anee sia asauku mundirafa maridana. Anee sia Eeriafa maridana sia anee mi tamummaqara fasiqafa maridana. Anee sia misa maridana naqi fee idanee nammariki keeqannimaqaidanee.

Yoohanee 1:33

Qinee qeeqa kai asauku mundiranara sia amana mifee qianaura. Maa saikanara diqiqoofa Anutufa maaqi qimasee qimaqiminau. Anee faiqí moo qafainanoo qini maraquna fannoo akooqoo minasaa mundufinnanara minara faiqí anaasee qini naaquqara maraqunannai rumannimaqaanina fee qinnaranoo.

Yoohanee 12:16

Yisuna faiqi namu faiqí anaasee qambaana Yisuna faqa ooru fiqau. Misa tamummaqara fasiqa akara iridaqa anoonara sia iridaqa fiqau. Kasooqaqee Yisufa kuqiranakiqari findifufaqa misa oonumafi iriseeqa qiqau. Maasa ooqai akara rumaqoomau Yisuna faqa Yeerusareenni ooru fiqiafana.

Yoohanee 12:23

Yisufa misara iriseenoo qimanniminoo qinau. Anutufa faiqí nimaaku qini duqu firaaqoo uqeerara aukuana doo animaridanoo. Sia maa maqee imariasa imariandeefau maseenoofau qini duqu uqeeraannoofau. Qini firaa aupurara kuqiranannai qini duqu uqeerainanoo areenaannoo.

Yoohanee 14:13

Innee innaaru qidaqa qini duqusaa qimasee innaaru qifaqa nimianaura. Sia moo ainaina sia nimianaura innaaru qifaqa nimianaura. Qini qikoona afaaqa areenarafa qinisaaqari faqa areenaanifeera nimianauura.

Yoohanee 14:26

Inni fuka dadaaqirafa naaquqara maraquna qini qikoofa kasooqaqee nimianinnafa mifa aiqama ainainara qimannimiannoo. Qinee faqa aiqama ufa qimannimiafannana mifa minara inni naaqoo auqainaqa oonumafi irifaranoo.

Yoohanee 16:14

Mifa qini irira ufa mareeqee inni niminaqa minannai qini Yisuna asasirana qimimarifaranoo.

Yoohanee 16:7

Qinee anoona ufa qimannimidaqa qinee ooru fuanaqa innee amiqiranaki mariaqeera ooru fuanaura. Qinee sia ooru fuananoo fuka dadaaqirafa sia qumuree inni dadaaqiannoo. Qinee ooruree fuka dadaaqirana aqiqaananoo qumu inni faqa maridanoo dadaaqiannoo.

Yoohanee 17:1

Yisufa mi ufausa narí faiqi namu qimanniminau. Qimannimiseenoo oori innaarunai uqeeraseenoo narí akoona Anutuna innaaruqinoo qinau. Oo qipoo doo qini kuqira aukuana adeedi ranoo maridanoo. Anee aneenna amaaku qini qifaaqa areenarana qimia. Qinee kafaa quandaki kaifaa aninna amianeera qimia.

Yoohanee 17:5

Oo qipoo qini mareeqeenana aneenna marianaqoo mara quqaqisee qifaaqa areenarana qimia. Ooqai oosana aroo aukuanna maa maqa maaqafa sia marunaki qifaaqa areenarana qimunnana mina kai kafaa qimia.

Yoohanee 20:22

Miqi qimaseenoo Yisufa aidoo maasa fuaqaqimaqaseenoo qinau doo innee naaquqara Anutuna maraquna maraaqa.

Yoohanee 6:14

Mi fasiqa anaaseesa mina qafoofanoo sia faiqí undeeufanoo naaquqanau. Naaquqamasoofaqa qiqau ooqai tamummaqara fasiqauqa moo tamummaqara fasiqa kambiqaaninnanara akara rumaqoofa doo maana narimma animaridanoo.

Yoohanee 7:12

Qimasoofaqa faiqí anaasee Yisuna aufakiana qumee narí qimami narí qimami qimariqau. Akaqausa Yisunara amiqira fasiqee qimariqau. Akaqausa faiqí anaasee nikaru qimari fee qimariqau.

Yoohanee 8:54

Miqi qimasoofanoo Yisufa qimanniminau. Qinee qeeqa duqu fifau uqeerasaana sia anoonaikiannoo, fifau mariannoo. Qini qikoofa Anutufa qini duqu uqeeraidanoo dadaaqidanoo, innee unna qimasee minara maasa Anutunee qimariafanoo.

Roomma 8:9

Innee Roomma maqusai mariasa qini qikaqaafasaauqa innee sia miqimariasa Anutuna maraquna fannoo innikina marifaqa innee sia faiqí iriranamau fimariasa mariafanoo innee maraquna ufamau fimariasa mariafanoo. Asauku mundirana maraquna siaifa sia minaindi maridanoo.

Eefeesusa 4:30

Manda ufa qinanoo Anutuna naaquqara maraquna fannoo iriseenoo akooqaanoo. Anutuna maraquna fannoo inni faqa marifa Anutuna akarara foora naríndi fee qidanoo inniki akara rinoo maridanoo. Mi maraquna akarafa maaqi qimasee inniara qima afeekaikidanoo kasooqaqee Anutufa qinanoo Yisufa qumuree inniara qinindi fee qimasee maraannoo.