Yoohanee 7:30 - Anutuna Ufa

³⁰ Yuda maqannaa uriqararausa mi ufana irisee qumarararee qimasoosa minnisaqau. Yisuna kuqira aukuana sia adeedi roofanoo Anutufa qumee misa ititannisoonara minnisaqau.

Yoohanee 7:30 Iomraidhean Croise

Idi Ufa 76:10

Faiqí faiqi aanoo qirafa quandaki ani Yaaweena amooqirana moo faqa moo faqa amidanoo. Akaqausa mi rakiranaki sia kuqinausa ani ufa suqiranaki ani amooqifaranoo.

Mataioo 12:14

Farisai amaana ufa qimarusa qafamaseeqa misa aanoomandee raudamafufaqa suqufi narí qimami narí qimami qiqau. Naqimmandee maasa Yisuna aruanauree qimariqau.

Mareekoo 11:18

Amaana maqakina aanaiqikirausa uriqararausa faqa Mooseena sandufa iriqaraasi marusa faqa Yisufa miqi qunara aanoomasee iriseeqa Yisuna kuqarira aanara randee mariqau. Faiqí anaasee muduka uqanna moomoosa Yisuna ufa irufanoo naaquqoonara aanaiqikirausa Yisunara rufiee marunara ariranara randaqau.

Ruka 20:19

Mooseena sandufa irimarusa faqa amaana maqasaa aanaiqikirausa faqa Yisufa maasara mi ufana qidanoo fee qimasee miqoo kai qumaree rumbararee qimasee faiqí aanaaseera rufiasee kaqi kasoomafiqa mina qumararanara rakisi mariqau.

Yoohanee 10:31

Yuda maqannaasa mi ufana iriseeqa aanoomasee oonisamu qumaree Yisuna arirarufanoo qinau.

Yoohanee 10:39

Yisufa miqi qimasoofaqa misa qumaraaneerufanoo kaqimbinau.

Yoohanee 11:57

Amaana maqasaa rakisimarusa faqa Farisai amaana ufa qimarusa faqa Yisunara faiqí anaasee qimannimiqau. Innee ninnabaqa Yisuna paqurimasee dadi oonurandee mini qimaqimifaqa maasa mina qumaraanaura.

Yoohanee 7:19

Mooseefa sandufa akara rumaqoona inni nimufaqa innee mina qumaree mi mau fimarunausee qimasaidaqa fifau qidaqa inniki moo fannoo sia mi mau fimariafanoo. Innee moo mau fidaqa qini kuqa darirara qimariafanoo.

Yoohanee 7:32

Faiqí anaasee miqi qimasee narí qimami narí qimami qimarufaqa Farisai amaana ufa qimarusa iriseeqa tautumasee amaana maqasaa rakisimarusunnai oonuree qimannimiqa qiqau. Qimannimisoofaqa misa amaana maqasaa rakisimaru poorisausa qimannimiqau. Innee ooru Yisuna rumbasee maree aniaqa.

Yoohanee 7:6

Yisufa iriseenoo qimanniminoo qinau. Qini anoona aukuana sia adeedi ranoo maridanoo. Innee faiqí faiqi aiqama faasaanara maasa aukuanee qimariasa mariafanoo. Maa maqa maaqanasaaqaraasa sia inniara fidiaqaaidanoo. Qiniara kai fidiaqaaidanoo. Qinee maqee maqee misa manda ainainara kooroomannimaqaunaqa minara kai qiniara fidiaqaamaqimaqee mariafanoo.

Yoohanee 7:8

Yisufa narí akaqaafasaa kaqi qimanniminau. Innee kai Yeerusareenni ooru fuaqa. Qinee sia mi qoomaqanara inni naanna ree akooqoo ooru fuanauara qini anoona aukuana sia qusa raidanoo.

Yoohanee 8:20

Yisufa maa ufausa Yeerusaree firaa amaana maqaki qimannimimarinau. Mi amaana maqanaki oosirafa moo marinau. Amaana maqaki quqee maru munnimma difaanifa minaki marufanoo mi oosiranaki Yisufa maridanoo mi ufausa qimanniminau. Misa Yisuna qumaraanee qimasee sia qumaraqau. Sia mina kuqira aukuana adeedi ranoo marunara Anutufa qumee rafaaqafusoofaqa sia qumaraqau.

Yoohanee 8:37

Innee Abarahaamana ati mariafaqa qinee minara iridaqa sia innee mina aanna reemariafaqa, qini ufa sia marararee qidaqa qini dariraree qimariafanoo. Abarahaamafa sia miqi marufa minara innee sia Abarahaamana faiqi namu uqanna mariafanoo.

Yoohanee 8:59

Yuda maqannaasa mina iriseeqa oo maa fasiqafa nariara Yaawee fee qidaqinoo qimasee aanoomasee oonisamu qumaree aruaneerufanoo mifa kukeeqakinoo amaana maqakiqari raudamaki moosaa finau.

Yoohanee 9:4

Qini diqiqoofa qini qimiqoo ainainirana sia amana asukunaki auqaanaura maasa faasaana auqaanaura. Doo kaqikaaqoo eendinaqa sia miqoo faiqí moo fannoo auqaannoo.