Yoohanee 7:3 - Anutuna Ufa

³ Maa Kariree maqa maaqa minniseenana Yudeeaa maqa maaqaki fua. Oonurainaqa miqoo ani ufa irimariasa firaa ainaina auqee mariannana misa faqa uqannifiqaa.

Yoohanee 7:3 Iomraidhean Croise

Oosana 37:20

Anifaqa mina aruseeqa mina iri mareeqee maa soorausaki mooki aqua. Miqimmaseeqa maasa minara kaasau aandau ariifoo qianaura. Maasa miqimmasaananoo mina qaina fannoo naqaa fee iannoo.

Mataioo 12:46

Yisufa miqikaimmasee faiqí anaasee ufa qimannimi marufaqa Yisuna narí anoofa faqa mina akaqaafasaauqa faqa aniree naambeeqai kikiqamafufaqa qimamianee qufanoo faiqí moo fannoo mina irisee maaqaki oonu Yisuna qimaminau.

Mareekoo 3:21

Faiqí anaasee Yisunara doo furufara mandeeaafoo qufaqa mina atiuqa niranaqoofaqa Yisuna oonu rarisee anirara deedaqiqau.

Mareekoo 3:31

Yisufa miqida maaqaki ufa qimannimimarufanoo mina akaqaafasaa mina anoona saimbaqa naambeeqai ani kikiqiqa maridaqa Yisuna qimamianeerufanoo sia amanaikufaqa faiqí moo aqiqee oonu Yisuna qimaminanoo aniani fee qiqau.

Ruka 8:19

Yisufa miqoo faiqí anaasee qimannimimarufaqa mina anoofa faqa mina ainaina faqa aniree Yisuna faqa ufa qiraree qimasee qafoofanoo faiqí anaasee moomoo maaqaki umbiqafufaqa sia amana keeqaqau.

Ruka 8:20

Faiqí moo fannoo mina qafamasee Yisuna qimaminau, ani anoofa faqa ani akaqaafasaauqa faqa misa ani faqa ufa qiraree qimasee madaanai kikiqiqa maridammia.

Yoohanee 6:60

Yisuna faiqi namu akaqausa mi ufana iriseeqa qiqau. Oo yafee maa ufana amana iriannoo fee. Irisee sia auqaaqaa ira ufa maridanoo.

Yoohanee 6:66

Miqi qimasoofaqa Yisuna faiqi namu moomoo Yisuna minnisee sia kafaa mina faqa firara qiqau.

Yoohanee 7:10

Mina akaqaafasaa Yeerusaree qoomaqai ooru fufanoo Yisufa inaaqianna qumee moo aatata ooru finau.

Yoohanee 7:4

Faiqí moo fannoo narí auqu uqeeraannee qimasee sia moo ainaina auqee mariana kukeeqaidanoo aiqama ainaina kooroomasainaqa aiqamausa mina qafaaqa, anee faqa miqiaqaana. [

Yoohanee 7:5

Yisuna akaqaafasaa sia Yisunara irimariqau. Fifau maqasaa fasiqa fee qimariqau.]