Yoohanee 7:28 - Anutuna Ufa

²⁸ Yisufa firaa amaana maqaki faiqí anaasee qimannimidanoo mi ufana iriseenoo maaqi qimasee firaaqoo qimanniminau. Kuqaa fee innee qiniara iridee. Qinee yaindaraasee marunaqee innee kuqaa qiniara irida fee. Sia qinee qeeqa kai animaridaqa qini diqiqaifa mifa kuqaa anoona maridanoo. Innee kuqaa minara sia irimariafanoo.

Yoohanee 7:28 Iomraidhean Croise

Idi Ufa 9:10

Oo Yaawee ani oosanara irimariasa ani saqarikifaranoo. Anee sia anee iannannai ani mariasa moona minnisaanafa mariananoo.

Mataioo 11:27

Aiqama ainaina qini qikoofa qiminau. Yafa yafee amaakuara iridanoo fee sia moo fannoo. Akoofa kai minara iridanoo. Yafa yafee akoonara iridanoo fee, sia moo fannoo amaaku kai minara iridanoo amaaku fannoo narí kai irisee uqannifiqarausa misa minannai qini qikoonara iridaqa.

Mataioo 2:23

Miqoo kaqikaa maqusai Nasareeteenni naaruara marinau. Miqi qunara Anutuna ooqai maru tamummaqara fasiqauqa misa ufa kambiqanau. Yisufa sia kambiqoo kamuqoo ooqai maaqi qimasee minara akara riqau. Misa minara Nasareetee fasiqa fee qifaranoo fee qiqau.

Mataioo 26:55

Yisufa miqi qimasee narí faiqiara qaoo qimaseenoo quandafinoo narí qumaree marusa qimanniminoo qinau. Qinee maqee maqee inni amaana maqaki qimannimi mariafannaqoo innee mikari miqoo qini qumaraaqaana. Maqee eendaki innee qumee kai duru saamu namufaqa qini qumaree mariafanoo. Qinee qumuari maruna fasiqausara maqi marunaqa innee asukunaki qini qumaree mariafanoo.

Ruka 10:22

Yisufa kaqi innaaru qidanoo narí akoona qimaminau, qini qikoofa aiqama ainaina qini kai qimiqaifa maridanoo, faiqí moo fannoo sia ani amaakura amiqimasee iridanoo anee qini qikoofa kai amiqimasee qiniara irimariananoo kafaa faiqí moo fannoo sia qini qikoonara iridanoo amaaku fannoo kai aniara iridanoo qinee qeeqakai irisee quqannifiqee marunausa faqa aniara irifaranoo. Miqi qidanoo innaaru qimasee quandafi narí faiqi namu umeenni qimanniminau. Inni aiqama amiqira ainaina faiqí sia amanaikimari ainainauqa uqannifiqaunaqa qafamasaafanoo inni asasirafa firaafa maridanoo.

Ruka 2:11

Maqee eendaki, inni innaarunai mareefandinnana asumu maraaninafa Anutuna asauku mundirafa karaambaiqa fannoo Dafidina maqusaki kambiqeenoo.

Ruka 2:39

Yooseefaasa Mariasa Yeerusaree amaana maqaki aiqama Karaambaiqa sandufa taikasee Kariree maqa maaqai nári maqusa Nasareetee maqusai anirandee fiqau.

Ruka 2:4

Yooseefaafa ooqeenaa Isaraee maqannaa karaambaiqa Dafidina ati marufa Kariree maqa maaqakiqari kaqikaa maqusa Nasareetee marufa miqooqari Yudeeaa maqa maaqaki kaqikaa maqusa Beetareeqeemma maqusai Dafidifa mariu maqusanaki auqu maraanifeera ooqu finau.

Ruka 2:51

Miqooqari Yisufa narí anaukoo faqa Nasareetee maqusai ooqu maridanoo narí anoona akoona ufa ameemaanai marufanoo mina anoofa Mariafa mi ufausa aundurai kai iridanoo marinau.

Yoohanee 1:46

Natanaeerafa qinau, Akasaa naqimasee amiqira ainaina Nasareetee maqusaindari kambiqararee, sia kambiqaannoo. Miqi qufanoo Firipifa qinau aniree doo oonu qafa.

Yoohanee 10:36

Anutufa qini maraseenoo maa maqa maaqanaki diqiqamaqoonaki maridaqa. Qinee qeeqaraa Anutuna amaaku fee qunnanara naqimasee fee minannai Anutuna mandaikamma amaqaanauree sia amanaikiannoo.

Yoohanee 12:49

Qinee sia qeeqa iriranannai ufa qimannimidaqa qini diqiqamaqoona qini qikoona uqaqifiqoo ainaina kai qimannimidaqa uqannifiqaidaqa.

Yoohanee 14:10

Firipi anee sia fee qini ufara anoonee qidanee. Qinee qipaqeenaki faqa maridaqa mifa qiniki faqa maridanoo sia fee anee mi ufana iridanee. Yisufa kafaa narí faiqi namu aiqama qimanniminoo qinau. Qinee inni ufa qimannimimarunafa sia qeeqa daundurakinaana qimannimidaqa. Qini qikoofa qiniki marifa narí irirana iriseenoo qifaqa narí qimau kai fidaqa qimannimidaqa.

Yoohanee 14:31

Maa maqanasaaqaraasa qinee qeeqa qikoonara rimarunnana minara iriaqeera mina ufamau andeeqasee fidaqa qinee qeeqa kai irisee Sadanna asauku ameemaanai oonuree kuquanaura. Miqi qimaseenoo Yisufa narí faiqi namuara doo uqeeraifaqa maaqooqari moosaa fuanee qimasee uqeereenoo moosaa finau.

Yoohanee 16:3

Misa qini qikoona Anutunara faqa qiniara faqa sia iridaqa miqifaranoo.

Yoohanee 17:25

Oo andeeqara qikoofa maa maqanasaaqaraasa ani ufa sia irimariasa sia aniara iridaqa. Qinee kai aniara iridaqa maa qini faiqi namu anee qini diqiqamaqoonnanara misa iridaqa.

Yoohanee 17:3

Naaru naaru marirafa maaqimminoo maridanoo. Maqasaa fasiqa anaasee misa ani moodaa kuqaa Anutunara irisee mi iriranamau firafa kafaa qini Yisusa ani asauku mundirausara anee diqiqoonausara miqikaimasee irisee mi iriranamau firafa, mifa kai naaru naaru marirafa maridanoo.

Yoohanee 3:2

Mi fasiqafa moo eenda asukunaki kukeeqakufanoo Yisufa maruqoo anireenoo qimaminoo qinau. Oo ufasaa rakisirafa anee Anutufinaindari anianafa ufasaa rakisirafa marianaqa maasa minara iridaqa. Sia fifau fasiqa narikai qinanoo faiqí teeroo ainaina aaqee taikaannoo, anee ianandee qiananoo taikaannoo. Anutufinaindari anianafa mariannanara mi afeeka ainaina auqimarianaqa maasa iridaqa. Anee nanufa fee maasa qimaqiminnaree.

Yoohanee 3:33

Mi ainainna qimannimina irisee kuqaa anoonee qimasee marainna fasiqa aanaaseesa Anutunara kuqaa fee qimariasa maridaqa.

Yoohanee 5:32

Anutufa qini dadaaqimarifa maridanoo mifa anoona ufa kai qiniara qimarifa maridanoo, sia qeeqa kai qianaura mifa dadaaqiannoo. Innee Yuda maqannaa rakisirausa ufa anoona iriannee qimasee faiqí niqiqaifaqa Yoohaneefa nammari nimimarifunnai ooquree iriqau.

Yoohanee 5:43

Qini qikoofa Anutufa qini diqiqoofaqa qumu marunaqa sia innee qiniara irisee asasamasee qifiqee animariafanoo. Moo fannoo kasooqaqee narí manda aidiranafaqaafa anirainaqa innee mina asasamasee oonu afiqee anifaranoo.

Yoohanee 6:42

Misa maaqi qiqau maafa Yisufa Yooseefaana amaaku maridanoo. Mina anausa akausara maasa iridaqa. Naqi fee qidanoo fee nariara innaarunaindaraasee qidanoo fee. Akooqooqaraafa maridanoo.

Yoohanee 7:14

Qoomaqa taikarara imarufanoo Yisufa Yeerusaree amaana maqaki keeqafinoo faiqí anaasee ufa qimanniminau.

Yoohanee 8:14

Yisufa mina iriseenoo qinau. Kuqaa qinee qeeqaraa ufa qidaqa. Qinee miqi qidaqa anoona ufa kai qidaqa. Qinee qeeqa kambiqafi aniafannanara iridaqa qeeqa fuannanara iridaqa. Innee sia qinee kambiqaafannanara irimariafanoo.

Yoohanee 8:16

Qinee akaqausara rainannimaqaidaqau andeeqasee rainannisaunaiqini. Sia qeeqaraafau maridaqau ufa nimidaqau. Qeeqa qikoofa qini diqiqamaqoona faqa maridaqa dadaaqi marifaqa ufa qimannimidaqa.

Yoohanee 8:19

Miqi qimasoofaqa Farisai amaana ufa qimarusa maaqi qimasee irammiriqau. Ani akoofa yai fee maridanoo ani dadaaqidanoo fee qufanoo Yisufa qinau. Innee qiniara faqa qini qikoonara faqa sia irimariafanoo. Innee qiniara irifau qini qikoonara faqa irini. Innee sia maaqandara irimariafanoo.

Yoohanee 8:26

Qinee moomoo ainainara inniara qimannimianaura. Qini diqiqamaqoofa mifa anoona ufa kai qimarifa mifinaindaraana kai inni maa maqanasaa mariasa qimannimidaqa.

Yoohanee 8:42

Yisufa misa ufa iriseenoo maaqi qimasee qimanniminau. Anutufa inni nikoofa marinaqau kuqaa innee qiniara rini. Qinee Anutufinaindari maaqoo qumumaridaqa. Qinee sia qeeqafau qumiqau mifa diqiqoofaqa qumiqiafana.

Yoohanee 9:29

Anutufa Mooseenannai maasa qimaqimufaqa maasa iridaqa. Mi fasiqafa Yisunara maasa sia mina oosanara iridaqa.

Roomma 1:28

Faiqí anaasee Anutuna anoona ufara nikooqaifanoo Anutufa misa mareeqeenoo mandainainakina sia fuaqaa ira mandainainakina quqasaifaqa minaki fidaqa. Miqianara maa manda ainaina oosana oosanafa qumbiqaidanoo, manda oosana faqa, kaaqa ainainara rimarina faqa nariara nariara fidiaqaa imariana faqa nariara nariara rairai qirana faqa faiqí kuqannarirana faqa narí afumau narí afumau irafa faqa nári ueeqee narí ueeqee imariana faqa manda oosana oosana faqa nariara nariara munuqi miniqi imariana faqa misa Anutunara fidiaqaa imariana faqa kaukaata qimariana faqa nári nifaaqa nimooqirana faqa nariara kai firaaqoo ufaqí marina faqa maqee maqee mandoosanara randeemariana faqa nári ninaukoo ufa rukiee mariana faqa sia nári andeeqaramau firanara uriqararanee qimariasa, faqa nariqa qimannimira ufa rukiee mariana faqa sia nári nikaqaafasaara amuqusirana faqa mi manda ainainnausaki fimariasa maridaqa.

Roomma 3:4

Qinee Pauroosa minara maaqi qidaqa. Oo sia uqanna Anutufa mi mandoosanna maraannoo anoona ufa kai qimarifa maridanoo. Faiqí anaasee unnufa kai qimariasa kai mariafanoo sia Anutufa miqiannoo andeeqasee anoona kai qiannoo. Ooqeenaa akara Anutunara maaqi qinoo maridanoo. Ani ookinaa ufara aiqamausa anoona ufa fee qifaranoo. Misa ani ufara amanamandee irifanoo anoonaikammiannoo. Dafidina akarakinaa ufa Anutunara miqimminoo maridanoo.

2 Koorinti 1:18

Anutuna afusaa marida innee iannai firara sia qaara irirafa qiniki maridanoo.

2 Koorinti 4:6

Ooqai indaaru Anutufa asukunakiqari kaaqa qaranara qaani fee qufa mi moodaa Anutufa kai narí areenarana maqee maasa qitikuraki qoomara foora qeenoo. Anutuna areenarafa narí asauku mundirana oorisaa areenaidanoo mi areenarana aufakiana innisaimbaqa iriaqee qimasee Anutufa innisaimba maasa qitikuraki qoomara foora qaidanoo.

Titusa 1:2

Mi kuqaa irirafa naaru naaru mariranaki fifandinnanasaa mundinoo mari irirafa maridanoo. Anutufa sia unna qimarifa anoona ufa qimarifa naaru marirana maasa qimiraree qinau. Ooqai maa maqa maaqafa sia maru kamuqoo mi kamuqoo kasooqaqee maasa qimiraree qima afeekaikinau.

Heeburu 6:18

Doo minara iriseeqa qaara ainaina, afeeka ainaina innikina kaqi mariannoo sia taikaannoo. Mi ainaina qanda moo ainaina Anutuna qima afeekaikirafa maridanoo. Moo ainaina Anutuna asauku uqeerarafa maridanoo. Mi ainaina qandara Anutufa sia amana unna qirafa mariannoo. Maasa Anutuna saqarikidaqa mina asumu mariranaki mariasa Anutufa maasa aranaiqi fuki faaki qidanoo maasa daikisaa marianinna innaarunai mariranara asasidaqa afeesidaqa mariaqeera qidanoo.

1 Yoohanee 5:10

Yafa yafee Yisunara Anutuna amaaku fee qinafa narí aundurakinaafa faqa dadaaqinanoo kuqaa anoonee qiannoo. Yafa yafee Yisunara sia Anutuna faiqi fee qinafa mifa Anutunara unna qimari fasiqafee qidanoo Anutufa narí amaakuara qu ufanara unna fee qidanoo miqi qidanoo.