Yoohanee 7:26 - Anutuna Ufa

²⁶ Qafaa mifa faiqí qambaana faiqí nifusaa kikiqamambi ufa qimannimimarifaqa sia misa mina qumaraannee qidaqa. Abee maasa uriqararausa faqa minara kuqaa Anutuna asauku mundirafee fee qidee.

Yoohanee 7:26 Iomraidhean Croise

Aaquqira Ufa 28:1

Manda oosana maree marifa sia moo arirafa marifanoo kaqi fifau sandaidanoo. Andeeqara oosana faqaafa kaasau faini raioonnara foora pasoosidanoo.

Mataioo 22:16

Miqi qimaseeqa misa nári faiqi namu faqa Eeroodeena aqoondi mariasa faqa moodaanaki Yisufinnai oonu reeqa unna qimasee amiqira aqoondiara foora mafufaqa noori quqasee reendeenamaseeqa maaqi qimasee irammiriqau. Oo ufasaa rakisirafa, anee andeeqara ufa qimarianafa, sia unnufa qimarianafa anee sia moonara amiqira fee qimasee amiqira ufa qimamianafa, sia moonara mandaikira fee qimasee mandufa qimamianafa, aiqamaqara anoona ufa kai qimannimimarianafa andeeqarafa mariananoo.

Ruka 23:13

Yisuna kaifaa afiqee anirandeeqa Piratoofinnai oonuroofanoo Piratoofa aanaiqikirausa uriqararausa faqa faiqí firaasa faqa faiqí anaasee moomoosa faqa naarama quqaseenoo qimanniminau, innee maa fasiqana afiqee qinee unannai aniana, faiqí anaasee kaqirunna mara ubeekee marifaqee qimasee afiqee anianara qimannimidaqa, qinee inni nifusaa oosana oosana ainainara irammirunanoo manda oosana oosanara qiana sia paquriqa.

Ruka 7:30

Farisai amaana ufa qimariasa faqa Mooseena sandufasaa rakisirausa faqa misara Anutufa andeeqara aana naamua qufaqa misa rukiasee sia Yoohaneena nammari maroosa maridaqa Yisuna ufa faqa sia iriqau.

Yoohanee 12:42

Kuqaa moomoosa Anutuna tamummaqarausa ufamau fidaqa Yisunara sia iriqau. Miqidaqa Yuda maqannaa uriqararausa akaqausa moomoosa Anutuna tamumaqarausa ufamau fidaqa Yisunara sia iriqau. Miqidaqa Yuda maqannaa uriqararausa akaqausa kukeeqasee Yisunara iri mariqau. Farisai amaana ufa qimarusa amaana maqakiqari maasa diqiqamasaifaqa sia kaifaa keeqaanauroo qimasaida qumeeree mariqau.

Yoohanee 18:20

Yisufa mina ufa iriseenoo maaqi qimasee Annasana qimaminau. Qinee faiqí anaasee moomoo suqimaruqoo kai ufa qimannimimariqia. Suqira maaqaki fee naaquqara amaana maqaki fee faiqí anaasee moodaaqoo suqiraqoo fee miqoo kai qinee naamuaqira ufa aiqama ufa qimannimimariqia. Sia qinee moo ufa kukeeqaranaki qimannimiqiafana. (Innee aaqamasee qini kukeeqaranaki irama qimaqee mariafanoo.)

Yoohanee 3:1

Farisai amaana ufa qimarusaki faiqí moo auqu Nikoodeemusafa Yuda maqannaasa uriqararafa moo fannoo marinau.

Yoohanee 4:29

Innee qumuraifaqa muqusaanaqa qafaaqa. Ooqai aiqama ainaina qinee maree mariafanna ainainara kooroo ifaqa irunna fasiqafa Anutuna asauku mundira fee maridanoo fee. Doo mai qumuree qafaaqa.

Yoohanee 7:25

Yeerusaree maqusanaasa Yisuna qafamasee mina ufa iriqa maaqi qiqau. Maana misa kuqariraree qidaqa.

Yoohanee 7:31

Faiqí anaasee moomoosa Yisuna kuqaa Anutuna asauku mundira fee qiqau. Misa maaqi qimasee narí qimami narí qimami qidaqa qiqau. Asauku mundirafa anireenoo naqi fee mandeenoo maa fasiqana uraaqarainanoo fee moomoo faiqí dadaaqimari firaa ainainna uqannifiqaannoo fee. Sia amana. Doo maana mifa uqanna maridanoo.

Yoohanee 9:22

Yuda maqannaa uriqararausa Yisunara faasa maaqi qimariqau. Faiqí moo fannoo Yisunara Anutuna asauku mundira fee qinnana maasa amaana maqakiqari aqiqaananoo raudamaki aqoosai finoo sia kaifaa keeqaannoo.

Firipi 1:14

Qini qikaqaafasaauqa, maqusa maqusa Yisuna ufa irimariasa qinee karabusaki marunnanara iriseeqa misa paasoosirafa firaaqoo innooqamaree fidaqa faiqí anaasee Yisunara qimannimidaqa sia rufiaidaqa.