Yoohanee 7:14 - Anutuna Ufa

¹⁴ Qoomaqa taikarara imarufanoo Yisufa Yeerusaree amaana maqaki keeqafinoo faiqí anaasee ufa qimanniminau.

Yoohanee 7:14 Iomraidhean Croise

Mataioo 21:12

Yisufa Yeerusareenni oorureenoo Yeerusaree firaa amaana maqaki keeqanau. Keeqafufanoo aiqamai aiquqinau. Ainaina nimidaqa feefauru maree marusa faqa munnimma nimidaqa ainaina maree marusa faqa Yisufa nindafa masee aiqama rapatutu meeqeenoo nifaqasoofaqa fiqau. Kaqi munnimma qumareeqee amaana maqasaa munnimma kafaa nimimarusa Yisufa misa nindafamaseenoo misa qainda munnimma namufaqa teeqimma quqanau. Anutuna qaindasaa tatufira nakipuruna mini nimisaida munnimma maree marusa faqa misa ainaina faqa teeqimma quqanau.

Mataioo 26:55

Yisufa miqi qimasee narí faiqiara qaoo qimaseenoo quandafinoo narí qumaree marusa qimanniminoo qinau. Qinee maqee maqee inni amaana maqaki qimannimi mariafannaqoo innee mikari miqoo qini qumaraaqaana. Maqee eendaki innee qumee kai duru saamu namufaqa qini qumaree mariafanoo. Qinee qumuari maruna fasiqausara maqi marunaqa innee asukunaki qini qumaree mariafanoo.

Ruka 19:47

Miqooqari Yisufa maqee maqee mi amaana maqanaki faiqí anaasee naamua qinau.

Yoohanee 18:20

Yisufa mina ufa iriseenoo maaqi qimasee Annasana qimaminau. Qinee faiqí anaasee moomoo suqimaruqoo kai ufa qimannimimariqia. Suqira maaqaki fee naaquqara amaana maqaki fee faiqí anaasee moodaaqoo suqiraqoo fee miqoo kai qinee naamuaqira ufa aiqama ufa qimannimimariqia. Sia qinee moo ufa kukeeqaranaki qimannimiqiafana. (Innee aaqamasee qini kukeeqaranaki irama qimaqee mariafanoo.)

Yoohanee 5:14

Kasooqaqee marikinoo amaana maqaki mi fasiqana paqurimandee Yisufa maaqi qimaseenoo qimaminau. Doo fee maqee qafeenee Doo findifuananoo doo maqee aneenna mandainaina minnimasaa. Sia miqinanoo kafaa mandainaina firaafa uqanna anisaa aqufuannoo.

Yoohanee 7:2

Yuda maqannaasa qoomaqa firaafa uqiqaana maqa qoomaqa adeedi roofaqa Yisuna akaqaafasaa Yisuna qimamiqa qiqau.

Yoohanee 7:28

Yisufa firaa amaana maqaki faiqí anaasee qimannimidanoo mi ufana iriseenoo maaqi qimasee firaaqoo qimanniminau. Kuqaa fee innee qiniara iridee. Qinee yaindaraasee marunaqee innee kuqaa qiniara irida fee. Sia qinee qeeqa kai animaridaqa qini diqiqaifa mifa kuqaa anoona maridanoo. Innee kuqaa minara sia irimariafanoo.

Yoohanee 7:37

Uqiqaana maqa qoomaqa taikara faasaana uriqarara faasaanee qiqau. Mi faasaanna Yisufa findifinoo faiqí anaasee firaa kari qimanniminau. Yafasiqa anaasee fee nammariara aididanoo fee qinee iannaqoo nammari uqanna ani naa Anutuna tamummaqara fasiqa moo ooqai maaqi qimasee akara rinau. Kaqi marirana nimira nammari misa nimuqusa ookiqari ururee fuannoo fee qinau. Yafasiqa anaasee fee qiniara kuqaa anoonee qinafa misa nimuqusa ookiqari mi nammarifa ururee fuannoo.

Yoohanee 8:20

Yisufa maa ufausa Yeerusaree firaa amaana maqaki qimannimimarinau. Mi amaana maqanaki oosirafa moo marinau. Amaana maqaki quqee maru munnimma difaanifa minaki marufanoo mi oosiranaki Yisufa maridanoo mi ufausa qimanniminau. Misa Yisuna qumaraanee qimasee sia qumaraqau. Sia mina kuqira aukuana adeedi ranoo marunara Anutufa qumee rafaaqafusoofaqa sia qumaraqau.