Yoohanee 7:1 - Anutuna Ufa

¹ Miqooqari Yisufa Kariree maqa maaqaki nimarinau. Sia Yudeeaa maqa maaqai finau. Yuda maqannaasa miqoo mina arira ufa qimarunara sia finau. (Ooqai Isaraee maqannaasa Isipa maqusaindari qaara fasiqa niku nisauku taikasee aukuana nifuru faiqaqa uqiqaana maaqaki fimarufanoo Anutufa innaarunai maridanoo narí afeekannai Isaraee maqannaasa maqasaaqaraasa qumee dadaaqidanoo aandau narana nimimarufaqa naqafimariqau. Kaasau maqa maaqai nini iusa oonu randee nári maqasaa Isaraee maqasaa animaridaqa aukuana aukuana Yeerusareenni suqufidaqa uqiqaanarasaida faiqeeunara iriseeqa minara afaarurumanaida nári naambeeqa nári naambeeqa uqiqaana maqa usakasaida dinni qisauku taikasee dinni ani qaara marasaida (7) faasaana minaki faiqaida qoomaqa sakasaida namasaida minara susu imariqau.)

Yoohanee 7:1 Iomraidhean Croise

Mataioo 10:23

Misa inni moo maqusaki narifaqa innee moo maqusai sandeeqa qiniara miqoo qimannimiaqa. Qinee anoona ufa qimannimidaqa. Innee Isaraee maqusa maqusa aiqama qiniara qimannimimarifaqa sia aiqama qimannimi taikainnaqoo qinee faiqí nimaaku kaifaa innaarunaindari qumuanaura.

Mareekoo 11:18

Amaana maqakina aanaiqikirausa uriqararausa faqa Mooseena sandufa iriqaraasi marusa faqa Yisufa miqi qunara aanoomasee iriseeqa Yisuna kuqarira aanara randee mariqau. Faiqí anaasee muduka uqanna moomoosa Yisuna ufa irufanoo naaquqoonara aanaiqikirausa Yisunara rufiee marunara ariranara randaqau.

Yoohanee 1:19

Yoohaneefa Yisunara kooroo qu ufafa maaqimasee animarinau. Yuda maqannaasa amaana maqa aanaiqikirausa faqa amaana maqaki dapi saika maree marusa misara Reefina aiku asauku fee qimarusa misa faqa Yeerusareenni suqufufaqa ufa qimaseeqa faiqí akaqausa nifeeqasee niqiqoofaqa Yoohaneenara irarara ooqufiqau. Yoohaneefa nammari nimimarufunnai Yooradanna nammarinni ooqureeqa maaqi qimasee iraqau. Oo Yoohanee, Anutuna tamummaqara fasiqauqa kambiqaaninna tamummaqara fasiqanara akara rumaqoofa anee maana mifee yafee.

Yoohanee 4:54

Doo Yisufa qaara kari Yudeeaa maqa maaqaindari anireenoo Kariree maqasaa qaara ainaina firaa ainaina kooroomasoofaqa qafaqau.

Yoohanee 6:1

Yisufa Yuda maqannaa rakisirausa mi ufana qimannimiseenoo miqooqari Kariree firaa farumma dinni afainni finau. Mi farummana auqu moo marinau, Tibeeriasa farummee qiqau.

Yoohanee 7:11

Yeerusaree maqusa qoomaqaki Yuda maqannaa rakisirausa Yisunara randoosia narí qimami narí qimami qidaqa qiqau. Mifa yai fee marinoo fee.

Yoohanee 7:13

Sia moo fannoo Yisunara akooqoo qimariqau. Narí Yuda maqannaa uriqararausara rufiasee qumee kai qimariqau.

Yoohanee 7:19

Mooseefa sandufa akara rumaqoona inni nimufaqa innee mina qumaree mi mau fimarunausee qimasaidaqa fifau qidaqa inniki moo fannoo sia mi mau fimariafanoo. Innee moo mau fidaqa qini kuqa darirara qimariafanoo.

Yoohanee 7:25

Yeerusaree maqusanaasa Yisuna qafamasee mina ufa iriqa maaqi qiqau. Maana misa kuqariraree qidaqa.

Yoohanee 7:35

Yuda maqannaa uriqararausa mi ufana iriseeqa narí qimami narí qimami qiqau. Mifa yai fee finaqa maasa sia amana fuanauree. Mifa aanaamuru Kirisa maqannaa mariannai fee fuannoo fee. Yuda maqannaasa miqoo mariasa faqa maridaqa Kirisa maqannaasa narí ufa qimannimiraree fidanoo fee qida qinoo fee.

Yoohanee 8:37

Innee Abarahaamana ati mariafaqa qinee minara iridaqa sia innee mina aanna reemariafaqa, qini ufa sia marararee qidaqa qini dariraree qimariafanoo. Abarahaamafa sia miqi marufa minara innee sia Abarahaamana faiqi namu uqanna mariafanoo.

Yoohanee 8:40

Qinee qeeqa qikoonasaaqaraa ufa kai inni qimannimimarunaqa innee quandafiqa qini darirara qimariafanoo Abarahaamafa sia mi oosanna maranau.