Yoohanee 6:70 - Anutuna Ufa

⁷⁰ Yisufa iriseenoo kafaa qimanniminoo qinau qinee qeeqa kai qisaukuqara taikasee qikuqara marasee fasiqa naarauna qini faqa nimariafanoo. Moo fannoo inniki afaanna maridanoo.

Yoohanee 6:70 Iomraidhean Croise

Yoohanee 13:18

Yisufa kaifaa narí faiqi namu maaqi qimasee qimanniminau. Anutuna tamummaqara fasiqauqa ooqeenaa akara oosana maaqimminoo maridanoo. Innikiqari moodaa fannoo qini narana qini faqa neemarifa mifa qini namuqaakinoo aranaiqi daruannoo. Maa akarana oosana inniki kambiqaannoo, sia inni aiqamara qidaqa. Qinee oonu mareeqee qeeqaindika maqaunausa mariafanoo moodaa fannoo kai.

Yoohanee 13:2

Yisufa narana eendaki sakasaida narí faiqi namufaqa neemarinau. Yudasifa Keerioota maqusaindaraafa indaaruqaa Simoona amarana amaaku mifa Yisuna faiqi namufaqa miqoo marufa faasai Sadannafa mina dadaaqufanoo Yisunara ueeqararee qidanoo deedaqimarinau.

Yoohanee 13:21

Yisufa minara qimanniminsoofanoo narí aunduraki oonumafi irufanoo amuqusufanoo kafaa kooroomasee qimanniminau. Qinee anoona ufa qimannimidaqa innikiqari moo fannoo qiniara ueeqaannoo.

Yoohanee 13:27

Yudasifa mi feemuna qumarasee namasoofanoo doo Sadannafa mina aundurai keeqanau. Miqufanoo Yisufa Yudasina qimaminoo qinau. Doo anee aneenna inna ainaina doo dauni dauni ia.

Yoohanee 15:16

Sia innee qini rusandeesamumandee qini qumaraafanoo. Qinee naaree inniara rusandeesamumandee inni qumareeqa. Inni marirafa nirafa qini daanna ramasee mariaqeera qinindikiaqeera qimasee inni mareeqa. Mi marira oosanafa sia putaa iannoo afeeka kai mariannoo. Innee minara irisee nana sarauimari ainainaree qini qikoofinnai innaaru qimasee qini duqusaa innaaru qimasaifanoo nimiannoo.

Yoohanee 15:19

Innee qini faiqi namu maa maqa maaqanasaaqaraasa faqa moodaa irirana faqaasa marifaqau misa inniara maasaindi fee qimaseefau inniara rini. Qinee inni maa maqa maaqanakinaasa rusandeesamumasee qumaraqaunausa mariafaqa maqee sia misaindi marianara minara kaukaata qimannimaqaidaqa.

Yoohanee 17:12

Ani auqu afeeka eeraarirana qimiannana minannai maa kamuqoo misa faqa maridaqa amiqimandee qeeqa faiqi namu rakisidaqa marunaqa maridaqa. Qinee misa ititannimaqeeqa, sia moo fannoo dapikiaqeera. Maaniki fimari fasiqafa Yudasifa mifa kai dapikinoo maridanoo. Sia kaqi dapikinoo, ani ooqeenaa akara anoona kooroo ianifeera dapikinoo.

Yoohanee 20:24

Yisuna faiqi namukiqari Toomasifa mifa qaara qapirafa maqaqoofa marufa moosaa mi eendanaki maridanoo sia Yisufa tautumasee maasaki kooroo una sia mifa qafanau.

Yoohanee 6:64

Doo qinee akooqoo kooroomasee qimannimunaqa innee akaqausa siamma irimariafanoo. Yisufa narí faiqi namu oosana faasai irinau. Misaki akaqausa mina ufa sia irusa faasai Yisufa nindafanau. Misaki moodaa fannoo ueeqaaninnana faasai qafanau.

Yoohanee 6:67

Yisufa miquna nindafamasee quandafi narí faiqi namu (12) qisaukuqara taikasee qikunnoo ooqu qaara marasee faiqi namu maaqi qimasee qimanniminoo qinau. Innee faqa misa naanna reefaree qini minniqiseeqa fifaree.

Yoohanee 6:71

Yisufa afaannee quna Yudasinara narí qumee qimirinau. Yudasifa Keerioota maqusanaafa moo fasiqa Simoona amaaku marinau. Yudasifa Yisuna (12) qisaukuqara taikasee qikunni ooqu qaara marasee faiqinamu misaki marufa marinau. Kasooqaqee mi fasiqafa Yisuna uqeeqasainaqa aunirira saqarisaa arifandinnanara Yisufa minara oonu mafi iriseenoo afaanna fee qinau.

Yoohanee 8:44

Afaanna nikoofa Sadannafa maridanoo. Innee mina faiqi namu maridaqa mina aanna ree mariafanoo. Ooqaindari faiqí kuqannarimarufa maridanoo. Sia anoonufakifau mapukinoo maridanoofau. Anoona ufa sia uqanna minaki marifa maridanoo. Mifa unna ufa qinoo narí oosanamau kai fidanoo. Mifa unna ufa qimarifa maridanoo unna ufa qimariasa nikoofa maridanoo.

1 Timooti 3:11

Dadaaqi maria fasiqausa ninaaqmaaka faqa marirana nirana andeeqasee maridaqa sia munuqi miniqi qimariasa marifaranoo. Mi anaaseesa noori runusee maridaqa anoona ufa kai qimariasa mariaqa.

Titusa 2:3

Anaasee firaasa faqa miqi kai masee maaqi qimasee qimannimianaqa, misa marirana anukara anaasee kammambiqa mariaqa, misa moosara nifai sanduri mariana sia miqiaqa, sia manda nammarinnai nidudusaa aruaqa. Misa fuka aanaaseeuqa amiqira oosana uqannifiqasee naakapamasaifaqa misa nári nifaaqiara ruaqeera nári faiqi namuara faqa ruaqeera. Misa nári naundura nimanara iridaqa mariaqeera. Misa anukara anaasee mariaqeera misa amiqimmandee nári nifaaqi faiqi namu qumiasana ainainasaa rakisirausa mariaqeera. Misa afaaridaqa amiqi marinausa mariaqa. Misa nári nifaaqmaaka ufara eedoo qimarinausa mariaqeera Titusa anee qimannimia. Misa miqiqa marifanoo akaqausa ani nindafeeqa sia Anutuna ufara mandainainee qiaqeera.

1 Yoohanee 3:8

Yafa yafee mandaikiraqoo kaqi nimarifa mifa Sadannanaindi maridanoo, Sadannafa nikaruqirafa maridanoo nikaruqiannoo. Ooqai oosana arooqooqari mandainainaki nimarifa Sadannafa maridanoo Anutufa narí amaaku maa ainainnara maa maqanasaa koorooinau, Sadannana mandainainirana arutaikaanifeera maa maqanasaa koorooinau.