Yoohanee 6:51 - Anutuna Ufa

⁵¹ Qinee kaqi marira feemu innaarunaindari qumu marunausa maridaqa. Faiqí anaasee moo fannoo qinee amianna feemuna namasainafa naaru naaru mariannoo. Qinee nimianna feemufa qini qimaqi maridanoo. Maa maqa maaqana afaaqasasa mariasa kaqi mariaqeera nimidaqa.

Yoohanee 6:51 Iomraidhean Croise

Mataioo 20:28

Innee qini daanna raaqa innee qini qiqafaaqa. Qinee faiqí nimaaku firaasa maridaqa, sia faiqí anaasee qini ainainamma qisaaqeerau qumidau. Qinee inni ureeqarausa inni ainainamma nimaqararee qimasee qumiqa. Qeeqa kuqiranannai moomoosa aaqarana akiaqara idukiraree qimasee minara faqa qumiqa. Minara innee narinni narinni qini daanna raaqa.

Ruka 22:19

Miqi qimaseenoo feemu moo maraseenoo Anutunara dufi dufi qimaseenoo ruqi ruqi maseenoo narí faiqi namu niminoo qinau. Maa feemufa qini qifaaqa kikiqusira feemufa maridanoo kuqiranaki inniara quqannimaqaanaura. Innee maqee maqee naidaqa qiniara naaqoo iridaqa naaqa.

Yoohanee 1:14

Mi ufafa Anutuna anoona ufa Yisufa faiqí faiqi kamambinoo maasaki qumu marinau. Qumumarufaqa mina afeeka eeraarirana maasa mina faiqi namu kuqaa qafaqau. Mifa narí akoona amaaku moodaa marunara narí akoonasaaqaraa afeeka eeraarirana faqa kaqi afaarirana faqa kuqaa anoona ufa qirana faqa maraseenoo qumbiqanoo maruna qafaqau.

Yoohanee 1:29

Iqaqoofanoo kananaana Yisufa Yoohaneefunnai ooqu fimarufanoo Yoohaneefa qafeenoo narí faqa marusa maaqi qimasee qimanniminoo qinau. Innee qafaaqa maa fasiqafa Anutufa nifaueemari aandau aanaaqi narí qaindasaa kuquaninna aandaufa maasa aiqamausa maa maqanasaaqaraasa mandainaina minannai maraquqiseenoo Anutufa darira ufa ateekaqisaaninafa maridanoo.

Yoohanee 11:26

Yafasiqa anaasee fee kaqi maridanoo qini saqarikinoo naaru sia kuquannoo kaqi marirana marirafa qiniki marinara naaru naaru sia kuquannoo. Marata anee minara kuqaa fee qidanee.

Yoohanee 3:14

Yisufa kafaa Nikoodeemusana qimamidanoo qinau. Ooqai aadana maqa maaqaki sakaniuqaindi Isaraee maqannaasa moomoo ukaqannimisoofaqa kuqimariqau. Mooseefa mina qafamasee koopaa saunu naaree auquseenoo mina aanaaqianna minannai kai sakani auquseenoo mi saununasaa kukukukuqamaseenoo doo uqeerasoofaqa kuqirarimarusa mina qafamaseeqa sia kuqiqau findifiqau. Qini faiqí nimaaku miqi kai masee qini darusee aunirira saqarisaa uqeera quqeefaranoo. Qinee miqoo airiqa marianaqa aiqamausa qini qiqafamasee irirana qinisaa rusirausa Anutufa narí naaru marirana nimiannoo.

Yoohanee 3:16

Anutufa maa maqanasaa mariasara amuqusa firaaqoo qunara narí amaaku moodaa uqanna amiqirana maqasaaqaraasa nimuna mina saqarikinausa sia kuridiranaki fifaranoo Anutuna naaru mariranaki fuaqeera narí amaaku niminau.

Yoohanee 3:36

Anutuna amaaku ufa irisee mara mina saqarikinafa doo mifa Anutuna naaru marirana marasee minaki maridanoo. Anutuna amaaku ufa irisee rukiainafa Anutuna firaaqoo aanooqirafa minasaa naaru mariannoo.

Yoohanee 5:24

Yisufa Yuda maqannaa rakisirausa kaqi qimannimidanoo qinau. Qinee kuqaa anoona ufa inni qimannimidaqa faiqí moo fannoo qini ufa irisee qini diqiqamaqoona saqarikinafa mifa doo naaru mariranaki maridanoo. Miqinna fasiqafa sia Anutuna arirufaki mariannoo. Anutuna narirana doo maa maqee aiqaaqareenoo kaqi mariranaki doo keeqanoo maridanoo.

Yoohanee 6:33

Anutufa nimunnaranna innaarunaindari qumu maridanoo maa maqanasaa mariasa naaruara marirana nimidanoo.

Yoohanee 6:35

Yisufa kaifaa qimanniminau. Qinee kaqi marira nimira narana marunausa maridaqa. Faiqí moo fannoo qinee marunannai anireenoo qini saqarikinafa mifa sia kafaa naranara foora aararaannoo sia kafaa nammariara foora aidiannoo.

Yoohanee 6:41

Yuda maqannaasa uriqararausa mi fasiqa anaaseesaki mariasa misa Yisuna ufa irisee mifa nariara innaarunaindari qumuafanausa maridee qidanoo. Miqi qimasee dapi dapi ufa qimariqau.

Yoohanee 6:47

Qinee anoona ufa uqanna qimannimidaqa faiqí moo fannoo irirana qinisaa rusimarinafa naaru marirana doo mareenoo.

Yoohanee 6:48

Qinee kaqi marira feemuara foora marunausa maridaqa.

Yoohanee 6:50

Maa qinee kaqi marira feemuara foora maridee qimarunausa faiqí namasee sia kuqifandinna feemusa maridaqa.

2 Koorinti 5:19

Maasa qimannimira ufa maaqimminoo maridanoo Anutufa narí asauku mundiranannai aiqama maa maqa maaqana afaaqasasa mariasa oonu mareeqee narí aqoondikiranaki quqanau. Anutufa faiqí anaasee aaqarana sia qafaida sia irida mara quqannimiqaidanoo. Mifa narí moodaanaki kira ufa maasasaa quqaseenoo innee faiqí anaasee mareeqee qini faqa moodaanakikirana inni nimida fee qinoo.

2 Koorinti 5:21

Anutufa narí andeeqarana innisaimbaqa naida qimianifeera narí amaaku qimamiseenoo maasa mandainaina aiqama qumareeqeenoo minasaa quqasoofanoo mina akiaqara kuqinoo taikannimaqanau. Asauku mundirafa mandoosana siaifa miqinau.

Eefeesusa 5:25

Faiqí inni faqa qimannimidaqa innee aanaaseeuqa nifaaqmaaka inni qimannimidaqa, innee faqa asauku mundirana aanna raaqa, Yisufa narí ufara suqimariasa narí aanaaqara foora misara kaaqa amuqusufanoo misa naaru mariaqeera qimasee narí marirana misara kuqiranaki paasoosamandee quqanau. Innee inneeqa ninaaqmakara miqi kai iqa uriqarara ainainee qimasee nimuqusinaqa ruaqa.

Titusa 2:14

Mifa maasa kuqirana nariara maraseenoo maasa sia maraaqeera maasa kuqiranaki mifa keeqanau. Sia fifaufau kuqinau. Maasa qeeqa mandainainakinaana mareeqeenoo maqee kamuqoo narí kaaqa qara andeeqara fasiqa anaasee kammannimaqaaneera kuqinau. Maasa minaindikuqanna iaqeera, maqee maria kamuqoo amiqira ainaina kai maasa aruqarara rimariasaikamma fuaqeera kuqinau.

Heeburu 10:20

Mifa fuka aana maasara afisinoo. Kaqi marira aana Anutunasaa ititara qamunna anaqiseenoo afisinoo, narí afaaqara qamunna kikiqa usidanoo.

1 Peetooroo 2:4

Faiqí faiqi misa Anutuna amaana maqa usakee maru faakanara foora Yisunara nikooqoofaqa auniriranasaa arusee minnisaqau. Minnisoofanoo Anutufa qafamaseenoo qinee ooqai maa faakannara qutaaqamaqaafannana idaaqirafa maridanoo fee qimaseenoo maraseenoo amaana maqa usakararee qimaseenoo marasee kafaa rakiqanau.

1 Yoohanee 2:2

Anutuna asauku mundirafa mifa kai aandau tatufirafara foora maridanoo. Minannai maqasaa fasiqa anaasee mandainaina akiaqara taikanniseenoo doo maasa Anutufinnai mafi qisaidanoo. Sia maasaindi kai aiqama anaamurundi minannai kai taikannisaaninafa maridanoo.

1 Yoohanee 4:10

Andeeqara amuqusirana anoona maaqimminoo maridanoo. Sia maasa Anutunara uriqarara ainaina fee qimasee rimariqiafana. Anutufa naaree maasara amuqusufanoo narí amaaku aqiqeenoo minannai maasa mandainaina akiaqara dariraree quna mina mara aquanifeera aqiqoofanoo quminau.

1 Yoohanee 4:14

Maasa maa ainainna qafeeqa aiqama qimannimidaqa maasa qikoofa narí amaaku aqiqeenoo maa maqa maaqanasaaqaraasa mandainainaki mariasa qumareeqee uqeeraani fee qimasee aqiqanau.