Yoohanee 6:45 - Anutuna Ufa

⁴⁵ Ooqai tamummaqara fasiqa maaqi qimasee akara riqau. Anutufa aiqamausa naamuaqira ufa qimannimiannoo. Qinee mi ufana iridaqa maaqi qimasee inni qimannimidaqa. Aiqamausa qini qikoona ufa iriseeqa mina aamua qira ufa irimariasa qinee ianannai anidaqa.

Yoohanee 6:45 Iomraidhean Croise

Mataioo 11:27

Aiqama ainaina qini qikoofa qiminau. Yafa yafee amaakuara iridanoo fee sia moo fannoo. Akoofa kai minara iridanoo. Yafa yafee akoonara iridanoo fee, sia moo fannoo amaaku kai minara iridanoo amaaku fannoo narí kai irisee uqannifiqarausa misa minannai qini qikoonara iridaqa.

Mataioo 17:5

Peetooroofa kaqi qimarufanoo kaaqa qarana asuru fannoo aiqama rafaaqa finau. Ufa moo, asurukiqari Yisunara qimanniminau. Maafa qini qimaaku qini kaaqa minara qimuqusidanoo. Qini didirafa minasaa maridanoo, mina ufa iriaqa.

Mareekoo 1:2

Anutuna ooqeenaa tamummaqara fasiqa auqu Eesaiaafa Yoohaneefa nammari nimarunara maaqi qimaseenoo akara rinau. Iriaqa qinee qini ufa maree marinnana qini Anutusa qisauku mundirana ani oorinni aqiqaananoo fidanoo ani aana afisuannoo.

Ruka 1:70

Minara ooqai narí naaquqara tamummaqara fasiqauqannai maasa maa ainainnara qimanniminau.

Ruka 18:31

Yisufa narí faiqi namu nifiqamaree aadumai oonureenoo qimanniminau, Innee iriaqa innisaimbaqa Yeerusareenni ooru fidaqa, miqoo marianaqa ooqai mariu tamummaqara fasiqauqa faiqí nimaaku qiniara akara rumaqoo ufafa anoonaikiannoo.

Yoohanee 10:27

Qini sipsipauqa qini ufa iridaqa qinee misara faqa iridaqa, misa minara aiqama qini faqa fidaqa.

Yoohanee 6:37

Qini qikoofa eedoo qira irirana niminausa misa qinee unnannai nári naundura ubeekama qimaqeefaranoo. Miqi mariasa qinee ianannai animariasa sia niqiqaanaqa fifaranoo.

Yoohanee 6:65

Yisufa minara maa ufana atiki kafaa qimanniminau. Qinee minara faasai qunnana sia amana moo fannoo narí kai qinee ianannai aniannoo. Qini qikoofa dadaaqinanoo kai qinee ianannai aniannoo.

Eefeesusa 1:17

Anutufa narí maraquna inni niminanoo mifa irirana faqa Anutuna oosana faqa kooroomannimaqainaqa innee minara iriaqeera innaaru qidaqa.

Firipi 3:15

Maasa aiqamausa Yisuna ufa akoofasaikirausa mi irirana kai maraqa nuaqa. Innikiqari akaqausa moo irirafa marinanoo Anutufa inni minara qimannimiannoo.

Heeburu 10:16

Qinee misa faqa moodaanaki kira ufa maaqi qidaqa. Mi faasaannafa qinee qeeqa qifaaqa aru amianna faasaanna aiqarainaqa qeeqa sandufa misa nimuqusaki quqasaanaqa misa mi mau kai fida mariaqeera. Misa nitikuraki faqa akara rumasaanaqa sia uqanna aunuaqeera.

1 Yoohanee 2:27

Qinee inniara iridaqa asauku mundirafa narí ufa inni naakunnimaqoofanoo maridanoo. Mina ufa fannoo inniki maridanoo sia fifau moo fannoo aana inni uqannifiqaannoo. Mina ufa fannoo narí kai aiqama ainaina anoona ainaina faqa unna ainaina faqa rainasee qimannimidanoo sia moo unna qidanoo. Innee Yisuna ufa irisee eedoo kai qiaqa. Miqidaqa asauku mundiranaki kaqi mariaqeera qidaqa.