Yoohanee 6:29 - Anutuna Ufa

²⁹ Yisufa iriseenoo maaqi qimasee qimanniminau. Innee maaqimasee Anutuna ainainamaisaaqa. Narí aqiqainna fasiqana mina saqarikiqa minasaa naundura rusiaqa. Anutuna ainainirafa miqimminoo maridanoo.

Yoohanee 6:29 Iomraidhean Croise

Idi Ufa 2:12

Naindiri ree marinaqa mina oorinni niqoori saunu araaqa. Innee sia miqifanoo mifa aanoo qinaqa innee kuqifaranoo. Mifa itita qimaqaanifee qimasee mifinnai fimariasa asasi mariasa maridaqa.

Mataioo 17:5

Peetooroofa kaqi qimarufanoo kaaqa qarana asuru fannoo aiqama rafaaqa finau. Ufa moo, asurukiqari Yisunara qimanniminau. Maafa qini qimaaku qini kaaqa minara qimuqusidanoo. Qini didirafa minasaa maridanoo, mina ufa iriaqa.

Mareekoo 16:16

Qinisaa irirana rusimariasa irirana rusidaqa nammari maree mariasa misa innaarunai naaru marira asumu mareefaranoo. Qinisaa sia irirana rusimariasa misa nariranaki fifaranoo.

Yoohanee 3:36

Anutuna amaaku ufa irisee mara mina saqarikinafa doo mifa Anutuna naaru marirana marasee minaki maridanoo. Anutuna amaaku ufa irisee rukiainafa Anutuna firaaqoo aanooqirafa minasaa naaru mariannoo.

Yoohanee 5:39

Innee Mooseena sandufa faqa Anutuna tamummaqara fasiqauqa akarakinaa ufa asaana ridaqa naaru marira aanara randaidaqa mi sandufafa kai qiniara qimannimimarifaqa sia irimariafanoo.

Yoohanee 6:28

Misa minara iriseeqa Yisuna irammiriqa qiqau. Nanee qimasee Anutuna ainainianauree.

Yoohanee 6:38

Qinee qeeqa qikoona iriranamau innaarunaindari sia qinee qeeqa qumiqa, qipaqeena ufara mina ainainirara qumiqa minara qinee sia moona aqiqaananoo fuannoo.

Yoohanee 6:57

Qini qikoofa Anutufa kaqi marira oosana faqaafa qini diqiqoofaqa maaqoo maridaqa minasaaqaraa marirana maraidaqa. Miqi kai inoo qini namasainafa qinisaaqaraa marirana maraannoo.

1 Teesaroonika 1:3

Maasa inniara maqee maqee maasa qikoona Anutuna aaqoo auqaidaqa. Innee Yisuna saqarikidaqa miqianara Anutuna ufirira ainainirana maqee maqee imariafanoo. Innee Anutunara faqa faiqí aanaaseera faqa nimuqusa imarinara Anutufinnai kadaapiri mariafanoo. Innee Yisunara asasammasee afeesira irirafa karaambaiqa asauku mundirana Yisunaki atukaramasee marianara minauqara faqa maasa irisee Anutuna aaqoo auqaida inniara innaaru qimannimaqaidaqa.

Heeburu 5:9

Mifa aupuraranakiqari amiqiranaikamambinoo quandafi narí ufara eedoo qimarusa naaru naaru marirana oosanaraseenoo niminau.

Yameesa 2:22

Sia fee innee iridee. Abarahaamafa narí Anutuna saqarikirana faqa narí asaukunnai qumararana faqa miqandannoo narí dadaaqi narí dadaaqinau. Narí asaukunnai qumararafa narí saqarikirana dadaaqufanoo anoonaikinoo amiqinau.

1 Yoohanee 3:23

Anutufa maa naakaparufana maasa qimaqiminau. Innee qini qimaaku Yisuna qini qisauku mundiranara inneeqa irirana minasaa rusisee quandaki narí mina ufamau fiqa nariara nariara uriqarara ainainee qimasee nimuqusiaqee qinau.

1 Yoohanee 5:1

Yafa yafee Yisunara Anutuna asauku mundira fee qinafa mifa Anutuna faiqi mariannoo. Moo fannoo akoonara rinafa mifa mi fasiqana faiqiara faqa ruannoo.

Uqafiqoo Ufafa 2:26

Rakiranara foora iqa mandainaina uraaqarararee imariasa qini ufamau fimariasa mi mau fifi inaqa taikara aukuana paquriqa qini qikoofa afeeka qimuna quandaki misa nimianaura.