Yoohanee 5:6 - Anutuna Ufa

⁶ Yisufa mi fasiqana qafoofanoo maqasaa faiqaqee ufanoo Oo kisaaqasaa aurimari fee qimaseenoo mi fasiqana maaqi qimasee irammirinau. Anee findifirara aididanoo fee.

Yoohanee 5:6 Iomraidhean Croise

Idi Ufa 142:3

Qinee minnisara runanoo qinee andeeqasee qianna ainnainnara mifa iridanoo. Qinee fimarunna aannanasaa qini namuqaa qini qimaara kukeeqasee ufaana fufidaqa.

Ruka 18:41

Anee qiniara naqimma aisaanauree qidanee qufanoo mi fasiqafa qinau. Oo uriqararafa anee qini qifu maqaqisaanneera qidaqa qufanoo

Yoohanee 21:17

Miqi qimasee Yisufa qaaramookufanoo Peetooroona irammirinoo qinau, Simoona Yoohaneena amarana amaaku kuqaa fee anee qiniara aidinoo fee. Peetooroofa Yisufa qaaramoo kari iroonara aundura rapikufanoo maaqi qimasee qimaminau, Oo Karaambaiqa anee aiqama ainainara irimarianafa qinee aniara didimarinara anee irimariananoo. Yisufa iriseenoo qinau, anee qini ufa irimariasasaa naranara foora nimia.

Yoohanee 5:5

Faiqí moo kisaaqasaa aurimarufa misaki marinau. Moo fasiqa aiku asauku taikasee moo fasiqa asaukuqara taikasee dinni aiku taikasee dinni oonu qaaramoo marasee (38) aukuana dinee uqee marufa marinau.

Yoohanee 5:7

Mi dinee fasiqafa mina iriseenoo maaqi qimasee qimaminau. Oo rakisirafa, Anutuna qangiroo maa nammarina auqamasaifaqa yafee qini mareeqee minaki quqaannoo fee qinee anuqi marunaqa moo fannoo kai kaqi kaqi aqufida taikasaida fidaqa.

Heeburu 4:13

Sia Anutuna afusaa moo ainaina kukeeqarana amana, sia amana miqiannoo. Aiqama ainaina faiqí anaasee Anutufa auquqoo ainainausa kai marinara narí afusaa akoosaqa akooqoo uqanna maridanoo. Maasa mi Anutuna afusaa qeeqa marunnanara andeeqaranara faqa aaqaranara faqa ufa qianaura.

Heeburu 4:15

Maasa aanaiqiki maria fasiqausa uriqararafa maasa daunduraki ummaararee marifaqa maasa kudoosaapee marunnana sia sia qafee marifa maridanoofau, qafee marifa maridanoo. Sadannafa aiqama ainaina amanamasaifanoo sia mina qumaraifa qafamaqaifa kai maridanoo, minara kai maasara qimudaoo qimasee amuqusidanoo.