Yoohanee 5:40 - Anutuna Ufa

⁴⁰ Innee minara iridaqa sia qinee unnannai aniree naaru marirana maree mariafanoo.

Yoohanee 5:40 Iomraidhean Croise

Idi Ufa 81:11

Qinee mi ufana amiqimasee qeeqa maqannaasa qimannimiafanaqa sia mi ufana iriqau. Isaraee maqannaasa sia qini Anutusa ufamau fiqau.

Mataioo 22:3

Suqaseenoo narí faiqi namu niqiqeenoo qinau. Maqusa maqusa fifainiqa eenda qimannimunausa nifiqee minisaifaqa narana naaqa. Qimasoofaqa fifainiqau. Faiqí oonu naaramasoofaqa misa qaoo qimasee minnisaqau.

Mataioo 23:37

Oo Yeerusaree Yeerusaree firaa maqusa aniki mariasa Anutuna tamummaqara fasiqauqa narusa mariafanoo. Anutufa faiqí faiqi niqiqoosa ooni saamu narimarusa. Moomoo kari sia asaanarida qinee kookooraanara fooqiara qiqoosa qairisee Yeerusareenni faiqi namu mafi sakaanee runaqa misa rukiee mariasa.

Yoohanee 1:11

Mifa narí auqu maqa maaqanaki aniroofaqa mina maqannaasa minaki mariasa mina mareeqee aqusee minnisaqau.

Yoohanee 10:10

Qummuarimari fasiqafa qummuaramasaina taikaanifeera fifau faafau qummuarianifeera faqa kuqannaruanifeera faqa kuridi nimaqaanifeera faqa aniannoo. Qinee faiqí anaasee asumu marirana nimianeera anidaqa. Sia kaqi dapi mariranarau qidau. Asumu marirana amiqirana moo faqa moo faqa rairaairana nimirara mina kai nimiraree qimasee qumidaqa.

Yoohanee 3:19

Anutuna narira oosana maaqimminoo maridanoo. Anutuna kaaqa qara qoomara foora Yisufa maa maqanasaa doo ani maridanoo. Faiqí nári oosana mandainaina maree marifanoo minara irinoo kaaqa qara qoomara Yisunara akooqaifanoo asukunara ridanoo.

Yoohanee 5:39

Innee Mooseena sandufa faqa Anutuna tamummaqara fasiqauqa akarakinaa ufa asaana ridaqa naaru marira aanara randaidaqa mi sandufafa kai qiniara qimannimimarifaqa sia irimariafanoo.

Yoohanee 5:41

Yisufa Yuda maqannaa rakisirausa kaqi qimannimidanoo qinau. Qinee sia inni naanna raida faiqí qimooqiaqee qirainainara randaidaqa.

Yoohanee 5:44

Innee kaaqa naramooqirana naramooqiranara ridaqa Anutuna amooqiranara sia rimariafanoo.

Yoohanee 6:27

Innee sia dauni putaa ira naranara ainainiaqa. Naaru marirana nimira naranara minara ainainiaqa. Qinee maa naranna qinee faiqí nimaaku inni nimianaura. Qini qikoofa Anutufa qiniara aidimarifanoo narí aiqama ainaina qini daaku qimaqasaina inni amana mi naaru marira naranna nimianaura.

Yoohanee 6:37

Qini qikoofa eedoo qira irirana niminausa misa qinee unnannai nári naundura ubeekama qimaqeefaranoo. Miqi mariasa qinee ianannai animariasa sia niqiqaanaqa fifaranoo.

Yoohanee 6:40

Qini qikoofa maanara ridanoo. Mina amaaku qiqafee mariasa minasaa irirana rusimariasa mi kamuqoo kai naaru marirana mareefaranoo. Taikara faasaana qinee misa uqeereeqee naaru mariranaki quqannisaanaura.

Roomma 6:23

Dinni manda oosana fannoo narí ainainimariasa naarama quqaseenoo narí ainainirana akiaqara feefauru nimidanoo mi feefaurufa kuqirafa kai maridanoo. Kafaa mina dinni Anutuna kaqi nimira ainaina innaarunai naaru marirafa sia ainainirana akiaqara maridanoo, mina asauku mundirafa maasa karaambaiqa Yisufa mina faqa moodaanaki kiqa maridaqa mina namufaqa innaarunai naaru marirana kaqi nimirafa mariannoo.

Uqafiqoo Ufafa 22:17

Anutuna maraquna faqa sipsipa aanaaqi Yisuna anaaqa faqa aiqamausara mai aniaqee qidaqa. Aiqama maa ufana irimariasa innee faqa quandafi niqoonausa naaraaqa aniaqee qiaqa. Yisufa naaru marira nammari nimianee qidanoo. Aiqama nammariara nidimarisa doo aniree naaqa. Sia feefaurifaranoo, nidimarinausa kaqi naaqa.