Yoohanee 5:34 - Anutuna Ufa

³⁴ Qinee sia maqasaa fasiqa moo qini dadaaqiranara randaidaqa Yoohaneenara qidaqa. Innee naaru mariranaki fuaqee qimasee maa ufana qimannimidaqa.

Yoohanee 5:34 Iomraidhean Croise

Ruka 13:34

Oo Yeerusaree, Yeerusaree innee Anutuna tamummaqara fasiqauqa kuqa narusee mifa niqiqoosa oonisamu qumaree narimariasa. Qinee moomoo kari ani faiqí anaasee marasee kookooraanara foora sakarara imarunaqa innee qaoo qiafanoo.

Ruka 19:10

Qinee faiqí nimaaku miqiqa auiqaqa nuasara randasee nifiqa quqasee asumu marirana nimiraree qimasee qumu maridaqa.

Yoohanee 20:31

Maa ainainnausara akara rumaseeqa inneeqa Yisunara kuqaa asauku mundira fee qimasee Anutuna amaaku fee qimasee mi iriranannai mina auqunnai innee naaru naaru marirana maraaqeera akara rumannimaqeeqa.

Yoohanee 5:32

Anutufa qini dadaaqimarifa maridanoo mifa anoona ufa kai qiniara qimarifa maridanoo, sia qeeqa kai qianaura mifa dadaaqiannoo. Innee Yuda maqannaa rakisirausa ufa anoona iriannee qimasee faiqí niqiqaifaqa Yoohaneefa nammari nimimarifunnai ooquree iriqau.

Yoohanee 5:41

Yisufa Yuda maqannaa rakisirausa kaqi qimannimidanoo qinau. Qinee sia inni naanna raida faiqí qimooqiaqee qirainainara randaidaqa.

Yoohanee 8:54

Miqi qimasoofanoo Yisufa qimanniminau. Qinee qeeqa duqu fifau uqeerasaana sia anoonaikiannoo, fifau mariannoo. Qini qikoofa Anutufa qini duqu uqeeraidanoo dadaaqidanoo, innee unna qimasee minara maasa Anutunee qimariafanoo.

Roomma 10:1

Oo qini qikaqaafasaauqa Roomma maqusai mariasa. Qeeqa qimuqusa ookiqari qeeqa maqannaasa Isaraee maqannaasara Yisufinnai aniree mina asumu marirana maraaqeera firaaqoo qimuqusidanoo. Qinee Pauroosa misara Anutufinnai firaaqoo innaaru qidaqa.

Roomma 10:21

Miqi qimaseenoo Isaraee maqannaasara maaqi qinau. Qinee faasaambaasaana inni rafusira runaqa innee ufa rukieeqa kaqirunna fimaria maqannaasa maridaqa rafusiranara rufiee mariafanoo.

Roomma 12:21

Faiqí anaasee mandainaina fannoo sia inni rafaaqa fuani, inneeqa amiqira oosanannai misa mandoosana rafaaqafuaqa.

Roomma 3:3

Akaqausa sia narisaa quqaqoonara irisee andeeqaramau fiqa rukiasee kaqi runnambiqau. Anutufa misa furufarirana qafamaseenoo qinee faqa misa qima afeekaikamma nimiafanna ufana qinee faqa misa naanna reeqa rukiaanauree qianauree.

1 Koorinti 9:22

Qinee Yisuna ufara sia andeeqasee saqariki mariasaki ainainidaqa misa faqa moomoosa aniaqee qimasee misa naanna ramafi maridaqa. Qinee oosana oosana qaini qaini qiranannai faiqí anaasee maraanee qimasee aiqama fasiqa anaasee naanna ramafiqa misa naaraidaqa.

1 Timooti 4:16

Aneenna nirana mariranasaa faqa aneenna faiqí anaasee ufa qimannimiranasaa faqa rakisia. Qinee qimamunna ufamau andeeqasee finana ani nirafa marirafa andeeqasee marinana anee aneenna faqa ani ufa irimariasa faqa asumu mareennaranoo.

1 Yoohanee 5:9

Maaqoo kootaki ufa qimariasa ufa iridaqa kuqaa fee qidaqa. Faiqí ufa marinanoo Anutuna ufa fannoo faiqí ufa uriqaranoo marinara mifa akooqooqaraana Yisunara qini qimaaku uqannee qimaqoofa marinara maasa minara kuqaa anoonee qimasee irianaura.