Yoohanee 5:22 - Anutuna Ufa

²² Qini qikoofa sia maa maqanasaaqaraasa mandufa irisee andeeqannisaannoo. Narí amaaku qini qimiqaifaqa qeeqa qikoona Anutuna iriramau misa manda ufa andeeqannisaanaura.

Yoohanee 5:22 Iomraidhean Croise

Idi Ufa 96:13

Yaaweefa maqasaaqaraasa rakisi nimaqarara anireenoo andeeqaranannai faqa amana amana kai ira oosanannai faqa rakisi nimaqaannoo.

Idi Ufa 98:9

Yaaweefa maa maqa maaqanaki mariasa ufa andeeqa nimaqarara quminara asasamma amaqaaqa. Narí andeeqaranannai faqa amana amana kai andeeqaranannai faqa maqasaa qaraasa andeeqannisaannoo.

Mataioo 11:27

Aiqama ainaina qini qikoofa qiminau. Yafa yafee amaakuara iridanoo fee sia moo fannoo. Akoofa kai minara iridanoo. Yafa yafee akoonara iridanoo fee, sia moo fannoo amaaku kai minara iridanoo amaaku fannoo narí kai irisee uqannifiqarausa misa minannai qini qikoonara iridaqa.

Mataioo 16:27

Minara qinee faiqí nimaaku qumuanaura, qini qangiroo namufaqa qini qikoona kaaqa areenaranaki qumuanaura, aiqama faiqí anaasee misa saika auqee mariana akiaqara nimirara qumuanaura.

Mataioo 28:18

Mina faiqi namu miqoo ooru miqiqa marufanoo Yisufa adeedi anireenoo maaqi qimasee qimanniminau. Innaaruna faqa maqa faqa firaa uriqararana Anutufa qini qiminoo. Moo fannoo sia qini uriqarafa mariannoo. Doo qinee kai.

Yoohanee 17:2

Oo Anutu, anee aiqamausa rakisianneera afeeka eeraarira maraquna qiniki quqaqaananoo. Anee faiqí anaasee qumee rarisameeqaidana qimimariannana qinee misa naaru naaru marirana nimianeera mi afeekana qimiqaananoo maridanoo.

Yoohanee 3:35

Yisuna akoofa Anutufa narí amaakuara amuqusifanoo minara ridanoo aiqama ainaina mina aramandunnai quqaidanoo.

Yoohanee 5:27

Mifa Anutufa narí amaakuara faiqí nimaaku fee qimasee faiqí anaasee mandainaina andeeqannisarana narí amaaku qinisaa quqaqaisa maridaqa.

Yoohanee 9:39

Yisufa mina qafamasee miqoo marusa qimanniminoo qinau. Qinee maa maqanasaaqarasaa rainannimaqarara qumuafanausa maridaqa. Qinee nifu dimbarausa maqaaneera qumuafanausa nifu maqarausa dimbaaneera qumuafanausa maridaqa.

Roomma 2:16

Kasooqaqee anianinna faasaana Anutufa narí asauku mundirana Yisunannai faiqí anaasee aiqama naunduraki kukeeqarana kooroomaseenoo rainannimaqaannoo, Qinee Pauroosa Anutuna amiqira fasaasufa faiqí anaasee qimannimiqa nidaqa minara qimannimidaqa.

2 Koorinti 5:10

Asauku mundirafa ufa qiminna faasaana maasa aiqamausa mina afusaa kikiqianaura. Kikiqamambuananoo narí kai maasa maa maqanasaa marunnana akiaqara amiqira ainainee mandainainee mina akiaqara aadu aadu qimiannoo.

2 Timooti 4:1

Oo Timooti qinee Pauroosa Anutuna afusaa faqa asauku mundirana kuqirausa faqa kaqi mariasa faqa aaquqimannimaqee marina afusaa faqa doori kandamasee ani faqa aaquqimamaqaidaqa. Yisufa kaifaa kooroomafi aiqamausa rakisianinnanara iriseeqa ani aaquqimamaqaidaqa.

1 Peetooroo 4:5

Kasooqaqee misa faqa Anutuna afusaa nári mandoosanara kooroomasee mina akiqara mareefaranoo. Anutufa kaqi mariasara faqa kuqirausara faqa ufa iriseenoo rainaranara deedaqammasee maridanoo.