Yoohanee 5:2 - Anutuna Ufa

² Yeerusaree maqusa faandaamura kooqi sipsipa kooqi fee qimarufa marinau. Mi kooqina aaqa nammari farumma firaafa marinau. Mi farummana afainni aana fiqu imarunnai qaindaira moodaanai qisauku qaindaira marinau. Mi farummana auqu Beetasata farummee qimariqau.

Yoohanee 5:2 Iomraidhean Croise

Yoohanee 19:13

Piratoofa misa ufa iriseenoo Yisuna afiqee madaanai ufa irimaru qaindanasaa ooqumarifinoo ufa irimaru qaindana aaqa ooni ausirirafa moomoo maruqoo qumu ooqumarifi ufa irimarinau. Yuda maqannaasa minara Kabatee qimariqau. Maasa ufakiqari ooni padiranee qidaqa.

Yoohanee 19:17

Yisufa Yeerusaree maqusaindari narí aunirira saqari akumaree fimarinau.

Yoohanee 19:20

Yisuna aru maqa maaqafa Yeerusaree aaqa adeedi marufaqa faiqí anaasee moomoo mina akara qafaida asaana rimariqau. Mi akarafa Yuda maqannaasa ufa moo auqu Eeburu ufakiqari faqa Roomma maqannaasa ufa moo auqu Ratinna ufakiqari faqa Kirisa maqannaasa ufakiqari faqa akara rinoo marufaqa asaana rimariqau.

Yoohanee 20:16

Yisufa mina iriseenoo mina auqu ramaseenoo qinau, Maria, qufanoo Mariana amarafa tautumma quandaki qafeenoo Oo ufasaa rakisirafee qinau. Eeburu maqannaasa ufakiqari qinau, Rabooni, maasa ufakiqari ufasaa rakisira fee qinau.

Yoohanee 5:3

Mi qaindairana ameemaanai auqaanai aurirana oosana oosana maree marusa misa mina ameemaanai ooqumari maree mi farummana afaiqara fiqummambi mariqau. [

Yoohanee 7:21

Miqi qimasoofanoo Yisufa maaqi qimasee nári qimanniminau. Qinee faiqí sia auqaaqaa ira ainainna moodaa auqaunaqa innee aiqama tautiafanoo.

Uqafiqoo Ufafa 16:16

Yisufa miqi qimaqimisoofanoo mi taka namusa aiqama karaambaiqa faqa nári sundia namufaqa nifieeqeenoo Isaraee maqasaa quqasanau. Mi maqa maaqana auqu Heeburu ufakiqari moo auqu Isaraee maqannaasa ufakiqari Aramakeedoona maqa maaqee qimariqau.

Uqafiqoo Ufafa 9:11

Misa saideenna uriqararafa maqa ameemaanai madika rakisirafa uriqararafa maridanoo. Yuda maqannaasa ufakiqari moo nuqu Heeburu ufakiqari mina auqu Abadoonnee qimariqau. Kirisa ufakiqari Apoorioonee qimariqau. Mi auquna oosana aiqama ainaina kuridi marinee qimariqau.