Yoohanee 5:19 - Anutuna Ufa

¹⁹ Yisufa kafaa qimanniminau. Qinee kuqaa anoona ufa inni qimannimidaqa. Qinee sia moo ainaina qeeqaraa auqaidaqa qeeqa qikoona qafamasee mifa indeekai idaqa. Akoofa moo ainaina auqaifanoo amaaku miqikaimmidanoo.

Yoohanee 5:19 Iomraidhean Croise

Oosana 1:1

Oosana kuradoo aukuanna Anutufa sia maru ainainannai miri innaarunna faqa maa maqana faqa oosana arasee auqinau.

Oosana 1:26

Miqimmaseenoo Anutufa kaifaa qinau. Maasa faiqí naanna faqaasa auquanaura, maasa qimana kai maasa qeeqa fooqaana auquanaura. Misa ooruku nammariki noodaanna ainaina faqa sandaaqai qaqamaree nimaria ufinisa faqa maaqeena aandauqa faqa kaasau aandauqa firaanauqa saa faqa kaqikaanauqa saa faqa rakisianifeera auquanaura.

Idi Ufa 138:3

Oo Yaawee qinee aaraunana iriseenana anee qimaqimiananoo. Aneenna afeekannai qini afeekaikamma qimaqaananoo.

Idi Ufa 27:14

Yaaweena saqarikia. Sia ani amuqusa ummaara raani, afeekaikammasee mina saqarikia.

Idi Ufa 50:6

Innaaruna fannoo Anutunara maaqi qimasee kooroo idanoo. Anutufa narí kai andeeqarafa ufa raina nimaqee marifa maridanoo.

Rafudoo Akarafa 4:11

Miqi qufanoo Anutufa Mooseena qimaminoo qinau. Yafee nifauru nimidanoo fee. Yafee sia ufa qiasaika faqa naaqoo qaunirausaika faqa mannisaidanoo fee. Yafee nifu maqarana faqa nifu dimbarana faqa nimidanoo fee. Qinee Yaaweesa kai miqidaqa.

Aaquqira Ufa 2:6

Yaaweefa kai amiqira irirana nimidanoo. Mifinnaindari kai irirafa faqa oonumafi irirafa faqa anidanoo.

Mataioo 26:39

Miqi qimaseenoo mifa kaqikaa qoo nariara oonu oorindari mi saqamanaki maqasaa aqufufanoo innaaru qinoo qinau. Oo qini qikoofa amanee anee sia qini minniqisainaqee sia kuquanauree. Sia qeeqa didiranara iridaqa ani aidiranara dididanoo, anee qinaqa kuquanaura.

Ruka 21:15

Mikari qinee qeeqa kai qumee dadaaqianaqa innee irirana faqaasa ufara foora qimannimifaqa inni namuqaakiqari moo fannoo sia amana inni ufa rukiasee qaoo qifara.

Yoohanee 10:18

Sia moo fannoo narí afeekannai qini marirana maraannoo. Qinee qeeqakai qeeqaraa irisee qeeqa marirana kuqiranaki quqaanaura. Qini qikoofa qinaqa qeeqa marirana kuqiranaki quqararee qimasee quqaanaura. Quqasee kafaa marararee qimasee maraanauranoo. Qini qikoofa miqi qimasee ufa qimaqimifaqa iridaqa.

Yoohanee 12:49

Qinee sia qeeqa iriranannai ufa qimannimidaqa qini diqiqamaqoona qini qikoona uqaqifiqoo ainaina kai qimannimidaqa uqannifiqaidaqa.

Yoohanee 12:50

Qinee qeeqa qikoona ufa iridaqa mina ufa fannoo kai naaru naaru marirana nimidanoo. Qinee minara iridaqa qeeqa qikoona ufa kai qimannimidaqa.

Yoohanee 14:10

Firipi anee sia fee qini ufara anoonee qidanee. Qinee qipaqeenaki faqa maridaqa mifa qiniki faqa maridanoo sia fee anee mi ufana iridanee. Yisufa kafaa narí faiqi namu aiqama qimanniminoo qinau. Qinee inni ufa qimannimimarunafa sia qeeqa daundurakinaana qimannimidaqa. Qini qikoofa qiniki marifa narí irirana iriseenoo qifaqa narí qimau kai fidaqa qimannimidaqa.

Yoohanee 2:19

Yisufa mi ufana iriseenoo qinau. Amana, innee maa amaana maqana rapeemasaifaqa qinee qaaramoo faasaana kafaa uqeera kuradaanaura.

Yoohanee 3:3

Yisufa iriseenoo narí qimaminoo qinau. Qinee anoona ufa ani qimamianaura. Faiqí Anutufinaindari kafaa fukasaa aanaaqi aanaaqi kamafinausa kai Anutuna ququsaki keeqeefaranoo. Kaqi marinausa sia amana fifaranoo.

Yoohanee 5:21

Qini qikoofa kuqira fasiqauqa findifumannisaidanoo. Qinee faqa miqikai iqa qeeqa didiranannoo kai kaqi marirana akaqausa nimianaura.

Yoohanee 6:38

Qinee qeeqa qikoona iriranamau innaarunaindari sia qinee qeeqa qumiqa, qipaqeena ufara mina ainainirara qumiqa minara qinee sia moona aqiqaananoo fuannoo.

Yoohanee 8:28

Kasooqaqee innee qini faiqí nimaaku uqeereeqee aunirira saqarisaa quqaqisaseeqa mikamuqoo qinee mariaafannanara irifaranoo. Qini qikoofa qimaqimiqoo ufana kai inni qimannimidaqa. Mikari innee minara faqa amiqimasee irifaranoo.

Yoohanee 9:4

Qini diqiqoofa qini qimiqoo ainainirana sia amana asukunaki auqaanaura maasa faasaana auqaanaura. Doo kaqikaaqoo eendinaqa sia miqoo faiqí moo fannoo auqaannoo.

Roomma 6:4

Maasa nammari maraafannanannai maasa Yisuna namufaqa qikundeera foora iqa narí kuqirana naida qimidanoora foora qinoo, mina akoofa narí kaaqa areenara afeekannai narí asauku mundirana kuqiranakinaana mara findifuna, maasa miqi kai masee maasa fuka mariranaki mariaqeera qinoo maasa kuqiranakiqariara foora findifumaqisanau. Maasa Yisuna faqa kuqiqa moodaanaki kammidaqa miqikaimasee mina faqa findi fiqa mina moodaa kaqi mariranaki marianaura.

Roomma 8:11

Anutuna maraquna fannoo Yisufa kuqiranakinaana marafindifinau. Yisuna mara findifu maraqunafa kai inni faiqí nifaaqa kuqiqa marifanoo kasooqaqee mi kuqirana uqeereeqeenoo kaqi marirana nimiannoo, narí maraquna inniki marinnanannai miqiannoo.

1 Koorinti 15:12

Maasa asauku mundirafa kuqiranakiqari findifunara maasa qimannimiafanaqa innikiqari akaqausa naqimasee kuqirausara sia findififaranoo fee qida fee.

2 Koorinti 4:14

Maasa maana faqa iridaqa, karaambaiqa Yisuna kuqiranakinaana uqeeroofa maasa innisaimbaqa Yisuna faqa uqeera narí oorisaa quqaqisaannoo.

2 Koorinti 5:10

Asauku mundirafa ufa qiminna faasaana maasa aiqamausa mina afusaa kikiqianaura. Kikiqamambuananoo narí kai maasa maa maqanasaa marunnana akiaqara amiqira ainainee mandainainee mina akiaqara aadu aadu qimiannoo.

Eefeesusa 3:16

Mi Anutunara inniara innaaru qidaqa, asauku mundirana innee saqarikiranannai mifa anireenoo inni naunduraki maaqakiara foora ani keeqaanifeera. Mifa narí maraqunannai narí areenarana firaanakiqari inni naunduraki afeeka niminaqa mapukusee mariaqa. Qinee inniara maaqi qidaqa innaaru qidaqa, innee inneeqa atukara foora faqa faakanara foora faqa nariara nariara nimuqusiranaki mapukusaaqa, innee Eefeesusa maqannaasa faqa Anutuna aiku asauku moo maqannaa mariasa saimbaqa afeeka marinaqa minannai asauku mundirana inniara amuqusinoo aidirana firaana iriaqeera innaaru qidaqa. Mifa inniara amuqusinoo aidirana mina kisaaqasaa aidirana faqa mina qusa kamu faqa mina meerai sandaaqaira faqa mina meemai farumara foora marirana faqa mina firaatiara iriaqeera qinee innaaru qidaqa.

Firipi 3:21

Mifa miqoo maasa ummooqukira maqasaaqaraa qifaaqa mareeqeenoo quandaseenoo narí kaaqa areenara afaaqa fooqaanaikammiannoo. Mifa aiqama ainaina mareeqeenoo narí aramandunnai quqara afeekannai maasa maqasaa qifaaqa mara quandaqisaannoo.

Firipi 4:13

Asauku mundirafa narí afeeka qimufaqa minannai amiqiranee mandaikiranee kaqi maraidaqa.

Kooroosee 1:11

Anutuna idaaqira eeraarirafa minasaaqari aninna afeekafa aiqama inni faqa afeeka niminaqa innee oosana oosana mandainaina ummaara fannoo innisaa kambiqainaqa ubiqafi reendeenidaqa asasammasee maraaqeera.

Kooroosee 1:16

Mina asauku mundiranasaa Anutufa aiqama ainaina innaarunai marina faqa maqasaa marina faqa akooqoo maria ainainausa faqa kukeeqara ainainauqa faqa Anutuna amiqira qangiroouqa faqa misa namuqaa afaanauqa faqa nári rakisirausa faqa nári uriqararausa faqa nári faiqí firaasa faqa mi aiqama ainainausa asauku mundiranannai Anutufa auquseenoo mina aummooki mara quqanau. Mina amooqimasee minaindikiaqeera Anutufa minannai auqusee narí aminau.

1 Teesaroonika 4:14

Maasa maaqi qidaqa inni qimannimidaqa. Yisufa kuqufinoo kafaa minakiqari findifinau. Miqunara maasa maaqi qidaqa Yisuna saqariki mariasa kuqufifanoo Anutufa Yisuna mara findifundee kai inoo misa faqa marafindifumma nimaqaannoo. Yisufa qumuaninna aukuana Yisuna faqa moodaanaki mariaqeera Anutufa marafindifumma nimaqaannoo.

1 Peetooroo 3:18

Asauku mundirafa narí uqanna inniara kuqinau. Moodaa suanisaa moodaa kari kai aiqamausa mandoosanara kuqinau. Inni nisauku qumareeqeenoo Anutufinnai quqaaneera amiqirafa maasa manda fasiqa anaaseera kuqunnimaqanau.

Uqafiqoo Ufafa 2:23

Qinee mi anaaseena ufa irimariasa faqa kuqa narusaanaqa amaana maqaki keeqee mariasa qini oosana irifaranoo. Misa qiniara kukeeqara ainainara irimari fee qiaqeera naruanauranoo. Qinee aiqamausa nári nisaukunnai auqainnana akiaqara kai nimianaura.